ELGEZIT - RSS

ИИМ: инаугурация учурунда 2500 ашык милиция кызматкери коомдук коопсуздукту камсыз кылат

Elgezit.kg — Wed, 27 Jan 2021 11:01:24 +0000

2021-жылдын 28-январында ИИМдин тиешелүү кызмат бөлүктөрү жана Бишкек шаарынын ички иштер башкы башкармалыгынын өздүк курамы коомдук коопсуздукту камсыздоо үчүн күчөтүлгөн режимде иштешет. Ошол күнү 2500 ашык милиция кызматкерлери коомдук коопсуздукту камсыздоого тартылат.
Бишкек шаарындагы Манас, Чынгыз Айтматов жана Чүй проспектилериндеги негизги чейинки жолдордо, каршы тилкелерде коомдук жана жеке транспорттордун кыймылына эч кандай чектөөлөр киргизилбейт. Негизги трассадагы жол кесилиштердеги эки тараптуу жол кыймылы кадимкидей эле кыймылда болот. Эң негизгиси атайын кортеж өтүп бараткан убакта кана бир нече секунддарга гана кайчы жолдогу транспорттор кыймылын токтотот, кыймылда бараткан автоунаалар жолдун четине бир нече секунддарга гана токтойт.
Жолдордогу коопсуздукту камсыз кылуу ИИМдин Жол коопсуздугун сактоо башкы башкармалыгынын жана Бишкек шаардык Милициянын кайгуул кызматы башкармалыгынын кызматкерлерине жүктөлөт.
ИИМ айдоочулардан жолдо жүрүү эрежелерин бузбоого жана айдоочулук маданияттуулукту сактоого, транспорт каражаттарын унаа жолдордун боюнда калтырып кетпөөңүздөрдү жана кароосуз калтырбооңуздарды суранат.
Кыргыз Республикасынын ички иштер министрлиги өткөрүлүп жаткан иш-чаралардын маанилүүлүгүнө байланыштуу коомдук тартипти сактоого багытталган уюштуруу иш-чараларынын жүрүшүн Бишкек шаарынын тургундары менен меймандарын түшүнүү менен кабыл алууларына чакырат.

Сүрөт интернеттен алынды

ИИМдин Ички иликтөө кызматы Сузак РИИБүнүн аймактык тескөөчүсү боюнча өз пикирин билдирди

Elgezit.kg — Sat, 23 Jan 2021 08:35:23 +0000

Бул тууралуу ИИМдин Басма сөз кызматы билдирди.

2021-жылдын 22-январь күнү «Регион ТВ» каналынан Жалал-Абад облустук Ички иштер башкармалыгынын Сузак райондук ички иштер бөлүмүнүн милициянын участкалык уполномоченныйы милициянын ага лейтенанты Касымбек уулу Кымбатбек Кыргыз Республикасынын Ички иштер министрлигинин Ички иликтөө кызматынын кызматкерлери кысымга алып жатат деген маанидеги билдирүүсү таркаган.
Бул билдирүү боюнча кызматтык иликтөө жүргүзүлгөн учурда төмөндөгү жагдайлар белгилүү болгон. 2021-жылдын 19-январь күнү Кыргыз Республикасынын Ички иштер министрлигинин Ички иликтөө кызматынын Ош шаарында жайгашкан 3-башкармалыгына Жалал-Абад облустук Ички иштер башкармалыгынын Сузак райондук ички иштер бөлүмүнүн милициянын участкалык уполномоченныйы, милициянын ага лейтенанты Касымбек уулу Кымбатбек жумушуна шалаакылык мамиле кылып, айрым учурда жумуш убактысында баӊгизатын колдонот деген ыкчам маалымат түшкөндүктөн аталган башкармалыктын жетекчилиги тарабынан Ички иштер министрлигинин Ош шаарында жайгашкан ички иликтөө кызматынын 3-башкармалыгынын оперкызматкерлерин Жалал-Абад облусуна кызматтык командировкага жөнөтүлгөн. Жогорудагы маалыматты ар тараптуу иликтөө максатында Сузак РИИБнин жетекчилигинин, медицина кызматынын кызматкерлери менен биргеликте милициянын ага лейтенанты Касымбек уулу Кымбатбекти Жалал-Абад шаарындагы наркологиялык диспансерге чакыртылган. Бирок милициянын ага лейтенанты Касымбек уулу Кымбатбек наркодиспансерден текшерүүдөн өтүүгө макул болбой баш тарткан. Бул туурасында тийиштүү акт түзүлүп жетекчиликке билдирилген. Бул окуядан 3 күн өткөн соӊ Касымбек уулу Кымбатбек «Регион ТВ» каналынан маалымат таркаткан.
Аталган жагдай боюнча ИИМдин Ички иликтөөлөр кызматынын жооптуу кызматкерлери төмөндөгүдөй пикирин билдиришти.

