ELGEZIT - RSS

Баткендик Адилдин атасы камакта калды

Elgezit.kg — Wed, 26 May 2021 11:15:07 +0000

Россиянын Нижный Новгород шарынын аба майданында Тажикстандын өтүнүчү менен кармалган Баткен районунун Көк-Таш айылынын тургуну Эсенбай Мажитов абакта дагы үч айга калды.

Мажитовдун баш коргоо чарасы бүгүн, 26-майда өтүп, сот аны дагы 3 ай камакта калтыруу чечимин кабыл алган. Тажикстан кыргызстандыкты кабыл алууга даяр экенин билдирип, расмий кат жолдогон.

“Учурда Кыргызстан тараптан жолдошума байланыштуу бир дагы документ барбаганын анын жактоочусу айтты. Президент жеке көзөмөлүмө алам деп убада берген эле, көрсө ал биздин көңүлүбүздү жубатып коюу үчүн гана айткан экен. Буга чейин барбаган жерим калган жок, Кыргыз бийлигине болгон ишенимим кетти. Эмне кыларыбызды билбей калдык. Тышкы иштер министрлиги жана башка мекемелер тийиштүү чара көрбөптүр”, — деди айласы кеткен жубайы Р. Хамдамова.

Ошондой эле жолдошун буга чейин абакта чогу камалгандар кыйноого алганын айтып, аны башка жайга которбогонун кошумчалады.

Бул маселе боюнча Тышкы иштер министрлиги учурда жооп берген жок. Кыргызстандын Россиядагы элчилигинин басма сөз кызматынан расмий кат менен кайрылгыла деп жооп узатты.

Сүрөт www

Россияда мыйзамсыз жүргөн мигранттар 15-июнга чейин өлкөдөн чыгып кетиши керек

Elgezit.kg — Mon, 19 Apr 2021 05:07:36 +0000

Россияда мыйзамсыз жүргөн постсоветтик мамлекеттердин миллиондон ашык жараны 15-июнга чейин өлкөдөн чыгып кетиши керек. Бул тууралуу Орусиянын ички иштер министринин орун басары Александр Горовой КМШнын Парламенттер аралык Ассамблеясынын отурумунда билдирди.

«Эгер мыйзамсыз жүргөн мигранттарды 15-июнга чейин өлкөдөн чыгара албасак, анда алар күч менен депортацияланып, алар үчүн өлкө чек аралары жабылышы мүмкүн. Бул боюнча өз өлкөңөрдө ЖМКлардын жана блогерлердин жардамы менен маалыматтык өнөктүктөрдү жүргүзсөңөр жакшы болор эле», — деди Горовой.

Анын айтымында, бүгүнкү күндө Орусиянын аймагында Өзбекстандын 332 миң, Тажикстандын 247 миң, Украинанын 152 миң, Азербайжандын 120 миң, Кыргызстандын 115 миң, Армениянын 61 миң, Молдованын 56 миң жана Казакстандын 49 миң жараны мыйзамсыз жүрөт.

Сүрөт интернеттен алынды

Ханты-Мансийсктеги тилсиз жоодон кыргызстандык мигранттардын эки баласы каза болду

Elgezit.kg — Fri, 12 Mar 2021 06:58:03 +0000

Россияда өрт кырсыгынан кыргызстандык мигранттардын эки баласы каза болду. Бул тууралуу маалымат Орусиянын Тергөө комитетинин Ханты-Мансы аймактык бөлүмүнүн расмий сайтына жарыяланды.

Мекеме билдиргендей, кырсык 11-мартта Сургут шаарында жеке тамдардын биринде болгон. Өрт өчүрүүчүлөр барганча үй жалындап, чатыры урап түшкөн. Каза болгон тогуз жана алты жаштагы ага-карындаш апасы менен таенесинин колунда болушчу. Баары тең Кыргызстандын жарандары экени, өрт чыккан учурда балдар үйдө жалгыз болгону аныкталды.

Учурда балдардын апасына тийиштүү жардам көрсөтүлүп жатат. Сургуттагы кыргызстандыктар да колдоо көрсөтүүдө.

