Өкмөттүн Ош облусундагы өкүлчүлүгүнүн басма сөз катчысы Нуркыз Кадырбекова ММКларга билдиргенине караганда, оорукананын курулушу күзгө чейин аяктап, пайдаланууга берилиши күтүлүүдө.

«Имараттын чатыры 80% жаңыланды, учурда терезелери жаңыдан орнотулуп жатат. Отканасынын чатыры аяктоо алдында. Жылытуучу система толугу менен алмаштырылып жатат», — деди ал.

150 орунга ылайыкташкан жаңы инфекциялык оорукана салынуучу айыл Ош шаарынан 20 чакырым аралыкта жайгашкан.

Июль айында коронавирус пандемиясы күч алганына байланыштуу инфекциялык ооруканаларда орун калбай, өкмөт башка медициналык мекемелерде атайын бөлүмдөрдү ачкан. Алардын эң чоңу «Семетей» госпиталында. Ошондой эле Кыргызстандын аймактарына, Бишкек жана Ош шаарларына кошумча инфекциялык оорукана куруу зарылчылыгы келип чыккан.

Интернет колдонуучулар башка облустарга дагы ушундай ооруканалар керектигин жазышууда.

Бул туурасында Ош облустук ички иштер башкармалыгынын (Ош ОИИБ) басма сөз катчысы Жеңишбек Аширбаев билдирди.

«Баштапкы маалыматтарга караганда «ВАЗ 2107нин» айдоочусу уктап кетип, жолдун четиндеги «SCANIA» үлгүсүндөгү жүк ташуучу автоунааны сүзгөн. Окуя болжол менен 5-августта эртең мененки саат бештер чамасында Бишкек-Ош автожолунун 663 чакырымында болгон», — деди Аширбаев.

Кырсык Кара-Суу райондук ички иштер бөлүмүндө Кылмыштар менен жоруктардын бирдиктүү реестрине катталып, тергөө иштери башталды. Тиешелүү техникалык жана соттук медициналык экспертиза дайындалган.

Облустук ИИБнин басма сөз катчысы Жеңиш Аширбаевдин “Азаттык” радиосуна билдиргенине караганда бул иш боюнча иликтөө жүрүп жатат.

“Бул иште эч кандай улуттук маселе жок. Бардык күнөөлүүлөр жазасын алат. Интернеттеги айрым адамдар өз кызыкчылыгы үчүн чуу көтөрүп, маалыматты бурмалоого аракет кылышууда. Биз алардын айрымдарына эскертүү бердик”, — деди Аширбаев.

Милициянын маалыматына караганда, таксисттин өлүмүнө шектүүлөр камакка алынган. Эки жаран киши өлтүргөнү үчүн, үчөө маалыматты жашырганы үчүн айыпталууда. Учурда төртөө убактылуу абак жайында, кичүүсү — 15 жаштагы шектүү үй камагында.

29 жаштагы таксисттин дайынсыз жоголгонун айтып, туугандары милицияга 19-июлда кайрылган. Алгач анын өрттөлгөн денеси, кийинчерээк айдап жүргөн автоунаасы табылган.

Маркумдун артында эки баласы жана кош бойлуу келинчеги калды.

Бул каттам менен кыргызстандык кесиптештерине коронавирус жана пневмония ооруган бейтаптарды дарылоого жардам берүү үчүн ыктыярдуу түрдө 2 мекендеш — медицина кызматкери келген.

Ошондой эле бул каттам менен Россияда эмгектенген мекендештер жөнөткөн жалпы суммасы 198 миң рубль болгон медициналык дары-дармек жана каражат түрүндөгү гуманитардык жардам келген.

«Чет жердеги Кыргызстандын жарандарын өлкөгө кайтаруу боюнча иштер улантылууда», — деп билдиришти министрликтен.

Маалыматка ылайык, мекенине кайтууну каалаган жарандардын саны көп болгондуктан келе турган жарандардын тизмеси Москвадагы кыргыз медициналык клиникаларынын дарыгерлеринен, кыргыз диаспорасынын, Кыргызстандын Россиядагы элчилигинин өкүлдөрүнөн турган комиссия тарабынан түзүлгөн.