КРдин ИИМнин ички иликтөө кызматынын начальнигинин орун басары милициянын полковниги Анарбек Мусаев: «2021-жылдын 19-январь күнү Кыргыз Республикасынын Ички иштер министрлигинин Ички иликтөө кызматынын Ош шаарында жайгашкан 3-башкармалыгына Жалал-Абад облустук Ички иштер башкармалыгынын Сузак райондук ички иштер бөлүмүнүн милициянын участкалык уполномоченныйы, милициянын ага лейтенанты Касымбек уулу Кымбатбек жумушуна шалаакылык мамиле кылып, айрым учурда жумуш убактысында баӊгизатын колдонот деген ыкчам маалымат түшкөндүктөн аталган башкармалыктын жетекчилиги тарабынан Ички иштер министрлигинин Ош шаарында жайгашкан ички иликтөө кызматынын 3-башкармалыгынын оперкызматкерлерин Жалал-Абад облусуна кызматтык командировкага жөнөтүлгөн.
Улукбек Жаманов-КРдин ИИМнин ИИКнын 3-башкармалыгынын ыкчам ыйгарым укуктуу оперкызматкери, милициянын подполковниги: « Ыкчам маалыматтын негизинде Жалал-Абад облусуна кызматтык тапшырма менен барганбыз. Сузак райондук ички иштер бөлүмүнүн милициянын участкалык уполномоченныйы, милициянын ага лейтенанты Касымбек уулу Кымбатбекти кызматтык иликтөөгө чакырганбыз»
Данияр Курбанов-КРдин ИИМнин ИИКнын 3-башкармалыгынын ыкчам ыйгарым укуктуу оперкызматкери,милициянын подполковниги: « Ал жерде ИИМге караштуу медицина кызматынын нарколог-психиатры да кошо барган. Сузак РИИБдин жетекчилиги да болгон. Бирок Касымбек уулу Кымбатбек наркологиядан текшерүүдөн өтүүдөн баш тартып кетип калган.
Улукбек Жаманов-КРдин ИИМнин ИИКнын 3-башкармалыгынын ыкчам ыйгарым укуктуу оперкызматкери,милициянын подполковниги: « Бул жагдай боюнча биз тараптан Жалал-Абад облустук ички иштер башкармалыгынын жетекчилиги менен биргеликте акт түзүлгөн»
Данияр Курбанов-КРдин ИИМнин ИИКнын 3-башкармалыгынын ыкчам ыйгарым укуктуу оперкызматкери,милициянын подполковниги: « Ал жерде милициянын генерал-майору Сүйүнбек Өмүрзаковдун дарегине жана азыркы бийликке карата эч кандай сөздөр айтылган эмес. Биз кызматтык милдетибиздин алкагында гана сүйлөп жумушубузду аткарып жатканбыз.
Улукбек Жаманов-КРдин ИИМнин ИИКнын 3-башкармалыгынын ыкчам ыйгарым укуктуу оперкызматкери,милициянын подполковниги: «Ал кызматкер айтып жаткан сөздөр эч бир чындыкка дал келбейт. Биз ал кызматкерди эч кандай куугунтукка алган эмеспиз. Ал кызматкердин дарегине карата түшкөн ыкчам маалыматты ар тараптан иликтеп чекит коюу үчүн барганбыз.
Касымбек уулу Кымбатбек 1999-жылы ички иштер органдарынын катарына кирген болсо ошондон бери 3 ирет ээлеген кызматынан алынган бир жолу ички иштер органдарынын катарынан кеткен. Акыркы кезде ээлеген кызматка толук эмес ылайыктыгы боюнча эскертүү жарыяланган. Кызмат өтөгөн мезгилдерде жалпысынан 8 ирет кызматтык жазага кириптер болгон.
Жогоруда биз сөз кылган жагдай боюнча акыйкат чечим кабыл алуу багытында Жалал-Абад облустук ички иштер башкармалыгы тарабынан кызматтык иликтөө башталды.

