Ага ылайык, эртең, 3-январда түнкүсүн Баткен облусунун кээ бир райондорунда кар жаашы күтүлөт, калган аймактарда жаан-чачын күтүлбөйт. 3-январда күндүз Ош, Жалал-Абад, Баткен облустарынын көпчүлүк аймактарында жаан, кар, Чүй, Талас, Ысык-Көл, Нарын облустарынын кээ бир райондорунда кар жаашы күтүлөт.

4-январда түнкүсүн көпчүлүк аймактарда мезгил-мезгили менен кар жаашы күтүлөт. 4-январда күндүз Ош, Жалал-Абад, Баткен облустарынын көпчүлүк аймактарында жаан, кар, Чүй, Талас, Ысык-Көл, Нарын облустарынын кээ бир райондорунда кар жаашы күтүлөт.

5-6-январь күндөрү өлкө аймагында түнкүсүн жаан-чачын күтүлбөйт. Чүй, Талас, Ош, Жалал-Абад, Баткен облустарынын кээ бир райондорунда туман түшүшү күтүлөт. Жолдор тайгак жана тоңголок болот. Батыштан соккон шамалдын ылдамдыгы секундасына 3-8 метрге жетиши күтүлөт.

6-январда күндүз Чүй, Талас, Ош, Жалал-Абад, Баткен облустарынын кээ бир райондорунда жаан, кар, тоо этектеринде жана тоолуу райондорунда кар жаашы күтүлөт. Ысык-Көл, Нарын облустарында жаан-чачын күтүлбөйт. 7-январда көпчүлүк аймактарда мезгил-мезгили менен кар жаашы күтүлөт. Жолдор тайгак жана тоңголок болот. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетиши күтүлөт.

Ал эми 8-9-январь күндө ү туруксуз аба-ырайы сакталып турат, көпчүлүк аймактарда мезгил-мезгили менен кар жаашы күтүлөт. Абанын температурасы төмөндөйт.

Маалыматка караганда, 31-декабрда жана 1-январда бейтапканаларда күзөт бригадалары гана иштеген.

Майрам күндөрү өлкөдө оррулардын арасынан сасык тумоого чалдыккандардын саны өскөндүгү айтылат. Бишкектеги Жугуштуу илдеттер ооруканасына бир сутка ичинде 665 адам кайрылган. Алардын ичинен 155 бейтап ооруканага жаткырылган.

Ооругандардын басымдуу бөлүгү 14 жашка чейинки балдар. Оорукана 400 орунга эсептелгендиктен, алардын баары учурда толуп, батпагандар коридордо жатышат. Бирок баары тең тиешелүү медициналык жардам алып жаткандыгы белгиленген.

Сапар Исаков катында учурда мамлекеттик маалымат каражаттары ага карата бир тараптуу каралоо жүргүзүп жаткандыгын жазган. Мурунку премьер өз убагында өлкөнүн кызыкчылыгы үчүн иштегенин, Кыргызстан энерго көз карандылыктан арылсын деген максат болгондугун белгилеген.

“Ошол эле кезде соттук териштирүүлөрдү ачык айкын чагылдырган көз карандысыз журналисттерге ыраазычылык билдирем. Темир тор артында жатканыма бир жарым жыл болду. Мен чындап, “сөз эркиндиги” деген сөздүн маани-маңызын түшүндүм. Көз карандысыз журналисттер, сиздерге ден соолук жана дем күч каалайм”, — деп жазган Исаков.

Эске сала кетсек, 6-декабрда ТЭЦти модернизациялоодогу коррупция боюнча сот өкүм чыгарган. Сот экс-премьер министр Сапар Исаковду 15 жылга кескен.

Мындан тышкары, мүлкү конфискацияланып, Кыргызстандын ыйгарым укуктуу элчиси дипломатиялык рангы, II даражадагы «Манас» ордени жокко чыгарылган.

Маалыматка ылайык, милиция кызматкери тааныштарынын чакыруусу менен топ балдардын мушташкан жерине барган учурда бычакталган. Оор жарадар болгон тартип сакчысы ооруканага жетпей үзүлгөн.