Сүрөт интернеттен алынды

Киши өлтүрүү фактысы боюнча издөөдө жүргөн жаран Россиядан кармалды

Elgezit.kg — Thu, 19 Nov 2020 11:46:57 +0000

Киши өлтүрүү фактысы боюнча издөөдө жүргөн жаран ИИМдин Россия Федерациясындагы Өкүлчүлүгүнүн жардамы менен кармалганын ИИМдин Басма сөз кызматы маалымдады.
Кыргыз Республикасынын ИИМдин Россия Федерациясындагы Өкүлчүлүгү өз мекенинде кылмыш жасагандыгы үчүн издөөдө жүргөн жана Россиянын аймагында жашынып жүргөн адамдарды аныктоо жана кармоо боюнча иштери улантылууда.
Кыргыз Республикасынын ИИМдин Россия Федерациясындагы Өкүлчүлүгүнүн кызматкерлери оор кылмыш жасагандыгы үчүн Кыргызстандын ички иштер органдары издөөгө алган жаран Москва шаарынын аймагында жашырынып жүргөндүгүн аныкташты. Жалал-Абад облусунун тургуну, 1988-жылы туулган С.Т. аттуу жаран киши өлтүргөндүгү үчүн он үч жылдан бери издөөдө жүргөн.
2007-жылдын 9-октябрында Базар-Коргон районунун Кеңеш айыл өкмөтүндө белгисиз адамдар ээнбаштык ниетинен улам жергиликтүү тургун С.А.ны сабап, денесине оор залал келтиришкен. Натыйжада жабырлануучунун саламаттыгына оор зыян келтирилип, окуя болгон жерде көз жумган.
Бул факт боюнча 2007-жылдын октябрь айында Кыргыз Республикасынын Кылмыш-жаза кодексинин 97-беренеси «Адам өлтүрүү» боюнча кылмыш иши козголгон (1997-жылы редакцияланган). Шектүү катары эсептелген 1988-жылы туулган жаран С.Т. карата 2008-жылы мамлекеттер аралык издөө жарыяланган.
Кыргыз Республикасынын ИИМдин Россия Федерациясындагы Өкүлчүлүгүнүн жана Россиянын Ички иштер министрлигинин Москва шаары боюнча Башкы башкармалыгынын Кылмыш иликтөө башкармалыгынын ыкчам кызматкерлеринин издөөдө жүргөн шектүүнүн кайда жүргөндүгүн аныктоого багытталган бирдиктүү иши 2020-жылдын октябрь айынын башынан бери жүргүзүлүп келген.
2020-жылдын 17-ноябрында болжол менен саат 21:00 чамасында Россиянын ИИМнин Москва шаары боюнча башкы башкармалыгынын Кылмыш иликтөө бөлүмүнүн жана Зеленоград административдик району боюнча ИИБнын Кылмыш иликтөө бөлүмүнүн кызматкерлери менен биргеликте Москва шаарында изделип жаткан жаран С.Т. кармалды.
Алдын ала маалыматтарга ылайык, жогоруда көрсөтүлгөн жаран он үч жыл жакын туугандарынын жанында жашап жүргөндүгү белгилүү болду.
Азыркы учурда издөөгө алган тарап кабарланып, изделип жаткан 1988-жылы туулган жаран С.Т. Москва шаарынын убактылуу кармоочу жайына киргизилди. Компетенттүү органдар тарабынан 1993-жылдагы Минск конвенциясына ылайык экстрадициялоо маселеси чечилип жатат.

Жээнбеков Орусияга барат

Elgezit.kg — Fri, 25 Sep 2020 12:09:04 +0000

Сооронбай Жээнбеков бүгүн, 25-сентябрда, Кыргыз Республикасынын тышкы иштер министри Чыңгыз Айдарбеков менен онлайн кеңешме өткөрдү.

Бул тууралуу президенттин аппаратынын маалыматтык саясат бөлүмү билдирет.

Министр Мамлекет башчысынын алдыдагы Россия Федерациясына жумушчу иш сапары менен Венгрияга расмий визитине даярдыктар жөнүндө маалымат берди.

Президент Сооронбай Жээнбеков жумушчу иш сапары менен Россияга дүйшөмбү күнү, 28-сентябрда барат. Иш сапардын алкагында Россия Президенти Владимир Путин менен эки тараптуу жолугушуу өткөрөт.

