Бүгүн, 14-октябрда өкмөт башчылык кызматка дайындалгандан кийинки алгачкы пресс-конференциясында кабарчылардын суроолоруна жооп берип жатып ал коррупция тууралуу жазгандардын жардамына муктаж экенин айтты:

“Мага жардамыңар керек болот коррупциялык элементтерди иликтеп чыксаңыздар. Бирок реалдуу түрдө, адилеттүүлүк менен. Эптеп эле бурмалап, жокту бар кылып койбостон, бардык фактылар менен алып келсеңиздер, маселени ачсаңыздар ал иликтөөсүз жана жазасыз калбайт. Сиздер, журналисттер көп нерсени билесиздер. Сөзсүз реакция кылам. Эгер өмүрүңөргө коркунуч болсо мамлекеттин эсебинен кайтаруучу бөлүп бергенге даярмын”, — деди премьер.

Быйыл коррупцияны кабыл алуу индекси боюнча Кыргызстан 180 өлкөнүн арасынан 126-орунга жайгашты. Былтыр өлкө 132-орунда болчу.

Президент Жээнбеков быйыл 29-августта «Биринчи радиодогу» маегинде коррупцияга каршы күрөштө чоң же майда коррупция деп бөлүүгө болбой турганын, ууруга уурудай мамиле кылыш керек экенин белгилеген.

«Transparency International» уюму Кыргызстанда экономикалык бюрократия, саясий жемкорлук, трайбализм экономикалык өнүгүүгө жолтоо болууда деп эсептейт.

Коомчулукта өлкө жетекчилигинин жемкорлукка каршы күрөш тууралуу айткандары ишке ашпай жатканы жөнүндө пикирлер айтылып келатат.

Сүрөт интернеттен алынды

Жергиликтүү басылмалар кабарлагандай, Наманганда Иш менен камсыздоого көмөктөшүү борборунун кызматкерлери жалган документтерди даярдашып, коомдук иштерге 204 киши тартылганы тууралуу отчет беришкен.

Документте аты аталган кишилер борборго иш издеп кайрылышкан эмес. Аткаминерлер документтерди жасалмалоо жолу менен 216,2 миллион сумду кымырып алышкан.

Борбордун кызматкерлерине карата “Каражатты уурдап алуу же коромжуга учуратуу”, “Документ жасалмалоо” беренелери боюнча кылмыш иши козголду.

7-июлда Ташкентте «Махалла» кайрымдуулук фондунун кызматкерлери социалдык колдоого муктаж үй-бүлөлөргө багытталган 95,8 миллион сумду (9,3 миң доллар) уурдап алышканы белгилүү болгон.

Булак: Борбор Азия жаңылыктар кызматы билдирди.

«Финансы министрлигинин Каржылык мониторинг боюнча комитети бюджеттик каражатты уурдаган деген шек менен саламаттык сактоо министринин орун басары Олжас Абишевдин кармалганын ырастайт», — деп айтылат маалыматта.

37 жаштагы Абишев саламаттык сактоо министринин орун басарлыгына 2018-жылы дайындалган. Ал мекеменин маалымат коопсуздугу жана санариптештирүү тармагын тейлечү.

Буга чейин Коррупцияга каршы кызматтын башчысы жогорку даражалуу эки аткаминерге кылмыш иши козголгонун билдирген.

Талгат Аланов Мамлекеттик чек ара кызматындагы коррупциялык иштер жөнүндө коркпой айтып чыккан. 2019-жылдын 27-ноябрында ал басма сөз жыйынын өткөрүп, журналисттерге өзү иштеген мекемедеги мыйзамсыз иштерди ачыкка чыгарган. Офицердин билдирүүсү коомчулукта кызуу талкууланып, Коопсуздук кеңешинин көзөмөлүнө алынган.

Анын негизинде сотко чейинки өндүрүш ачылып, айтылгандарды текшерүү үчүн курамына УКМКнын тийиштүү түзүмдүк бөлүмдөрүнүн кызматкерлери кошулган ыкчам тергөө тобу түзүлөрү айтылган.

«Бүгүн мен Жал ооруканасында иштеген медайымдын таанышынын өтүнүчү боюнча пост жазгым келип жатат. Ал өзү жаза албайт, айта албайт, коркот. Айтыңызчы, катардагы медайым Бабанов медиктерге берген акчасынан берилиш керектигин же жоктугун кантип аныктай алат?” деп сурайт ал.