Майрамбек Абылов 2013-жылдан бери милицияда иштеп келаткан. 30-декабрда ал нөөмөттө болуп, 31-декабрда эс алууга чыккан. Окуя болгон жерге ал милиция кызматкери катары өз милдетин аткаруу үчүн барган. Артында эки бала атасыз калды.

Окуяга байланыштуу Жазык кодексинин «Киши өлтүрүү» беренеси боюнча кылмыш иши козголуп, шектүү катары Базар-Коргон районунун 26 жаштагы тургуну кармалды.

Учурда тергөө амалдары жүрүп жатат.

Канышбек Сагинбаева 1937-жылы 7-августта Чүй облусунун Ысык-Ата районундагы Аксай айылында туулган.

Ал 18 жашында Бишкек шаарына келип, «Октябрдын 40 жылдыгы» атындагы тигүү фабрикасына ишке орношкон.

Канышбек Сагинбаева 1969-жылы жеңил өнөр жай техникумун аяктаган. Ал бүтүндөй эмгек жолун фабрикага арнап, ошол жерден 55 жашында пенсияга чыккан. Ардактуу эс алууга чыгардын алдында 10 жыл бою ал өндүрүштө мастер болуп иштеген.

Канышбек Сагинбаева 1974-жылы Кызыл туу ордени менен сыйланган, ал эми 1976-жылы Кыргыз ССР Коммунисттер партиясынын Борбордук комитетинин мүчөсү болуп шайланган.

1977-жылы Канышбек Сагинбаева Октябрь революциясы ордени менен сыйланган. Ушул эле жылы Кыргыз ССР Мамлекеттик сыйлыгынын лауреаты болгон.

Канышбек Сагинбаева бир нече жолу Кыргыз ССР Коммунисттер партиясынын Борбордук комитетинин мүчөсү болуп шайланган.

1980-жылы Канышбек Сагинбаева Кыргыз ССР Жогорку Советинин Президиумунун төрагасынын орун басары болуп шайланган, Советтер Союзунун Коммунисттик партиясынын 25-съездинин делегаты болгон.

1984-жылы ага эмгектеги жетишкен ийгилиги үчүн Социалисттик эмгектин Баатыры наамы ыйгарылган. Мындан тышкары Канышбек Сагинбаева Ленин, Эмгек Кызыл туу жана Октябрь революциясы ордендери, Социалисттик эмгектин Баатыры жылдызы менен сыйланган.

Канышбек Сагинбаева өмүрүн өндүрүшкө, аны өркүндөтүүгө жана эмгектин өндүрүмдүүлүгүн жогорулатууга, эмгекчилердин укуктарын коргоого арнаган. Канышбек Сагинбаеванын жаркын элеси түбөлүккө эсибизде сакталат.

Анын туугандарына жана жакындарына терең кайгыруу менен көңүл айтып, аза-кайгысын тең бөлүшөбүз.

С.Ш. Жээнбеков, Д.А. Жумабеков, М.Д. Абылгазиев, Г.У. Калиева, М.И. Абакиров, К.А. Касымалиева, К.А. Боронов, Ж.П. Разаков, А.С. Өмүрбекова, З.М. Аскаров, Д.А. Эсеналиев, С.А. Кылжыев, Ч.А. Айдарбеков, К.А. Жунушалиев, М.Т. Джаманкулов, Б.Ж. Жеенбаева, С.Т. Муканбетов, Э.У. Чодуев, Ж.С. Бейшенов, Н.С. Мирзахмедов, К.А. Исаков, К.С. Чолпонбаев, А.К. Жаманкулов, У.Т. Кочкоров, Э.Д. Тердикбаев, О.Н. Опумбаев, Э.К. Осмонбетов, Д.Д. Догоев, А.А. Намазалиев, А.Э. Суракматов, М.Ш. Шеримкулов, Т.А. Акматов, Б.Ж. Курманов, К. Сатаров, Ж. Тентиев, К.М. Давлетова.

Канышбек Сагинбаеваны акыркы сапарга узатуу зыйнаты 2020-жылдын 2-январында саат 10:00дө Бишкек шаары, Чүй проспектиси 127 дарегинде өтөт. Канышбек Сагинбаеванын сөөгү Ала-Арча көрүстөнүнө коюлат.

