Түштүк Кореянын премьер-министри Кыргызстанга келди

Окуялар тизмеги 17 Июл 2019 16:33
0 билдирүү

Кыргызстанга Түштүк Кореянын премьер-министри Ли Нак Ён расмий сапары менен келди. «Манас» эл аралык аэропортунда аны өкмөт башчы Мухаммедкалый Абылгазиев тосуп алды.

Корей премьер-министринин сапарынын алкагында 50дөн ашуун корея компаниясынын катышуусунда кыргыз-корея бизнес-форумун, В2В түрүндөгү жолугушууларды, эки тараптуу жолугушууларды өткөрүү пландалган. Өкмөттүн басма сөз кызматы билдиргендей, сүйлөшүүлөрдүн жүрүшүндө тараптар соода, айыл чарба, саламаттык сактоо, тоо-кен тармагы, туризм, энергетика, транспорт, текстилдик өнөр жай, маалыматтык технологиялар чөйрөсүндө, ошондой эле маданий-гуманитардык байланыштарды бекемдөө багытында кызматташууну мындан ары карай өнүктүрүү маселелерин талкуулашат.

Ошондой эле Ли Нак Ёнду президент Сооронбай Жээнбеков кабыл алат. Расмий сапардын жыйынтыгы боюнча бир катар эки тараптуу документтерге кол коюлушу күтүлүүдө.

Сүрөт интернеттен алынды

Билдирүү калтыруу

Ваш e-mail не будет опубликован.