Ошондой эле бул каттам менен кыргызстандык кесиптештерине коронавирус жана пневмония ооруган бейтаптарды дарылоого жардам берүү үчүн ыктыярдуу түрдө 19 мекендеш — медицина кызматкери келген.

«Чет жердеги Кыргызстандын жарандарын өлкөгө кайтаруу боюнча иштер улантылууда», — деп айтылат маалыматта.

Дарыгердин COVID-19 илдетине чалдыкканы аныкталган. Жарматова бир нече жыл ооруканада бөлүм башчы, жетекчинин орун басары болуп иштеген. 2019-жылы Кыргыз Республикасынын Эмгек сиңирген дарыгери ардактуу наамын алган.

Жарматова Темиркан Досатовна — 1955-жылы 20-апрелде Ош облусуна караштуу Чоң-Алай районундагы Дароот-Коргон айылында туулган.

Маркумдун артында жолдошу жана эки кызы калды.

Белгилей кетсек, акыркы суткада Кыргызстан боюнча 96 медициналык кызматкер коронавирус жуктуруп алды. Жалпысынан республикада 2076 медициналык кызматкерден коронавирус табылып, анын 583ү айыкты.

Саламаттык сактоо министрлиги буга чейин алты медициналык кызматкер коронавирус менен күрөшүп жүрүп, илдет жуктуруп алгандан кийин каза болгонун маалымдаган.

Учакта орундуктардын саны чектелүү жана Кыргызстанга кайтууну каалаган жарандар көп болгондуктан, аталган каттамга жүргүнчүлөрдүн тизмеси кыргыз диаспорасынын өкүлдөрүнөн, Москвадагы кыргыз медициналык клиникалардын дарыгерлеринен жана Кыргызстандын Россиядагы элчилигинин кызматкерлеринен турган атайын Комиссия тарабынан түзүлгөн.

Чет мамлекеттерде жүргөн КР жарандарын Кыргызстанга кайтаруу боюнча иштер улантылып жатат.

Ош шаарында борбордук базарда, “Келечек”, “Тешик-Таш” базарларында жана шаардын кичирайондорундагы кичи базарларда дезинфекциялоо иштери жүргүзүлүүдө.

Ошондой эле дезифнециялоо иштери Жалал-Абад шаарынын базарларында да жүргүзүлүүдө.

Анын айтымында, Россиядан апрель айында Ош облусундагы айылдардын биринде жашаган кыргыз жараны келген.

«Коронаврусту жуктуруп алып, оорусун жашырган жаранга кылмыш иши козголду. Ал жаран оорусун жашыргандан улам анын үй-бүлөсүнүн бир мүчөсүнө илдет жуккан. Дагы туугандарынын ичинен 10 адам обсервацияга жаткырылган», — деди комендант.

Нурдинов белгилегендей, 25-мартан бери илдетти жуктуруп, оорусун жашырган 3 факты катталган.

Коронавируска байланыштуу Кыргызстандын Бишкек, Ош, Жалал-Абад шаары жана Ноокат, Кара-Суу, Сузак райондорунда киргизилген өзгөчө абалдын режими 30-апрелге чейин узартылды. Ошондой эле ал убакытка чейин өзгөчө абал тартиби Нарын шаары жана Ат-Башы районунда киргизилди.

Маалыматка ылайык, 15-апрель күнү вице-премьер-министр Акрам Мадумаров, ички иштер министринин биринчи орун басары, милициянын генерал-майору Сүйүн Өмүрзаков, саламаттыкты сактоо министринин орун басары Мадамин Каратаев, өзгөчө кырдаалдар министринин орун басары Равшан Рысбаев, Ош шаары, Кара-Суу жана Ноокат райондорунун коменданты Малик Нурдинов, өкмөттүн Ош облусу боюнча ыйгарым укуктуу өкүлү Узарбек Жылкыбаев, Ош шаарынын мэри Таалайбек Сарыбашовдун жетекчилиги астында укук коргоо органдарынын, күч түзүмдөрүнүн, мамлекеттик мекеме-уюмдарынын жетекчилеринин катышуусунда жыйын болуп өттү.

Ош шаары, Кара-Суу жана Ноокат райондорунун аймагында өзгөчө абалдын мөөнөтүнүн узаргандыгына байланыштуу COVID-19 илдетин жоюу жана жайылып кетүүсүнө бөгөт коюу боюнча аткарыла турган иш-чаралар талкууланды.