Маалыматка ылайык, таштандыны «Тазалык» ишканасынын кызматкерлери 1-январь күнү саат бирден таңкы саат үчкө чейин тазалашкан. Борбордук аянтты тазалоого жалпысынан 60 адам жана 5 атайын техника тартылган.

Белгилей кетсек, майрамга карата «Ала-Тоо» аянтынын бардык тарабында таштанды челектери орнотулуп, кошумча дагы 20 чоң желим контейнер жана 10 евроконтейнер коюлган болчу.

Маалыматка караганда, ымыркайлардын 133ү эркек бала, 128и кыз.

Бишкек шаарында 67 эне көз жарды. Бир эгиз балдар төрөлдү. Жарык дүйнөгө келген балдардын 34ү эркек, 34ү кыз.

Жалпысынан, өлкө боюнча үч эгиз төрөлдү. Алар Бишкектеги Эне-баланы коргоо боюнча улуттук борбордо, Ош шаарында жана Ысык-Көл облусунда жарык дүйнөгө келишти.

Эң көп төрөт Жалал-Абад облусунда болуп, 80 наристе төрөлдү.

Иш-чарага мэр Таалайбек Сарыбашов, шаардык кеңештин төрагасы Жапар Ормонов, жаш жетекчилер, активисттер, студенттер, ишкерлер жана журналисттер катышышкан. Жалпысынан жаңы жылдык кечеге 500гө жакын адам чакырылган.

Мэриянын басма сөз катчысы Азамат Абсаттаров кечени мэриянын алдындагы Жаштар комитети уюштурганын билдирген. Бирок каржылоого канча каражат кеткени тууралуу маалыматы жоктугун билдирген.

Ал эми мэриянын алдында түзүлгөн Жаштар комитети расмий түрдө комментарий бере элек.

«Kloop» маалымат агенттигинин журналисттери Мамлекеттик сатып алуулар департаментинин сайтынан кече уюштуруу тууралуу тендерди таба алышкан эмес.

Кечки майрамдык иш-чарага Ош шаарынын мэри Таалайбек Сарыбашов, өкмөттүн Ош облусу боюнча ыйгарым укуктуу өкүлү Узарбек Жылкыбаев, шаардык кеңештин төрагасы Жапарбек Ормонов, мекеме ишканалардын жетекчилери катышып, жалпы шаардыктарды жана конокторду куттукташты.

Майрамдык иш-чаранын алкагында жаңы жылдык салют атылып, жаштар үчүн бий кече менен уланды.

Жалпысынан борбордук аянтка 13 миңге жакын шаардыктар жана коноктор катышты.

«Бул багыттагы иштер 2020-жылы да уланат.

Биз алган жолубуздан кайтпайбыз. Өлкөнү туташ санариптештирүүнү улантабыз.

Урматтуу мекендештерим, ар бир адам үчүн бала — жашоонун маңызы. Ар бир ата-эне бала үчүн баардыгын жасоого даяр. Ошентсе да, балдарыбыз мамлекеттин колдоосуна дайыма муктаж. Айрыкча, аз камсыз болгон үй-бүлөлөрдүн, ден соолугунун мүмкүнчүлүгү чектелген, жетим жана кароосуз калган балдарга камкордук көрүшүбүз зарыл.

Ушул максатта 2020-жылды Региондорду өнүктүрүү, өлкөнү санариптештирүү жана балдарды колдоо Жылы деп жарыялоону чечтим.

Балдарыбыздын дени сак, билими терең, коопсуздугу бекем болуусу — көңүл борборундагы маселе. Мамлекеттин балдарга карата камкордугун күчөтүп, артыкчылыктуу багыт катары аныктайбыз», — деп белгиледи Сооронбай Жээнбеков.

Өкүлчүлүктөн билдиришкендей, 2011-жылы жер титирөөдөн улам Кадамжай шаарында алты көп кабаттуу турак үй авариялык абалга келген. Мындан улам ошол эле жылы жашоочуларды турак жай менен камсыздоо үчүн 45 батирлүү 5 кабаттуу үйдүн курулушу башталган.