Бул постко анонимдүү медайым менен кат алышуу тиркелет. “Мен максималдуу репост сурайм, мүмкүн болушунча көп адамдар көрүшсүн. Элестет, Өмүрбек Бабановдун Эне жана баланы коргоо борборуна дарыгерлерге, медайымдарга деп которгон акчасын биздин администрация, профсоюз жана бөлүм башчылар өз ара бөлүшүп алышыптыр”, – деп айтылат билдирүүдө.

Белгилей кетсек, саясатчы Өмүрбек Бабановдун аталган ооруканага көрсөткөн жардамы боюнча Кыргызстан коммерциялык банкынын өкүлү төмөнкүлөрдү билдирди:

«Бишкектеги уюмдардын бардыгына COVID менен ооругандарды дарылап жаткан кызматкерлердин тизмелерин берүү өтүнүчү менен расмий кат жөнөтүлгөн (баардык ооруканаларга эмес), жана биз алардан расмий жоопторду жана тизмелерди алдык. Тактап айтканда, Эне жана баланы коргоо борбору 125 адамдын тизмесин берген, аларга 895 000 сом которулган. Бардык эсептер текшерилген, алар кызматкерлерге, анын ичинде санитарларга, медайымдарга, лаборанттарга, дарыгерлерге таандык болгон жана акчалар Бабанов Өмүрбек Токтогуловичтин эсебинен чегерилген. Тилекке каршы, биз бул тизмелердин кантип түзүлгөнүн көзөмөлдөй албайбыз.”

Балдарды жана энелерди коргоо боюнча улуттук борбордун башчысы Камчыбек Узакбаев окуя боюнча комментарий бере элек.

Жогорку соттун басма сөз кызматынын өкүлү Чынара Мамытканова билдиргендей, бүгүнкү отурумда Жогорку соттун коллегиясынын токтому менен Бишкек шаардык сотунун жазык иштери жана административдик укук бузуулар жөнүндө иштер боюнча соттук коллегиясынын Исаков Сапар Жумакадыровичке, Сатыбалдиев Жантөрө Жолдошевичке, Артыкбаев Осмонбек Мамбетжановичке, Калиев Айбек Рыспековичке, Авазов Салайдин Абдивалиевичке, Назаров Жолдошбек Машыраповичке, Биримкулов Темирлан Нургазиевичке жана Лаврова Ольга Владимировнага карата 2020-жылдын 23-мартында кабыл алынган өкүмү өзгөртүлгөн.

«Жогорку соттун соттук коллегиясы токтому менен өкүмдүн корутунду бөлүгүнүн соттолуучулардан Финансы министрлигинин пайдасына 5 миллиард сомдон ашык материалдык зыянды өндүрүү деген бөлүгү “ортоктош түрдө” деген сөздөр менен толукталган. Өкүм калган бөлүгүндө күчүндө калтырылган»,- деп кабарлады ал.

Прокурордун кассациялык сунушу жана жактоочулардын даттануулары канааттандыруусуз калтырылган.

Эскерте кетсек, Бишкек шаарынын Свердлов райондук соту Бишкек Жылуулук электр борборун (ЖЭБ) модернизациялоо иши боюнча чыгарган өкүм:

— мурдагы премьер-министр, ошол кездеги КР президентинин аппаратынын тышкы саясат бөлүмүнүн жетекчиси Сапар Исаковду 15 жылга кесүү. Андан тышкары, мүлкү конфискацияланып, Кыргызстандын ыйгарым укуктуу элчиси дипломатиялык рангы, II даражадагы «Манас» ордени жокко чыгарылды. Ошондой эле мамлекеттик кызматтарда үч жылга чейин иштей албайт.