Россияга болгон иш сапарын жыйынтыктап, Мамлекет башчысы 28-29-сентябрь күндөрү Венгрияга расмий визит менен барат. Жооп катары расмий визит менен баруу тууралуу макулдашууга 2018-жылдын сентябрь айындагы Венгриянын Премьер-министри Виктор Орбандын Кыргыз Республикасына болгон расмий визитинин жүрүшүндө жетишилген. Расмий визитинде ал III Дүйнөлүк көчмөндөр оюндарынын ачылыш аземинин коногу болгон жана Түрк тилдүү мамлекеттердин кызматташтык кеңешинин мамлекет башчыларынын саммитине байкоочу катары катышкан.

Визиттин алкагында Президент Сооронбай Жээнбеков Венгрия Премьер-министри Виктор Орбан менен жолугушат, анда кыргыз-венгер эки тараптуу кызматташуусунун учурдагы абалы менен келечеги талкууланат.

Дагы 423 адам. Россиядан мекенине кайткан мигранттардын саны арбыды

Elgezit.kg — Sun, 02 Aug 2020 12:02:26 +0000

Бүгүн, 2-августта «Аэрофлот — Россия авиакаттамдары» авиакомпаниясынын «Москва-Бишкек» багыты боюнча чартердик каттамы менен 423 кыргызстандык учуп келди, алардын арасында 41 кичинекей бала бар. Бул тууралуу Тышкы иштер министрлигинин басма сөз кызматы билдирет.

Учакта орундуктардын саны чектелүү жана Кыргызстанга кайтууну каалаган жарандар көп болгондуктан, аталган каттамга жүргүнчүлөрдүн тизмеси кыргыз диаспорасынын өкүлдөрүнөн жана Кыргызстандын Россиядагы элчилигинин кызматкерлеринен турган атайын Комиссия тарабынан түзүлгөн.

Каттамга Россиянын жогорку окуу жайларында окуган студенттер, төрөтүнүн мөөнөтү жакындап калган кош бойлуулар жана жаш балдары барлар, ошондой эле жакындарынын кайтыш болгон жана башка оор турмуш кырдаалдарына кабылгандар киргизилген.

Чет мамлекеттерде жүргөн жана мекенине кайтып келүүнү каалаган Кыргыз Республикасынын жарандарын кайтаруу боюнча иштер уланууда.

Россия: коронавируска каршы вакцина элге акысыз сайылат

Elgezit.kg — Sun, 02 Aug 2020 07:13:52 +0000

Россияда коронавируска каршы вакцина элге акысыз сайылат. Sputnik маалымат агенттиги кабарлагандай, вакцинага кеткен каражат толугу менен бюджеттен эсебинен жабылат . Буга чейин Россияда COVID-19 вирусуна каршы жалпы эмдөө октябрь айында башталары айткан. Препаратты клиникалык сыноо иштери аяктаган. Учурда аны каттоодон өткөрүү иштери жүрүп жатат.

Сообщение Россия: коронавируска каршы вакцина элге акысыз сайылат появились сначала на ELGEZIT.

Россия Ысык-Көлдүн аймагында аскердик учактарын машыгуудан өткөрдү

Elgezit.kg — Sat, 01 Aug 2020 04:25:38 +0000

Россия Ысык-Көлдүн аймагында Су-25СМ учактарын машыгуудан өткөрдү. Бул тууралуу 31-июлда «Известия» басылмасы жазып чыкты.

Басылманын маалыматына караганда, машыгууга он Су-25СМ учагы жана 100 аскер кызматкери катышты. Алар «Эдельвейс» полигонунда өткөн машыгууда өз мүмкүнчүлүктөрүн көрсөтүштү.

«Учактар шарттуу түрдө душман катары белгиленген бутаны соккуга алып, командалык пунктун, техникасын, ок атуу каражаттарын жок кылды. Башкарылбай турган С-8 ракеталардын 50 даанасы чыгарылды. Мындан тышкары 20 авиабомба ташталды», -деп айтылат маалыматта.

Белгилей кетсек, Кыргызстандын аймагында Россия Федерациясынын бир нече аскер объектилери жайгашкан. Алар «Кант» авиабазасы, Каракол шаарындагы сыноо базасы, Чалдыбар айылындагы байланыш түйүнү, Майлуу-Суу шаарындагы автономдуу сейсмикалык пункт.