Ош облусунда «Арсенал» ыкчам алдын алуу иш-чарасы өткөрүлдү

Elgezit.kg — Tue, 19 Jan 2021 08:41:08 +0000

Ош облусунун аймагында калк арасында мыйзамсыз сакталган ок атуучу куралдарды, ок-дарыларды жана жарылуучу заттарды аныктап, аларды алуу максатында 2021-жылдын 13-январынан 17-январына чейин “Арсенал” ыкчам алдын алуу иш-чарасы өткөрүлдү, — деп маалымдайт Ош ОИИБдин Басма сөз кызматы.
Атайын иш-чаранын жүрүшүндө 943 мергенчиликти сүйүүчүлөр, 44 газ-травматикалык куралы бар жарандар жана 3 белекке берилген курал ээлери, ошондой эле каттоодо жана пайдалануусунда сайлуу, сайсыз жана газтравматикалык ок атуучу куралдары бар 16 мекеме-ишканалар текшерилип, текшерүү боюнча актылар түзүлдү.
«Арсенал» ыкчам алдын алуу иш-чарасы учурунда жалпы 1809 автоунаа, 2232 үй ээлери, 12 соода-сатык базарлар, 3 мейманкана жана 5 көңүл ачуучу жайлар текшерилди
Текшерүүнүн натыйжасында, ИИОнун кызматкерлери тарабынан мыйзамсыз сакталган 8 даана сайсыз ок атуучу курал жана 37 даана ок дары алынып Ош ОИИБдин КЖБРге катталып, азыркы учурда сотко чейинки өндүрүш иштери жүргүзүлүп жатат.
Ок атуучу куралды сактоо эрежелерин бузгандыгы үчүн 6 даана сайсыз курал маселе чечилгенге чейин ИИОго убактылуу алынды.
Текшерүүнүн жүрүшүндө 3 жаран өз ыктыяры менен 3 даана сайсыз ок атуучу куралын ИИОго өткөрүп берди.
Куралдарды сактоо жана кайра каттоо эрежелерин бузгандыгы үчүн 25 жаранга Кыргыз Республикасынын Бузуулар жөнүндө кодексинин 84-85-86- беренелери боюнча протоколдор түзүлүп жана аларга карата 27000 сом айып пул салынды.
Ош ОИИБи эскертет!
Ош облусунун аймагында сактоосунда жана пайдалануусунда мыйзамсыз сакталган ок атуучу куралдарды, ок-дарыларды жана жарылуучу заттарды Ички иштер органдарына өз ыктыяры менен тапшырса кылмыш жоопкерчилигинен бошотулат.

ВИДЕО: Баңгизаттарды таратуу менен алектенген топтун мүчөлөрү кармалды

Elgezit.kg — Tue, 19 Jan 2021 06:20:23 +0000

ИИМдин КМКнын Аймактар аралык башкармалыгынын ыкчам кызматкерлери баңгизаттарды таратуу менен алектенген топтун мүчөлөрүн кармашты.