— «Улуттук энергохолдинг» компаниясынын мурдагы башчысы Айбек Калиев да 15 жылга эркинен ажыратылып, үч жылга чейин мамлекеттик кызматтарда иштебейт;

— Ошол кездеги премьер-министр Жантөрө Сатыбалдиев болсо 7 жыл 6 айга эркинен ажыратылды. Мамлекеттик кызматтарда үч жылга чейин иштей албайт;

— Ошол кездеги энергетика министри Осмонбек Артыкбаевге 5 миллион сом айыппул салынып, сот залынан бошотулду;

— «Электр станциялары» ишканасынын мурдагы жетекчиси Салайдин Авазов 11 жыл 3 айга эркинен ажыратылды. Мамлекеттик кызматтарда үч жылга чейин иштей албайт;

— «Электр станциялары» ишканасынын ошол кездеги жетекчисинин мурдагы орун басары Жолдошбек Назаров 2 жыл 6 айга эркинен ажыратылып, тергөө абагында отурган убакытты эске алуу менен сот залынан бошотулду;

— ЖЭБди модернизациялоо долбоорунун мурдагы аткаруучу директору Темирлан Бримкулов 2 жыл 6 айга эркинен ажыратылып, тергөө абагында отурган убакытты эске алуу менен сот залынан бошотулду;

— Мурдагы финансы министри Ольга Лавровага 3 миллион сом өлчөмүндө айып салынып, бошотулду.

Эскерте кетсек, эксперттердин тыянагы боюнча “Бишкек ЖЭБин модернизациялоо” долбоорун даярдоо, кол коюу жана ишке ашыруудагы коррупция фактысынан мамлекетке 5 млрд. 439 млн сом көлөмүндөгү зыян келтирилген.

Маалым болгондой, Абдыкеримов УКМК тарабынан 15-июнда коррупциялык аракеттерге шектелип кармалган.

Чекисттер «Кыргыз темир жолдун» мурдагы башкы директору жана бир катар жооптуу кызмат адамдары тарабынан жасалган коррупция, ири көлөмдө уурдоо фактылары кылмыш иши иликтенип жатканын кабарлаган. Бул мекемеде мамлекеттик сатып алууларды уюштурууда өз кызыкчылыгы үчүн пайда табуу максатында туруктуу кылмыштуу топ түзүлгөнү аныкталган.

Канатбек Абдыкеримов кылмыштуу аракеттерин ишке ашыруу максатында ишкананын жылдык бюджетин ыксыз жогорулатып, товардык-материалдык баалуулуктарды сатып алууга коротуучу каражаттын суммасын 1,5 млрд сомго жеткирген. Анын негизинде товарлардын баасын жогорулатууга ылайыктуу шарт түзүлгөн.

Ошол эле учурда башка компаниялардын тендерлерге катышууга мүмкүнчүлүгү чектелип калган. Ал эми мамлекеттик сатып алууларга катышкан компаниялар 8%дан 15%га чейинки каражатты келишим түзүү учурунда “ыраазычылык” катары берип турушкан.

Бул схеманын иштеши менен 2018-жылдын ноябрь айынан 2020-жылдын апрель айына чейинки учурда мамлекеттик ишкананын көмүскө кассасында айына 8-9 млн сомго чейинки каражаттар айланып, анын 50%ы жетекчиликке, калганы кийинки кызматкерлерге бөлүнүп берилип турган.

Жалпысынан, «Кыргыз темир жолу» ишканасынын мурунку жетекчиси Канатбек Абдыкеримов мыйзамсыз иштеринин жыйынтыгында Кыргыз Республикасынын темир жолдору тармагына алдын ала 22 млн сом зыян келтирилгендиги аныкталган.

Сотко бул ишке шек саналган мурдагы премьер-министр Сапар Исаков алып келинген жок. Ишти карап жаткан судья Исаковдун катын окуп берди. Анда ал мурдагы жараянда сот залынан чыгарылганын, азыр да сотко катышуудан баш тартаарын айткан. Териштирүүлөрдүн саясий өңүтү бардыгын жазган.

Мурда мамлекеттик айыптоочулар мурдагы премьер-министр Сапар Исаковду «Коррупция» беренеси боюнча күнөөлүү деп таап, 20 жылга эркинен ажыратууну жана зыяндын ордун толтуруу иретинде 247 млн сом төлөтүүнү суранган. Ал эми президенттин аппаратынын жарандык өнүгүү, диний жана этностор аралык саясат бөлүмүнүн мурдагы башчысы Мира Карыбаеваны Кылмыш кодексинин «Кызмат абалынан кыянат пайдалануу» беренесине боюнча күнөөлүү деп таап, 260 миң сом айыппул салууну өтүнгөн.

