Өзбекстанда коронавирус жуктургандардын саны 2,5 миңден ашты

Окуялар тизмеги 12 Май 2020 14:29
0 ой-пикир

Өзбекстанда коронавирус жуктургандардын саны 2 миң 509 адамга жетти. Бул тууралуу өлкөнүн Саламаттык сактоо министрлигинен билдиришти.

Маалыматка ылайык, өлкөдө сутка ичинде коронавирусту жуктурган 56 учур катталган. Ал эми 100 жаран илдеттен айыгып, реабилитациялык борборго которулган.

Эскерте кетсек, Өзбекстанда 8-майдан баштап аймактардагы эпидемиологиялык абалга жараша «кызыл», «сары» жана «жашыл» сыяктуу карантиндик чектөөлөр коюлган. Ал эми 11-майдан тарта чектөөлөр район жана шаарлардын деңгээлинде иштей баштады.

Бүгүнкү күндө Өзбекстанда 2 миң 509 адам илдет жуктурса, 1 миң 988 жаран айыккан. Ал эми коронавирус жуктурган 10 бейтап каза болгон.

Ой-пикир калтыруу

Ваш e-mail не будет опубликован.

Конул бурунуз: Сиздин пикириниз сайттын администраторунун модерациясынан кийин жайгаштырылат.