Абитуриент -2020: Россиянын университети кыргызстандыктар үчүн 30 гранттык орун бөлдү

Окуялар тизмеги 29 Июл 2020 20:52
0 ой-пикир

Россиянын Якутск шаарындагы агротехникалык университети кыргызстандык абитуриенттерди билим алууга чакырат. Бул тууралуу Билим берүү жана илим министрлигинин басма сөз кызматы билдирет.

Маалыматка ылайык, университет 2020-2021-окуу жылында Кыргызстан үчүн күндүзгү жана сырттан окуу формалары боюнча 30 бюджеттик орун бөлдү.

Кирүү сынактары 10-14-август күндөрү дистанттык технологияларды колдонуу менен Modle платформасы аркылуу өтөт.

Документтерди кабыл алуу электрондук форматта жүргүзүлөт:

Агротехникалык университет Россиянын түндүгүндө жайгашкан окуу жай болуп, айыл-чарбанын бардык багыты боюнча адистерди даярдап чыгарат. Окуу жайда 514 студентке ылайыкташкан жатакана, илимий лабораториялар, китепкана, спорт комплекси жана ипподрому бар.

Кыргызстандын Билим берүү жана илим министрлиги гранттык орундар боюнча кабыл алууну жүргүзбөйт. Бардык суроолор боюнча жогоруда көрсөтүлгөн электрондук даректерге кайрылып же окуу жайдын расмий сайты аркылуу маалымат алууга боло турганын эскертет.

Ой-пикир калтыруу

Ваш e-mail не будет опубликован.

Конул бурунуз: Сиздин пикириниз сайттын администраторунун модерациясынан кийин жайгаштырылат.