Судья кеңешүүчү бөлмөдөн чыгып, өкүмдү окуду.

Сот мурдагы премьер-министр Сапар Исаковду Кылмыш кодексинин 319-беренесинин 2-бөлүгү боюнча күнөөлүү деп таап, 18 жылга эркинен ажыратты. Ошондой эле сот 247 миллион 650 миң сом айыппул салды.

Ал эми президенттин аппаратынын жарандык өнүгүү, диний жана этностор аралык саясат бөлүмүнүн мурдагы башчысы Мира Карыбаеваны Кылмыш кодексинин 302-беренесинин 1-бөлүгү боюнча күнөөлүү деп таап, 260 миң сом айыппул салды.

Башкы прокуратуранын башкармалыгынын башкы прокурору Үмүт Конкубаева билдиргендей, бүгүнкү отурумда мамлекеттик айыптоочулар мурдагы өкмөт башчы Сапар Исаковду Кылмыш кодексинин 319-беренесинин 2-бөлүгү боюнча күнөөлүү деп таап, 20 жылга эркинен ажыратууну жана зыяндын ордун толтуруу иретинде 247 млн сом төлөтүүнү суранган.

Мамлекеттик айыптоочулар президенттин аппаратынын жарандык өнүгүү, диний жана этностор аралык саясат бөлүмүнүн мурдагы башчысы Мира Карыбаеваны Кылмыш кодексинин 302-беренесинин 1-бөлүгү боюнча күнөөлүү деп таап, 260 миң сом айыппул салууну суранган.

Эске сала кетсек, музейди оңдоодо мамлекетке 307 миллион 650 миң сом зыян келтирилген.

Мурдакы премьер-министр Сапар Исаков, президенттик аппараттын кызматкери Мира Карыбаева, Алмазбек Абдыкаров, Айдарбек Мендеев, Улукбек Матисаков жана Шайбек Атабековго «Жемкорлук» беренеси менен айып тагылган. Кийин Тарых музейи менен Чолпон-Атадагы ипподромду оңдоо иштери бириктирилген.

Учурда бажычы Айбашевдин коррупцияга байланышкан иши боюнча соттук териштирүү аягына чыга элек. Богөт чарасы өзгөргөнгө чейин ал №1 тергөө абагында отурган.

Эскерте кетсек, Нурбек Айбашевди 2018-жылы 25-майда Экономикалык кылмыштарга каршы күрөш боюнча мамлекеттик кызматтын адистери кармаган. Ага Кылмыш-жаза кодексинин 304-беренеси («Кызмат абалынан кыянаттык менен пайдалануу») боюнча айып коюлган.

Тергөө учурунда Айбашев Кытайдан товарларды мыйзамсыз ташып келген компанияларга көмөктөшкөнү аныкталган. Ишти Октябрь райондук соту карап жатат.

Тасмада: Бажычы Нурбек Айбашевдин үйүнө тинтүү учуру

Видео: Азаттык

Анын айтымында, коронавирус илдетинин жайылышын алдын алуу багытында жарандарга түшүндүрүү иштерин күчөтүү керек.

Ошондой эле ал илдетке каршы күрөшүү жаатында жумшалып жаткан каражаттардын көлөмүнө кызыкты. Министрликти каржы жаатында ачык-айкын маалымат берип турууга чакырды.

Ал эми өкмөт өкүлү депутаттын суроосуна жооп берип жатып, эл аралык валюталык фонддон 240 млн АКШ доллары келгенин, 9 млн АКШ доллары башка долбоорлордон багытталганын, 15 млн АКШ доллары Бүткүл дүйнөлүк банктан, 20 млн АКШ доллары Азия өнүктүрүү банкынан сунушталганын маалымдады.

Маалыматка ылайык, кармалган кызматкерлер жол үчүн жана автотранспортторду көзөмөлдөө максатында алынган каражаттардын аз бөлүгүн гана мамлекетке берип, калганын өз капчыгына салып келген деп айыпталууда.

Мекеме тараткан маалыматта «2018-жылдын 1-декабрынан 2020-жылдын 1-мартына чейинки аралыкта Бишкек-Ош жолундагы бир эле стационардык посттон мамлекеттик казынага он миллион сомдон ашык зыян келтиргени»​ айтылат. Азыр министрликтеги аларды калкалап келген тараптар иликтенип жатканы да кошумчаланган.