Мурда бул объектилердин ар бири өзүнчө каралып келген, бирок 2012-жылы макулдашууга кол коюлуп, Кыргызстан менен Орусия аларды бирдиктүү орус базасына бириктирүүнү макулдашкан.

Быйыл 24-июнда президент Сооронбай Жээнбеков РФнын Кыргызстандагы бириккен аскердик базасынын макамы жана жайгашуу шарттары жөнүндөгү макулдашууга кошумча киргизүү тууралуу протоколдун ратификациясын бекиткен мыйзамга кол койгон.

Абитуриент -2020: Россиянын университети кыргызстандыктар үчүн 30 гранттык орун бөлдү

Elgezit.kg — Wed, 29 Jul 2020 14:52:30 +0000

Россиянын Якутск шаарындагы агротехникалык университети кыргызстандык абитуриенттерди билим алууга чакырат. Бул тууралуу Билим берүү жана илим министрлигинин басма сөз кызматы билдирет.

Маалыматка ылайык, университет 2020-2021-окуу жылында Кыргызстан үчүн күндүзгү жана сырттан окуу формалары боюнча 30 бюджеттик орун бөлдү.

Кирүү сынактары 10-14-август күндөрү дистанттык технологияларды колдонуу менен Modle платформасы аркылуу өтөт.

Документтерди кабыл алуу электрондук форматта жүргүзүлөт:

Университеттин сайтындагы веб-тиркеме аркылуу – “Абитуриенттин жеке кабинети АГАТУ”
Борбордук кабыл алуу комиссиясынын электрондук дареги аркылуу abiturient@agatu.ru.
Эл аралык жана региондор аралык бөлүмдүн электрондук дареги аркылуу arctic@agatu.ru.

Агротехникалык университет Россиянын түндүгүндө жайгашкан окуу жай болуп, айыл-чарбанын бардык багыты боюнча адистерди даярдап чыгарат. Окуу жайда 514 студентке ылайыкташкан жатакана, илимий лабораториялар, китепкана, спорт комплекси жана ипподрому бар.

Кыргызстандын Билим берүү жана илим министрлиги гранттык орундар боюнча кабыл алууну жүргүзбөйт. Бардык суроолор боюнча жогоруда көрсөтүлгөн электрондук даректерге кайрылып же окуу жайдын расмий сайты аркылуу маалымат алууга боло турганын эскертет.

410 адам. Росссиядан кыргызстандыктарды кайтаруу боюнча иштер уланууда

Elgezit.kg — Sun, 26 Jul 2020 12:17:42 +0000

Бүгүн, 26-июлда Кыргызстанга «Аэрофлот» авиакомпаниясынын «Москва – Бишкек» багыты боюнча Россиядан 410 КР жараны кайтып келди, алардын арасында 17 жаш бала бар. Бул тууралуу Тышкы иштер министрлигинин басма сөз кызматы билдирет.

Борттогу орундардын санынын чектелгендигинен жана мекенине келүүнү каалагандардын саны көптүгүнөн улам бул каттамга жүргүнчүлөрдүн тизмеси атайын комиссия тарабынан түзүлгөн.

Кыргызстанга Россиянын ЖОЖдорунда окуган студенттер, төрөтү жакындап калган кош бойлуулар жана жаш балдары бар аялдар, ошондой эле мекенине чукул түрдө кайтышы керек болгон себеби бар жарандар: оор илдеттери барлар, жакында эле хирургиялык операция жасаткандар, жакындарынын кайтыш болушу жана башка оор турмуш кырдаалдарына кабылгандар киргизилген.

Чет мамлекеттерде жүргөн жана мекенине кайтып келүүнү каалаган Кыргыз Республикасынын жарандарын кайтаруу боюнча иштер уланууда.

Кыргызстанга Россиядан атайын учак менен гуманитардык жүк келди

Elgezit.kg — Sun, 26 Jul 2020 06:47:00 +0000

Кыргызстанга Россиядан кезектеги гуманитардык жүк келди. Бул тууралуу Тышкы иштер министрлигинен билдиришти.