2020-жылдын декабрь айынын аягында ИИМдин КМКнын Аймактар аралык башкармалыгынын кызматкерлери баңгизаттарды таратуу менен алектенип жана аны сатууга кардарларды издеп жаткан жаран боюнча ыкчам маалымат алышкан.
Аталган факты КЖБРге катталып, Кыргыз Республикасынын Жазык Кодексинин 267-беренеси (Баңгизаттарды, акыл-эске таасир берүүчү каражаттарды, жана алардын аналогдорун сатуу максатында мыйзамсыз даярдоо) боюнча сотко чейинки өндүрүш башталган.
Сотко чейинки өндүрүштүн алкагында ИИМдин КМКнын Аймактар аралык башкармалыгынын кызматкерлери баңгизаттарды мыйзамсыз сатуу фактысын аныктоо жана бул кылмыш ишине тиешеси бар жарандардын өздүгүн тактап кармоо боюнча ыкчам иш-чараларды жүргүзүшкөн.
Текшерүү учурунда бул маалыматтар толугу менен тастыкталган.
2021-жылдын январь айынын башында Аймактар аралык башкармалыгынын ыкчам кызматкерлери гашиш баңгизатын саткан бир нече фактыны аныктаган. Тиешелүү бардык материалдарды жана далилдерди топтогондон соң шектүүлөрдү кармоо боюнча операцияны жүргүзүшкөн.
6-январь күнү ИИМдин КМКнын Аймактар аралык башкармалыгынын кызматкерлери Ош шаарынын көчөлөрүнүн биринен 1992-жылы туулган К.А. аттуу жарандын башкаруусундагы «Форд-Мондео» үлгүсүндөгү автоунааны токтотушкан. Шектүүгө өздүк кароо жүргүзүү учурунда баңгизатты сатуудан түшкөн 3 миң сом акча каражаты табылып алынган. К.А. аттуу жарандан табылып алынган акча каражаты ыкчам-издөө иш-чараларында колдонулган акчанын номерине дал келген.
Ошол эле күнү Ош шаарында баңгизаттар менен алектенген уюшулган топтун мүчөсү катары ИИМдин ыкчам каттоосунда турган 1978-жылы туулган Д.К. аттуу жарандын жашаган жери боюнча токтоосуздан тергөө жана издөө иш-чаралары жүргүзүлгөн. Баңгизаттарды таратууга шектелген жаран Д.К. үйүн тинтүү учурунда жашырып койгон жеринен сатууга атайын дозалары менен даярдалган баңгизаттар табылып алынган. Алар дагы столдун астынан, шкафтан жана терезелерден дагы табылган. Жалпысынан жалпы салмагы 40 грамм болгон өзгөчө жыты бар 7 баштыкка салынган жана ширенкенин эки кутусуна салынган заттар табылып алынды. Ошондой эле, шектүүдөн баңгизатты сатуудан алган мурда белгиленген 5000 сом акча каражаты табылды.
Андан сырткары уруксат берүүчү документтери жок болжол менен газтравматикалык тапанча табылды.
Соттук-химиялык экспертизанын маалыматына ылайык табылып алынган заттар 24,53 грамм гашиш жана 5,94 грамм марихуана экендиги аныкталды.

Кармалган жарандан камакка алынды.

ИИМдин Басма сөз кызматы

Милициянын ага сержанты ММА Вале-Тудо боюнча Орто Азиянын чемпиону

Elgezit.kg — Fri, 15 Jan 2021 08:29:12 +0000

Жигитке жетимиш өнөр аздык кылат дегендей, кыргыз элибиздин көп кырдуу жигиттерибиз арбын. Ошондой жигиттердин бири ордолуу Ош шаарында жайгашкан ИИМдин «Шумкар» Атайын багыттагы полкунун №3 батальонунун кызматкери, милициянын ага сержанты Жусупакун уулу Жумгалбек. 2020-жылдын 13-14-декабрь күнү Ош облусунун Кара-Суу районунда болуп өткөн EFS чемпионатында жеңүүчү табылып, чемпион курун белине таккан.
Жусупакун уулу Жумгалбек 1994-жылы Ош облусунун Кара-Кулжа районунун Кан-Коргон айылында туулган. Мектепте өкүп жүргөн убакытында эле спортко кызыгып, бир нече түрлөрү менен машыгып жүргөн. Кызмат учурунда күжүрмөн самбо боюнча бир нече мелдештерге катышып, байгелүү орундарды ээлеген. Милицияда эмгек жолун 2015-жылы Бишкек шаардык ички иштер башкармалыгынын атайын операциялар отрядынан баштаган. Азыркы учурда спортун ММА, күжүрмөн самбо жана кармашып мушташуу менен машыгып келет.
Жетишкендиктерин айтып кетсек: ММА Вале-Тудо боюнча Орто Азиянын чемпиону, кармашып мушташуу боюнча чемпионатында 3 орун, профессионалдык WEF Prof fight, WEF celection, FFC турнирлеринин жеңүүчүсү.
ММАнын спорт чебери, кармашып мушташуу боюнча спорт чеберчилигине талапкер.