Тийиштүү органдарга өз милдеттери туурасында тапшырмалар коюлду. Өзгөчө абал узаргандыгына байланыштуу калкты азык-түлүк, дары-дармектер менен үзгүлтүксүз камсыз кылууну, коомдук жайларды, азык-түлүк дүкөндөрүн, калкты тейлөөчү мекеме-уюмдардын имараттарын, банктардагы акча алуучу жабдыктар орнотулган жайларды, оору чыккан аймактардагы турак-жайларга санитардык-карантиндик талаптардын негизинде тынымсыз дезинфекциялоо иштерин жандандыруу талаптары коюлду.

Президентин жарлыгынын негизинде өзгөчө абал 30-апрелге чейин узартылып, коменданттык сааттын убактысы кечки саат 21:00дөн тартып эрте мененки саат 06:00гө чейин белгиленди.

Нурдинов элди туура эмес маалымат таратуудан алыс болууга чакырат.

«Коменданттык саат жана өзгөчө абал кирген мезгилде жалган маалымат тарткандарга эскертүү гана берилген. Ал эми 3-апрелде чыккан жаңы мыйзамдын негизинде адамды дүрбөлөңгө салгандарга дароо чара көрүлүп, иш козголуп жатат. Бүгүнкү күндө 2 жаранга 5,5 миң сом өлчөмүндөгү айып салынды», — дейт комендант.

Эскерте кетсек, Ошто коменданттык саатты бузган 10 жаран кармалып, 3 миң сом өлчөмүндөгү айып салынган.

7-апрелге карата Кыргызстанда коронавирусту жуктуруп алгандардын саны 228ге жетти. Ошондой эле илдеттен 33 адам айыкты жана коронавирус жуктуруп алган 4 жаран каза болду.

Коронавируска байланыштуу Кыргызстандын Бишкек, Ош, Жалал-Абад шаары, Ноокат жана Кара-Суу, Сузак райондорунда 2020-жылдын 25-мартынан саат 08.00дөн баштап 15-апрелине саат 08.00гө чейин өзгөчө абал киргизилген.

Маалыматка ылайык, 2020-жылдын 26-мартында 1979-жылы туулган Ош шаарынын Жапалак айылынын тургуну Ажиев Султангазы Туратбекович кармалды.

С.Ажиев Жапалак айылында жергиликтүү эки тургун коронавирус жуктуруп алган деген жалган маалыматты социалдык тармактар аркылуу жайылткан.

Аталган адамга түшүндүрүү иштери жүргүзүлгөн соң, ал кылган ишинин туура эместигин мойнуна алып, жалган маалымат бергендиги үчүн элден кечирим сурашты.

УКМК укук коргоо органдары менен биргеликте коронавирустун таралышы боюнча жалган маалыматтарды, ушактарды, тараткан тараптарды аныктап, табуу, ошондой эле коомдук-саясий жана эпидемиологиялык абалды туруктуу сактоо боюнча тиешелүү иш аракеттерди жүргүзүүнү улантууда.

Кечээ, 26-мартка караган түнү саат 00:30 чамасында Ош ШИИБге Кеңеш айылынын 1997-жылы туулган тургуну И.Э. өз үйүндө асынып каза болгондугу тууралуу маалымат келип түшкөн. Ыкчам иликтөө тобу окуя болгон жерге барып, керектүү далил буюмдарды чогулткан. Окуя Кылмыштардын жана жоруктардын бирдиктүү реестрине катталып, сотко чейинки өндүрүшкө алынды.

Ош шаарындагы соттук-медициналык экспертиза бюросу билдиргендей, каза болгон келиндин денесинде жаракаттар байкалган эмес. Мойнунда асынып алган жиптин гана изи болгон. И.Э.нин сөөгүн кечээ, 26-мартта жакындары Баткен облусуна алып кетишкен.

И.Э. Ош шаарына 2019-жылдын ноябрь айында келин болуп келген, жолдошу менен жашаганына 5 гана ай болгон.