«Курулушу аяктаган турак үй бүгүн, 31-декабрда пайдаланууга берилди. Өкмөттүн Баткен облусундагы ыйгарым укуктуу өкүлү Акрам Мадумаров үй ээлерине батирлердин ачкычын тапшырды. Ошондой эле турак үйдүн алдына балдар ойноочу аянт куруу үчүн резервдик фондунан каражат бөлүп берди», — деп билдиришти өкүлчүлүктөн.

Батирлер жарандарга 15 жылдык мөөнөткө пайызсыз насыя катары берилген. Турак үйдүн жалпы сметалык баасы 93 млн сомду түзгөн. Анын 75 млн сому бюджеттик насыя болгон.

Өкүлчүлүктөн белгилешкендей, шаардык мэрия жергиликтүү бюджеттин эсебинен үч батирди социалдык жактан аз камсыз болгон 3 үй-бүлөгө акысыз берген.

Ага ылайык, кечки саат 22:00дөн баштап троллейбустар «Ала-Тоо» аянтына барып, жүргүнчүлөрдү төмөнкү даректер боюнча ташыйт:

№2 троллейбус «Ала-Тоо» аянтынан – Аламедин-1;

№4 троллейбус «Ала-Тоо» аянтынан – Булгаары заводу (Кожзавод);

№7 троллейбус «Ала-Тоо» аянтынан – Тунгуч кичи району;

№8 троллейбус «Ала-Тоо» аянтынан – «Ак-Өргө» конушу;

№10 троллейбус «Ала-Тоо» аянтынан – Асанбай кичи району;

№14 троллейбус «Ала-Тоо» аянтынан – Жал кичи району;

№14 троллейбус «Ала-Тоо» аянтынан – Киркомстром кичирайону;

№17 троллейбус «Ала-Тоо» аянтынан – Асанбай кичи району, Карл Маркс көчөсүнөн кийинки бөлүгү.

Ошондой эле Жаңы жылга караган түнү 8 автобус жана 700гө жакын маршрутка иштейт.

Ал эми 1-январдан тарта 74 троллейбус эртең мененки саат 08:00дөн кечки 20:00гө чейин жүргүнчүлөрдү ташыйт.

Элдик Курултайдын мүчөсү Айбек Мырзанын «Азаттыкка» билдиришинче, алар үч маселе боюнча референдум өткөрүүнү талап кылып жатышат:

— Референдумда алгач «Президент жана Жогорку Кеңеш жыл сайын элдик курултайда отчёт берип турушун колдойсузбу же жокпу?» деген суроо коюлат. Эгерде президенттин ишин курултай канааттандырбаса, ал отставкага кетиши керек. Мындай жол менен президент жана парламенттин үстүнөн элдик көзөмөлдү күчөтүүнү көздөп жатабыз. Экинчи суроо «Толук парламенттик мамлекетти каалайсызбы же толук президенттик болсунбу?» деп коюлат. Үчүнчү суроо учурда катуу талкууланып жаткан шайлоо системасына байланыштуу. Анда «Шайлоо системасынын кайсы түрүн колдойсуз: бир мандаттуубу, толук партиялыкпы же аралашпы?» деген суроо берилет.

Бирок, референдумдун демилгечиси саясатчы Азимбек Бекназаров Кыргызстандын Малайзиядагы элчилигине дайындалды. Мындан улам буга чейинки эки ыңкылаптын башында турган саясатчынын дайындалышына курултайчылардын оюу кандай? Алардын кийинки кадамдары кандай болот? Бул жөнүндө элдик Курултайдын Аткаруу комитетинин төрагасынын орун басары Улукбек Маматаев VB.KG сайтына айтып берген.

Анын айтымында, Курултай Бекназаров менен биргеби же жокпу, кандай болсо да, февраль айында өткөрүлөт.