ИИМдин “Шумкар” АБПнын Басма сөз кызматы

Ысык-Көл ОИИБ: Облуста шайлоо өнөктүгү коомдук тартипти бузуусуз өтүүдө

Elgezit.kg — Sun, 10 Jan 2021 05:18:08 +0000

Ысык-Көл ОИИБдин Басма сөз кызматы маалымдагандай, Ысык-Көл облусунда Кыргыз Республикасынын Президентин кезексиз шайлоо жана мамлекеттик башкаруунун формасын аныктоо референдуму укук бузуусуз өтүүдө. Учурда, милиция кызматкерлери башка укук коргоо органдарынын жана коомдук бирикмелердин өкүлдөрү менен бирдикте коомдук коопсуздукту толугу менен камсыз кылууда.
Ысык-Көл облустук ички иштер башкармалыгынын маалыматы боюнча, 248 шайлоо участкаларында 500гө жакын милиция кызматкерлери, ошондой эле эркин элдик кошундардын 1000ден ашуун өкүлдөрү коомдук тартипти камсыз кылуууда. Шайлоо өнөктүгүнүн мыйзамдык ченемдердин талаптарын бузууга жол бербөө үчүн облустун бардык укук коргоо түзүмдөрүнүн иш-аракеттери координацияланган.
Добуш берүү аяктагандан кийин, милиция кызматкерлери шайлоо иш кагаздарын аймактык шайлоо комиссияларына жеткирүүдө коопсуздукту толук камсыз кылышат. Коомдук коопсуздукка тартылган тартип сакчылары добуштарды эсептөө аяктаганга чейин кызмат өтөшөт.
Башкармалыкта белгилегендей, эпидемиологиялык кырдаалга байланыштуу шайлоо күнү шайлоо участокторунда коомдук коопсуздукту сактоо боюнча тартылган бардык милиция кызматкерлери жеке коргонуу каражаттары менен камсыз болушкан.
Учурда аймакта ыкчам кырдаал туруктуу жана укук коргоо органдары тарабынан көзөмөлдөнүп турат.

милиция полкунун кызматкерлери жаңы жылдын башталышын кайрымдуулук иштери менен башташты

Elgezit.kg — Fri, 08 Jan 2021 10:37:14 +0000

ИИМдин Күзөт кызматынын ведомстволук милиция полкунун кызматкерлери жаңы жылдын башталышын кайрымдуулук иштери менен башташты, — деп билдиришти милициядан.

     2021-жылдын январь айынын башы менен Кыргыз Республикасынын ИИМдин Күзөт кызматынын  ведомстволук милиция полктун өздүк курам тарабынан жардам катары чогултулган акча каражаттарга Краснореченская жалпы билим берүүчү жана көмөк көрсөтүүчү интернатынын балдарына Жаңы жылдык майрамы менен куттуктап, полк командиринин кадрлар боюнча орун басары, милициянын полковниги Айтмамат Мавлянкулов жана кадрлар  тобунун тарбия иштери боюнча инспектору, милициянын ага лейтенанты Жылдыз Байзакова балдардын ар бирине белектерин тапшырып келишти. 
    Жыйынтыгында милициянын полковниги Айтмамат Мавлянкулов Краснореченская жалпы билим берүүчү жана көмөк көрсөтүүчү интернатынын балдарына каалоо тилегин айтып, жаңы жылы менен куттуктады.