Транспорт жана жолдор министрлиги бул маалымат комментарий бере элек. 

Маалыматка ылайык, финполчулар тарабынан жүргүзүлүп жаткан сотко чейинки өндүрүштүн алкагында Кылмыш-жаза кодексинин 320-беренесинин 2-бөлүгү («Кызмат абалынан кыянаттык менен пайдалануу») боюнча тергөө иштери аткарылууда. Колго түшкөн мамлекеттик кызматкерлер «Айтел» жоопкерчилиги чектелген коомунун лицензиясын мыйзамсыз узарткан деп шектелүүдө.

Учурда алардын мыйзамсыз аракеттеринин аркасында өлкө казынасына канча зыян келтирилгендиги такталууда.

Эскерте кетсек, жыштык сатуудагы коррупциялык иштерге тиешеси бар делип Улуттук коопсуздук мамлекеттик кызматынын эки, Мамлекеттик байланыш агенттигинин бир жана «Ала-ТВ» компаниясынын бир кызматкери кармалган. Ага чейин Байланыш мамлекеттик агенттигинин мурдагы директору Наталья Черногубова уюлдук оператордун бири жана Маалыматтык технологиялар комитетинин кызматкерлери менен тымызын сүйлөшүү жүргүзгөн деген шек менен 12-майда колго түшүрүлгөн.

«Кечээ бул тууралуу Жанар Акаевдин билдирүүсүн көрдүм. Биз мыйзамдуу өлкөдө жашап жатабыз. Сиздер мыйзамдарды кабыл аласыздар. Депутат Жанар Акаев такталбаган маалыматтарды айтты. Муну саясатташтырган туура эмес. Менин аброюма дагы шек келтирген сөздөрдү айтты. Бул эми анын өзүнүн абийиринде. Мунун башы негизи башында маселеге тиешеси бар органдар менен чогулуп, финансылык каражаттары боюнча сурап, тактап, радио жыштыктар боюнча кандай болуп жатат деген тапшырма бергем. Мурда сатылган учурлар болгон. Радио жыштык мамлекеттин байлыгы. 1000 сомго сатылган учурлар болгон. Ээлик эмес, убактылуу пайдаланууга алышкан. Убактылуу алгандар 2-компанияга сатып жатат. Бул туура эмес, мыйзам түрүндө чек коюш керек. Өзү пайдаланбаса кайра Өкмөткө кайтарып, чек коюп кайра аны аукцион кылып сатуу маселесин койгонбуз. Кийин көрсөтүлгөн фактылар боюнча кылмыш иши ачылып, тергөө жүрүп жаткан. «Ала-ТВ» 1998-жылы телеберүү үчүн жыштык алган. Колдонуп жүрүп, «Beeline» компаниясына сатып жатат. Бул туура эмес. Мамлекеттик кызматкерлер дагы аралашкан деген сөздөр болду. Президенттин тапшырмасы менен бул фактылар текшерүүгө алынган. Билишимче, ишти Аскер прокуратурасы карап жатат. Жыштык боюнча саясат жүргүзүп жаткан комитеттин кызматкерлерине карата тергөө жүрүп жатат. 2-3 мамлекеттик органдын кызматкерлери кармалып, тергөө жүрүүдө. Учурда тергөөгө аралашуум, күнөөлүү же күнөөлүү эмес деп түшүндүрмө берүүм туура эмес болуп калат», — деп билдирди Премьер-министр.

Өкмөт башчынын айтымында, радиожыштыктар да мамлекеттин байлыгы, сатыла турган чечим чыкса, анда аукционго коюлуп сатылышы керек.

«Сатылбаса мамлекеттин балансында пайдага иштеш керек. «КТ мобайл» баасы 2 млрд сом турат. Ал жерде татыктуу адистер иштеп жатат. Бир жылда чоң мамлекеттик компанияны бутуна тургузган жоксуңар деп күнөө койгон да туура эмес. Келечегин убакыт көрсөтөт. Ал эми радио жыштык маселесинде менин күнөөм жок. Ким күнөөлүү болсо жоопко тартылсын. Ишти дагы финансы полициясы жүргүзүүдө. Алар жакында сиздер каалаган маалыматтарды беришет», — деп жыйынтыктады Мухаммедкалый Абылгазиев.