Маалыматка ылайык, жүк РФнын Жарандык коргонуу, өзгөчө кырдаалдар жана табигый кырсыктардын кесепеттерин жоюу министрлигинин атайын учагы менен бүгүн, 26-июлда Бишкекке келип түштү.

Гуманитардык жүк медициналык жабдуулардан, дары-дармектерден жана жеке коргонуу каражаттарынан (5 көчмө рентгенаппараты, анестезиология үчүн монитор жана оксометрлик датчиги менен интенсивдүү терапия – 65 даана, анестезиология үчүн монитор жана оксометрлик датчиги жок интенсивдүү терапия – 5 даана, жасалма дем алдыруучу 31 аппарат, дары: эноксапарин натрия – 49 миң 350 даана, олокизумаб – 550 даана жана беткаптан – 100 миң даана) турат.

Белгилей кетсек, буга чейин Россия тарап кайтарымсыз негизде ПЧР тесттерин жана коронавирустук инфекцияны диагностикалоо үчүн реагенттер, медициналык жабдууларын (инфракызыл термометрлер, термикалык детекторлор ж.б.), жеке коргонуу каражаттарын берген.

Ошондой эле Кыргызстан менен Россиянын ортосундагы аскердик-техникалык жардамдын алкагында 4,9 млн сомдук противогаз, ар кандай модификациядагы коргоочу костюмдар, радиациялык, химиялык жана биологиялык коргоо каражаттары, метеорологиялык шаймандар алынган.

Мындан тышкары, Россия Кыргызстандын медициналык мекемелерине практикалык жардам көрсөтүү жана коронавирустук инфекцияны дарылоо боюнча тиешелүү консультацияларды жүргүзүү үчүн дарыгерлер жана медициналык кызматкерлерден турган топ жиберген. Россиялык адистердин тобу Кыргызстандын аймактарындагы медициналык мекемелерге жардам берип жатышат.

Россиядан 50 медицина кызматкери келди. Алар кызыл зонада иштешет

Elgezit.kg — Thu, 23 Jul 2020 05:10:43 +0000

Бүгүн 23-июль күнү Бишкекке Башкортостан Республикасынан сактоо министринин орун басары Евгений Кустов жетектеген тажрыйбалуу медицина кызматкерлери келди. Аларды «Манас» аэропортуна Россиянын Өзгөчө кырдаалдар министрлигинин учагы жеткирген.

Евгений Кустовдун айтымында, 50 адистен турган 5 медициналык топко хирург, кардиолог, терапевт, педиатр, травматолог, анестезиолог-реаниматолог, инфекционист, пульмонологдор жана башка адистер кирген.

Ал белгелегендей, алар Кыргызстанда бир айга жакын убакыт болушат. Ал убакыт ичинде COVID-19 менен ооруган бейтаптарга жардам берүүнү уюштурууга көмөк кылышат. Россиялык адистер кызыл зонада иштеп бейтаптарды дарылоого практикалык жардам көрсөтөт.

Башкыртстандык дарыгерлер Бишкек шаарынын, Ош, Жалал-Абад жана Ысык-Көл облустарынын ооруканаларына бөлүштүрүлөт.

Буга чейин Кыргызстанга Россиядан 100дөн ашуун медкызматкер келген.

Россиядан Кыргызстанга аскер дарыгерлери жардамга келди

Elgezit.kg — Wed, 22 Jul 2020 03:35:44 +0000

Коронавирус менен күрөшүүгө жардам берүү үчүн Россиядан Кыргызстанга аскер медициналык кызматкерлер келди. Медициналык кызматкерлерди Россиянын Коргоо министрлигинин атайын учагы «Кант» авиабазасына жеткирген. Атайын учак менен керектүү жабдыктар жана дары-дармектер да келген. 20 кишиден турган медициналык топ кыргызстандык аскер дарыгерлер менен бирге аскер кызматкерлерине, алардын үй-бүлө мүчөлөрүнө жана аскер ардагерлерине кеңеш жана практикалык түрдө жардам көрсөтөт. ...

Сообщение Россиядан Кыргызстанга аскер дарыгерлери жардамга келди появились сначала на ELGEZIT.