Жалал-Абадда 32 жаштагы жаран 3 килограмм 618 грамм баңгизат менен кармалды

Elgezit.kg — Sat, 02 Jan 2021 11:17:51 +0000

Жалал-Абаддын Токтогул районунан буга чейин ачылган кылмыш иштин алкагында бир киши кармалып, жанынан 3 килограмм 618 грамм баңгизат табылды. Бул тууралуу Ички иштер министрлигинин (ИИМ) басма сөз кызматы маалымдады.

ИИМдин маалыматына ылайык, Баңги заттарын мыйзамсыз жүгүртүүгө каршы башкы башкармалыгынын ыкчам тобу Баткен райондук милициясынын убактылуу кармоочу жайында жаткан 32 жаштагы шектүү Жалал-Абад облусундагы Республикалык психиатриалык ооруканасында мажбурлап дарылоого жаткырылган жаран аркылуу маңзат алып келүүгө буйрук берген. Токтогулда кармалган киши ушул ишке байланыштуу колго түшүрүлгөн.

Учурда факт Кылмыш жана жоруктардын бирдиктүү реестринде 267 – берене (“Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо”) боюнча катталып, сотко чейинки тергөө жүрүп жатат.

Жүргүнчүлөрдү ташып иштеген таксистке кол салган жаран кармалды

Elgezit.kg — Tue, 29 Dec 2020 09:20:57 +0000

ИИМ: Криминалдык милиция кызматынын кызматкерлери жүргүнчүлөрдү ташып иштеген таксистке кол салган жаранды кармашканын ИИМдин Басма сөз кызматы маалымдады.

Ички иштер органдарына Кара-Суу районунун 24 жаштагы жашоочусу кайрылып, каракчылык менен кол салгандар жөнүндө билдирген.
Ушул жылдын 13-декабрь күнү болжол менен Ош шаарынан белгисиз адам таксиге отуруп, айдоочудан Жалал-Абадга чейин жеткирип коюну суранган. Жалал-Абад облусунун Сузак району аркылуу бара жатып Бишкек –Ош унаа жолунун болжол менен 615 километр аралыгында белгисиз адам айдоочуга кол салган. Куралга окшош предмет менен коркутуп, талаа тарапка айдоону талап кылган. Барпы айыл өкмөтүнүн аймагындагы адамдар жок жерден кол салган адам айдоочуну байлап койгон, бирок жабырлануучу качып кетүүгө үлгүргөн.
Аталган факты Кылмыштардын жана жоруктардын бирдиктүү реестрине катталып, Сузак РИИБи сотко чейинки өндүрүштү баштаган.
ИИМдин Криминалдык милиция кызматынын 2-башкармалыгынын ыкчам кызматкерлери жана Сузак РИИБдин КМКнын кызматкерлери жогорудагы кылмыш ишинин бетин ачуунун үстүндө иштешкен. Жакында милиция кызматкерлери шектүүнүн өздүгүн такташып, ал Ош облусунун Өзгөн районунун жашоочусу 33 жаштагы Э.М. аттуу жаран болуп чыкты. Кармоо учурунда кылмышкер жабырлануучуга таандык “Деу-Матиз” үлгүсүндөгү автоунааны 50 000 сомго башкаларга сатып жибергендиги малым болгон. Автоунаа табылып алынды. Учурда иликтөө иштери уланууда.

Сүйүн Өмүрзаков: Мен дайыма акыйкат менен сабырдуулукту жактаймын. Инимдин күнөөсү жок экендигине ишенемин

Elgezit.kg — Fri, 11 Dec 2020 04:48:13 +0000

— Сүйүн Абдылдаевич! Кандайсыз, ден соолуктарыңыз жакшыбы? Бир аз сыркоолоп калды деп уктук элек. Сизге саясаттан жана ишиңизден тышкары, Улук иниңизге байланыштуу бир-эки суроо берсекпи дедик эле. Коомчулук бизге суроо салып жатат, бул суроолор менин жана коомчулуктун суроосу деп түшүнсөңүз болот?…