Эскерте кетсек, Жогорку Кеңештин 20-майдагы сессиясында депутат Жанарбек Акаев «премьер-министр Мухаммедкалый Абылгазиев радиожыштыкты сатууда ишке катышы жок экенин далилдесин» деген талап койгон.

Өкмөт ага «депутаттын сөзүнө эч кандай негиз жок» деп жооп кайтарган. Зарыл болгон учурда премьер-министр жана өкмөт өкүлдөрү түшүндүрмө берүүгө даяр экенин билдирген.

Байланыш боюнча мамлекеттик агенттиктеги жыштык сатуудагы коррупциялык иш үчүн шектүү катары беш киши камакка алынганын, өкмөттөгү айрым жогорку кызмат адамдары да сурак берип жатканын аскер прокуратурасы билдирген.

12-майда Байланыш боюнча мамлекеттик агенттиктин мурдагы директору Наталья Черногубова коррупция үчүн шектүү катары кармалган. Ага уюк байланыш операторлорунун бирине жыштыкты мыйзамсыз кайра каттаган деген айып коюлган.

Маалыматка караганда, Стратегиянын иштелип чыккан долбоору заманбап чакырыктар менен коркунучтарга жооп берет жана мамлекеттик органдардагы тигил же бул коррупциялык көрүнүштөр менен системалуу күрөшүүгө багытталган жаңы антикоррупциялык механизмдерди иштеп чыгууну жана киргизүүнү караштырат.

Атап айтканда, Стратегиянын долбоорунда төмөнкүдөй чаралар камтылган:

— салык жана бажы жол-жобосун фискалдаштыруунун электрондук тутумун киргизүүнү жыйынтыктоо;

— Мамлекеттик жана муниципалдык кызматкерлердин (анын ичинде саясий кызматтарды ээлегендердин) чыгашалары менен кирешелеринин бири-бирине дал келбегендиги аларды кызматынан бошотууга негиз болору, ал эми мүлктөрүн мыйзамдык кирешеси менен алгандыгына далилдеринин жоктугу ал мүлкүн жана андан тапкан кирешелерин мамлекеттин пайдасына конфискациялоого алып келери жөнүндөгү мыйзамдык аныктама;

— коррупциянын деңгээлин өлчөөнүн улуттук системасын түзүү;

— социалдык стандарттарды жөнгө салуучу мыйзамдарды өркүндөтүү аркылуу медициналык-социалдык чөйрөдөгү коррупцияны төмөндөтүү, категориялык компенсациялык жана башка социалдык төлөмдөрдү дайындоодо даректүүлүктү камсыз кылуу, эл аралык функционалдык стандарттар менен мамилелерге өтүү;

— мүлкүн конфискациялоо менен кызматтык жана коррупциялык кылмыштарды жасагандыгы үчүн жазаларды катаалдаштыруу жана оорлоштуруу;

— Кыргыз Республикасынын «Кызыкчылыктардын кагылышуусу жөнүндө» мыйзамын натыйжалуу ишке ашырууга багытталган мыйзам алдындагы актыларды иштеп чыгуу жана киргизүү;

— кызыкчылыктардын кагылышуусунун келип чыгышы жөнүндө билдирбеген мамлекеттик жана муниципалдык кызматкерлерге карата мыйзамдык чараларды катаалдаштыруу;

— ченемдик-укуктук актылардын жана мыйзамдардын долбоорлоруна антикоррупциялык экспертиза жүргүзүүнүн жаңы тутумун иштеп чыгуу жана киргизүү;

— улуттук кызыкчылыктарга тиешелүү чечимдерди кабыл алууда ачык-айкындуулукту болушунча жогорулатуу, мамлекеттик органдардын ишине жарандык коом тарабынан көзөмөлдү күчөтүү жана ченемдик-укуктук актыларды иштеп чыгуу жана башкаруунун бардык деңгээлдеринде башкаруу жаатындагы чечимдерди кабыл алуу процесстеринде жарандардын максималдуу жана тоскоолдуксуз катышуусун камсыз кылуу;

— калк үчүн ачык болгондой мамлекеттик органдардын финансылык отчеттуулугунун ачык тутумун түзүү;

— коррупцияга түрткү берген көрүнүштөрдү азайтуу максатында мамлекеттик жана муниципалдык кызматкерлердин эмгек акысын жогорулатуу;

— Мыйзамдуу күчүнө кирген сот чечимдерин так, толук жана натыйжалуу аткаруу ж. б.