Орус вакцинасын сынаган ыктыярчыларда коронавируска каршы иммунитет пайда болду

Elgezit.kg — Tue, 21 Jul 2020 05:24:17 +0000

Россияда вакцинаны сынап көргөн бардык ыктыярчыларда коронавируска каршы иммунитет пайда болду. Буга чейин Сеченов университетинде коронавирустун вакцинасын сынап көргөн ыктыярчылардын биринчи тобу 15-июлда, ал эми экинчи тобу 20-июлда үйүнө жиберилгени кабарланган.

Sputnik маалымат агенттиги жазгандай, вакцина сайдыргандан бир нече күндөн кийин алгачкы коргоочу иммундук система пайда болгон. Үч жумадан кийин иштелип чыккан иммунитет күчтүү деп саналып, ооруга туруштук бере алган.

Сеченов университетинин Дары-дармектерди клиникалык изилдөө борборунун башчысы Елена Смолярчук белгилегендей, эмдөөдөн кийинки иммунитет канчага чейин кызмат кыларын айтуу кыйын. Бул суроого илимпоздор клиникалык сыноолордун кийинки баскычынан кийин жооп бериши керек.

«Эгерде вакцина өзүнүн натыйжалуулугун далилдей турган болсо, каттоого алынат. Ошондой эле массалык изилдөө иштери башталып, көп кишиге вакцина сайылат. Аларды көзөмөлдөөнүн натыйжасында гана иммунитет канчага чейин жетерин так айтууга болот», — деген Смолярчук.

Эске салсак, 18-июнда Сеченов университетинде Гамалея улуттук эпидемиология жана микробиология илим-изилдөө борбору тарабынан иштелип чыккан вакцинанын клиникалык сыноолору башталган. Ал сыноолор Россиянын Коргоо министрлигинин Бурденко атындагы ооруканадагы ыктыярчыларга дагы жүргүзүлгөн.

Россияда «Өлбөс полктун» жүрүшү кийинки жылга жылдырылды

Elgezit.kg — Mon, 20 Jul 2020 14:10:07 +0000

Россияда «Өлбөс полктун» жүрүшү кийинки жылга жылдырылды. Бул тууралуу «Спутник» агенттиги жазды.

Жыл сайын 9-майда болчу жүрүштү коронавирустун жайылып кетүү кооптуулугунан улам кийинкиге жылдырышкан. Алдын ала 26-июль деп белгиленген. Бирок Россиядагы «Өлбөс полктун» уюштуруучулары быйыл токтото туруп, келерки жылы толук кандуу өткөрүүнү сунуштаган. Владимир Путин «Өлбөс полктун» жүрүшүн кийинки жылга жылдыруу идеясын колдогон.

Эскертек кетсек, Россияда аталган иш-чара 9-май үнү онлайн-форматта өттү. Ага катышууну каалаган ар бир адам фронтко катышкан атасын, чоң атасын же жакынын сүрөтүн атайын иштелип чыккан интернет сайтка коюуга мүмкүнчүлүк алды.

«Өлбөс полктун» онлайн долбооруна баш-аягы болуп үч миллионго чукул адам катышты. Ал эми түз алып берүүнү дүйнөнү чар тарабынан 25 миллионго чукул адам көрдү.

Башкортостандан 51 медициналык кызматкердин келери күтүлүүдө

Elgezit.kg — Sun, 19 Jul 2020 10:30:34 +0000

Россия Кыргызстанга жардам көрсөтүүгө 51 медкызматкер, жеке коргонуучу каражат жана дары-дармек жөнөтөт. Бул тууралуу ТИМдин басма сөз кызматы билдирет.

Маалыматка ылайык, Кыргызстанга Россиядан медкызматкерлерден турган чоң топту жиберүү боюнча эки тараптын ортосунда маселе каралып жатат. Айта кетсек, Кыргызстандын медициналык мекемелеринде иштөөгө жана кеңеш берүүгө Россиядагы Башкортостан Республикасында 51 медициналык кызматкерден турган команда топтолду. Аталган дарыгерлер тобу 22-июлда келери күтүлүүдө.

Россия Федерациясынын Өзгөчө кырдаалдар министрлиги тарабынан гуманитардык жардамдын келери пландалууда.

Мындан сырткары, Кыргызстан менен Россиянын региондор аралык кызматташуусунун алкагында, Чечен Республикасынан медициналык дары-дармек жана жеке коргонуу каражаттарынан турган гуманитардык жардам берилери күтүлүүдө.