-Биз жакында эле аны менен сүйлөшкөнбүз. Ал Курултай өткөнчө президентти кызматка дайындоо жөнүндө указга кол койбой туруусун өтүнгөнүн айткан. Бирок, президент указга кол койгондон кийин, демек бул саясый чечим болгон. Кандай болсо да, биздин койгон баардык талаптарыбыз, жеке Бекназаровго тиешелүү эмес. Бул көптөгөн адамдардын жалпы эмгеги. Бизди анын Малайзияга элчи болуп кетип жаткандыгы анча деле ойго салбайт. Эгер президент ушундай деп чечсе, мейли ошондой болсун, биздин талаптарыбыз мурдагыдай эле күчүндө кала берет. Аларды бийлик кабыл албаса, анда башка иш, бирок, ошондой болсо да биз бул багытта дагы деле иштей беребиз, — деди Маматаев.

Ушуну менен бирге саясатчы белгилегендей, ал жана анын жолдоштору Бекназаров Кыргызстанда салмактуу саясый фигура болуп саналарын, ошондуктан ансыз кыйын болорун түшүнүп турушат.

-Ооба, алгачкы убакта Бекназаровсуз кыйын болот, бирок, биз мындай абалдан чыгуу жолун табабыз деген ойдомун. Табылбай турган адам болбойт, Бекназаровдун саясаттан эс алгысы келгенинин, балким жакшы жагы да бардыр. Ал бул кадамы менен келечектүү жаштарга жол берип жатат, — деп кошумчалады ал.

Маалыматка ылайык,  «Вечерний Бишкек» басылмасы мамлекетке 9,7 млн. сом жана 2,3 млн. сом туум карыз. Карыз салык төлөөчүнүн берген отчётунун негизинде пайда болгон.

Карыз сот аркылуу өндүрүлөрүн Мамлекеттик салык кызматы кошумчалады. 

Маалыматка караганда, Чүй проспектисинин Эркиндик бульварынан Панфилов көчөсүнө чейинки бөлүгү саат 18:00дөн түнкү саат 24:00гө чейин жабылат.

Белгилей кетсек, «Ала-Тоо» аянтындагы жаңы жылдык концерт саат 20:00дө башталат. Концерттик иш-чарада мэриянын маданият башкармалыгынын чыгармачыл жамааттары, Аяна Касымова, Иса Өмүркулов, Султан Каримов, Динара Акулова, Кайрат Примбердиев, Гүлжигит Калыков, Расул Маматкулов, Бактияр Токторов, Салтанат Аширова, Съездбек Искеналиев, Замир Арыкбаев, Омар, Арсен, Марс Мамаев өз өнөрлөрүн тартуулашат.

Мамлекет башчысынын катышуусу менен Бишкек шаарынын 12-микрорайонунда аскер кызматкерлери жана Чүй областынын Аламүдүн районунун Молдовановка айылында ЖАМК кызматкерлери үчүн турак жайлардын ачылыш аземи болуп өттү.

Президент аскер кызматчыларын кубанычтуу окуя менен куттуктап, бул Жаңы жылдын астында болуп жаткандыгынын символикалуу экендигин, аскер кызматкерлеринин социалдык абалын жакшыртууга мындан ары да өзгөчө көңүл буруларын белгиледи.

Президент Сооронбай Жээнбеков ар бир үйгө 200 миң сомдук сертификаттарды тапшырып, аскер кызматчыларынын үй-бүлөлөрү менен баарлашып, аларды келе жаткан Жаңы жылы менен куттуктады жана чын ден соолук, үй-бүлөлүк бакыт каалады.

2019-жылда Куралдуу күчтөрдүн аскер кызматчылары жана укук коргоо органдарынын кызматкерлери үчүн 265 батирлүү 9 үй курулган.

Ага ылайык, жылдын мыкты коомдук унаасы «Байзак Аска» компаниясынын №148, 258 жана 248-маршруткалары аталды.

«Мыктыларды аныктоо кыйынга турду. Биз маршруткалардын жолго чыкканынан баштап, ЖМК жана соцтармактардагы жарандардын арыздарын эске алдык. Ошондой эле коомдук унаалардагы тазалыкты дагы карадык», — деп айтылат маалыматта.

Эскерте кетсек, Бишкекте жүргүнчүлөрдү ташыган 44 компания иштейт. Алар 144 маршрутканын жүрүшүн көзөмөлдөйт.