Аскер прокурору Нуркамал Набиев бул иш боюнча 5 адам кармалганын билдирди. Анын айтымында, өкмөттөгү айрым жогорку кызмат адамдары да сурак берип жатат. Азыркы учурда чыгымдар такталып жатканын кошумчалап, тергөөнүн купуялуулугу үчүн жагдайларды айта албай турганын белгиледи.

Кечээ, 20-мартта, Жогорку Кеңештин жыйынында Жанар Акаев өкмөт башчы жыштык сатуудагы коррупцияга тиешеси жоктугун далилдеш керектигин айткан. Өкмөт Жанар Акаевдин билдирүүсү негизсиз экенин билдирген.

Анын айтуусунда, козголгон кылмыш иштеринин саны боюнча Транспорт министрлиги, Билим берүү министрлиги жана Экологиялык жана техникалык коопсуздук боюнча мамлекеттик инспекциясы алдыда.

«Азыркы учурда айрым иштер боюнча териштирүү уланууда. Ошондой эле элдин Башкы прокуратурага болгон ишеними тиешелүү деңгээлде эмес. Бул багытта ишенимди жогорулатуу иштери улантылууда», — деп кошумчалады Жамшитов.

Президенттин аппаратынын маалыматтык саясат бөлүмү билдиргендей, өлкөдөгү коррупцияга каршы багытталган чаралар боюнча жүргүзүлүп жаткан иштер тууралуу маалымат угулду.

Президент мамлекеттик башкаруунун бардык чөйрөлөрүндө жана экономиканын тармактарында коррупциялык көрүнүштөрдүн тамырын кыркуу боюнча пландуу иштерди улантуунун маанилүүлүгүн билдирди.

Сооронбай Жээнбеков коррупцияга аралашкандардын бардыгы ээлеген кызматына, наамына жана мурдагы жетишкендиктерине карабастан, тийиштүү жазасын алышы керектигин дагы бир жолу баса белгиледи.

Дамир Сагынбаев Коопсуздук кеңешинин катчылыгы көз карандысыз серепчилер менен кызматташтыкта өлкөдөгү коррупцияга каршы аракеттенүү жана анын себептерин жок кылуу боюнча 2020-2024-жылдарга карата жаңы Мамлекеттик стратегиясынын долбоорун иштеп чыккандыгы тууралуу билдирди.

Аталган долбоор 2020-жылдын 11-майында ишке тартылган бардык мамлекеттик органдарга, анын ичинде Жогорку Кеңештин, Өкмөттүн, Башкы прокуратуранын жана Жогорку Соттун кароосуна жиберилген.

«Стратегиянын иштелип чыккан долбоору бүгүнкү күндүн чакырыктарына жана коркунучтарына жооп берет, мамлекеттик органдардагы бардык коррупциялык көрүнүштөр менен системдүү күрөшүүгө багытталган жаңы антикоррупциялык механизмдерди иштеп чыгууну жана киргизүүнү караштырат. Ал өлкөнүн антикоррупциялык тийиштүү саясатын күчтөндүргөн бир катар жаңы тартиптерди эске алат», — деди Дамир Сагынбаев.

Ошондой эле Коопсуздук кеңешинин катчысы бирдиктүү салык декларациясын толук текшерүү үчүн негиздерди экиден сегизге чейин көбөйтүү каралып жатканын кошумчалады.

Белгилей кетсек, учурда колдонуудагы мыйзамдарда бирдиктүү салык декларациясын толук текшерүү үчүн эки гана негиз каралган (маалыматтардын чындыкка дал келбеши жана кирешелери менен чыгашаларынын туура келбегендиги жөнүндө маалыматтардын келиши). Бир катар чет мамлекеттердин тажрыйбаларын иликтөөнү эске алуу менен мыйзам долбоору аркылуу декларацияларды толук текшерүү үчүн бул тизмени дагы алты негиз менен толуктоо каралууда.