Эскерте кетсек, Россия Федерациясы буга чейин Кыргыз Республикасына ПЦР-тест-системаларын (110 миң изилдөөгө), дары-дармектерди, медициналык жабдууларды жана жеке коргонуу каражаттарын тапшырган..

3-июлда Кыргызстанга Роспотребназдын делегациясы, Россиянын Саламаттык сактоо министрлиги келген, анда өлкөдөгү эпидемиологиялык абал иликтенип, COVID-19 илдетинин жайылышы менен күрөшүүдө практикалык көмөк көрсөтүлгөн.

Россия жана Түркиядан келген ыктыярчы медиктер чогуу иш алып барышат

Elgezit.kg — Sun, 19 Jul 2020 06:19:00 +0000

COVID-19 коронавирус инфекциясына каршы күрөштө жардам берүү үчүн Кыргызстанга Москва жана Түркиядан келген ыктыярчы медиктердин тобу биригип иш алып бармай болушту. Бул тууралуу Жоодар Сайдилхан өзүнүн facebook`дагы баракчасына жазып чыккан.

Анын билдирүүсүнө караганда, Элвира Өмүралиеванын жетекчилиги астында Москвадан (биринчи топ) учуп келип, бир жумадан бери Улуттук госпиталда иштеп жаткан реаниматологдор менен Түркиядан келген жаш медиктердин тобунун жетекчилери жолугушкан. Анын жыйынтыгында эки топ биригип иш алып бармай болушту.

«Биргелешкен топту алдыңкы анестезиолог-реаниматолог Элвира Өмүралиева жетектемей болду. Учурда биргелешкен топ Улуттук госпиталдан тышкары КММАнын астындагы 100 орунга ылайыкташтырылган жаңы ооруканада бирге иштей баштады. Түркиядан ТИКАдан келген түрк инженерлер Кыргыз-түрк «Достук» ооруканасындагы өпкөнү жасалма дем алдыруучу аппараттарды 2-3 күндүн ичинде ишке киргизсе, биргелешкен медиктердин тобу ал жакка да өтөт. Бул боюнча Тышкы иштер министрлигинин бөлүм жетекчиси Эрмек Өмүралиев менен да макулдашылды», — дейт ал.

Анын маалыматына караганда, КРнын вице-премьер-министри Аида Исмаилова жана Саламаттык сактоо министрлигинин катчысы Калысбек Шадыханов менен жолугуп, сырттан келген дарыгерлердин статусу жана алардын иш долбоору боюнча колдоо алышкан.

«Ошондой эле Аида Исмаилованын жетекчилигинде жергиликтүү жана Москва, Түркиядан келген дарыгерлердин да катышуусунда жыйналыш өткөрүлүп, бирге жаңы дарылоо протоколу бекитилмей болду. Бул демилгени баштан колдоп келген Россия жана Түркияда эмгектенип жаткан кыргыз жарандарына, КРнын Россиядагы элчиси Аликбек Жекшенкулов жана КРнын Түркиядагы элчиси Кубанычбек Өмүралиевге, жалпы Тышкы иштер министрлигинин жамаатына жана баардык жергиликтүү ыктыярчы топторго ыраазычылык билдиребиз», — деп айтылат Жоодар Сайдилхандын билдирүүсүндө.

Россиядан коронавируска каршы «Авифавир» дарысы келет

Elgezit.kg — Sat, 18 Jul 2020 13:25:21 +0000

Россия кийинки жумада Кыргызстанга коронавирустан айыктыруучу авифавир дарысын жиберет. Бул туурасында КРдин Россиядагы элчиси Аликбек Жекшенкулов билдирди. Анын айтымында, Саламаттык сактоо министрлиги аталган вакцинаны өлкөгө ташып келүүгө уруксат берген. Буга чейин кыргыз өкмөтү коронавируска даба болчу авифавир препаратын алуу боюнча Россия менен сүйлөшүүлөрдү жүргүзүп жатканы айтылган. Авифавир — COVID-19дан айыктыруу үчүн россиялык окумуштуулар тарабынан иштелип чыккан ...

Сообщение Россиядан коронавируска каршы «Авифавир» дарысы келет появились сначала на ELGEZIT.