Маалыматка ылайык, 27-март күнү саат 10:20лар чамасында Ош шаарынын Р.Абдыкадыров менен С.Абдувалиев көчөлөрүнүн кесилишинде “Хонда-фит” үлгүсүндөгү автоунаанын айдоочусу (аял) мыйзамдуу талаптарга баш ийбей, автоунаасын токтотпостон милиция кызматкерин унаанын капотуна жыгылта сүзүп сүйрөгөн.

«Унааны айдап качууга аракет жасаганда укук коргоо кызматкери эскертүү иретинде асманга бир жолу ок чыгарган. Автоунаа токтотулуп, айдоочу Ош шаардык ички иштер башкармалыгынын тергөө кызматына алынып келинген», — деп айтылат маалыматта.

Аталган факты Кылмыштар жана жоруктардын бирдиктүү реестрине Жазык кодексинин 355-берененин 1-пункту боюнча катталган. Сотко чейинки өндүрүш иши башталган.

Сотко чейики өндүрүш иши боюнча милиция кызматкеринин алган жараатынын оордук даражасын аныктоо максатында соттук-медициналык экспертиза дайындалды.

Мындай чечим кырдаалга жараша керектүү кызматтардын кызматкерлерин ташуу үчүн кабыл алынган.

Каттамдар 23-марттан баштап ишке кирет:

Эрте мененки каттамдар: 1-рейс — саат 7:00, 2-рейс — саат 7:30, 3-рейс — саат 8:00.

Кечки каттамдар: 1-рейс — 18:00, 2-рейс — 18:30, 3-рейс — 19:00.

Аталган троллейбус жана автобустар көрсөтүлгөн убакыттарда токтоочу жайдан жөнөйт.

Жүздөгөн адамдар кезек талашып, кээ бирлери урушуп дагы жатышат. Учурда милиция кызматкерлери абалды көзөмөлгө алууда. Бул тууралуу»Турмуш» сайты билдирди.

Мэриянын маалыматына ылайык, Ош шаарында ундар 4 жерде сатылууда. Биринчи сорттогу бир кап ундун баасы 1350 сомдон туруктуу баада сатылууда. Ун сатып алуучулардын басымдуу бөлүгү Ош облусунун райондорунан келишкен.

Белгилей кетсек, 20-марттан баштап ун борбордук базарда гана сатылат. Коопсуздук жана башаламандыкты алдын алуу багытында Ош шаарынын ички иштер башкармалыгынын кызматкерлери иш жүргүзүүдө.

Маалыматка ылайык, тиешелүү буйрукка шаар мэри Таалайбек Сарыбашов кол койду.

«Жылуулук менен камсыздоочу обьектилерин 2020-2021-жылдын жылытуу мезгилине даярдоо иштерин баштоо жагы тапшырылды», — деп айтылат маалыматта.

Маалыматка ылайык, жакында Криминалдык милиция кызматынын аймактар аралык башкармалыгына кызмат адамы тарабынан коррупциялык багыттагы мыйзамга каршы иш-аракеттеринин жасалып жатканы жөнүндө маалымат келип түшкөн.

Криминалдык милиция кызматынын аймактар аралык башкармалыгына 30 жаштагы А.Б., аттуу жарандан арыз келип түшүп, анда Ош облусунун райондук сотунун сот аткаруучусу алиментке байланыштуу маселени чечип берем деп 50 миң сом акча каражатын талап кылып жаткандыгы жана ага карата тиешелүү чараларды көрүп берүүлөрүн суранган.

Аталган факты боюнча топтолгон материал Кылмыштардын жана жоруктардын бирдиктүү реестрине катталып, Жазык кодексинин 326-беренесинин (Пара талап кылуу) негизинде сотко чейинки өндүрүш башталган.

Сотко чейинки өндүрүштүн алкагында ИИМдин КМКнын Аймактар аралык башкармалыгынын кызматкерлери тарабынан ыкчам-тергөө иш-чаралары жүргүзүлүп, анын жыйынтыгында 10-март күнү райондук соттун сот аткаруучу кызматкери талап кылган акча каражатын накталай алып жаткан жеринен кармалган.

Анын иш бөлмөсүн тинтүү учурунда башында белгиленген 50 миң сом акча каражаты табылган. Азыркы учурда сотко чейинки өндүрүш уланууда.