-Рахмат, ал-ахыбалды сурагандын өзү эле дары туура, суроонуздар болсо жооп берейин. Ааламды каптаган илдет бизге да келди. Өзүм анан өмүрлүк жубайым да ооруп калдык. Мен пневмания же кыргызча айтканда өпкөнүн сезгениши, ал эми жубайым COVID-19 болдук. Дарыгерлердин жардамы менен акырындап жакшы болуп келе жатабыз. Дарылоонун бардык процедураларын өткөрүп жана тиешелүү дарыларды азыр да байма-бай алып, алар койгон талаптарды аткарып жатабыз. Ак халатчан дарыгерлерге биз терең ыраазычылык билдиребиз. Кудайым буюрса, биз да тез арада сакайып, мамлекеттин жүгүн аркалаган ишибизди, милдетибизди жана парзыбызды аткарабыз деген ой тилектемин.
—Сизге оор тийиши мүмкүн, бирок иниңиз тууралуу сурайын дегем. Коомдо кайчы пикирлер абдан көп. УКМК К.Ташиев менен мамилеңиз кандай жана бул иштин аягы кандай болушу мүмкүн? Тергөө кандай өңүттө жүрүп жатат деген ойдосуз?…

-Ооба, бир тууган деген баарынан кымбат экендигин ар бирибиз жакшы түшүнөбүз. Бардыгына убакыт тараза. Тарыхтын бул күндөрү да ар бир маселени, жагдайды өз ордуна койот деген ишеничтемин. Ата-бабаларыбыз айткандай ак ийилээр, бирок сынбас.
Мен көп жылдар бою ыкчам кызматтарды иштегем, сөзгө туруу, күтүү, акыйкаттык жана сабырдуулук мен үчүн өтө жогорку ишеним жана позициям десем да болот.
Туура айтасыз, коомдо К.Ташиев экөөбүздүн ортобузда кандайдыр бир жеке келишпестиктер бар деген сөздөр болуп жатат. Так кесе айтып койоун. Экөөбүздүн ортобузда эч кандай жеке келишпестик жок. Мамилебиз жакшы. Биз экөөбүз тең мамлекеттик системанын погон тагынган жоокерибиз, андыктан керек болсо жеке мамилелерден мамлекеттик кызыкчылык жогору туруш керек деген пикирдемин.
Мен ооруканага 3-ноябрда жатып калдым, инимди болсо 12-ноябрда кармашты. Тергөөнүн жүрүшү боюнча менин комментарий бергеним туура болбой калышы мүмкүн, ошол себептүү аталган жагдай боюнча акыйкат тергөө болот деген ишеничтемин.

—Ошто иниңиздин кармалышы боюнча каршылык акциялары өттү. Коомдун активдүү жарандары, алыс жакын туугандарыңыз да бизге кайрылып жатат. Балким Сизге да кайрылышкандыр. Каршылык акцияларын уюштуруу, пикет, митинг менен позициясын билдирүүгө кандай карайсыз?

-Мен эми моралдык колдоо көрсөтүп жаткан миңдеген мекендештериме терең ыраазычылык билдиремин. Ачыгын айтып коюшум керек. Акцияларды инимди колдогондор өткөрүшкөндүгүн билдим. Алар менимче, коомдук тартипти бузушкан жок. Иниме жана ооруканада жаткан мага колдоо көрсөтүү, тилектештигин билдирген жарандарга ыраазычылык билдиремин. Бирок биз бул жол менен барбашыбыз керек. Бул жол опурталдуу жана провакациялар менен коштолуп кетиши мүмкүн.
Мамлекеттик саясатты жана мыйзамды жогору койгонубуз туура болот. Албетте, Улуктун да Ош жергесинде кадыр-баркы, өзүнүн орду, сыйы жана тарапташтары бар. Мен анын кылмыштуу жолдорго баргандыгына эч ишенбеймин. Ошондуктан акыйкат тергөөнү сабырдуулук менен күтүүгө туура келет. Бүгүнкү учурда иниң камакта жатат, митинг, пикет уюштуралы, ошондо акыйкат сөзүбүздү айталы деп чакыргандар да бар. Эмне иниңизди колдобойсузбу, ачык сөзүбүздү каршылык акцияларында айталы деп айткандар да жок эмес…

—Аларга сиздин жообуңуз кандай болду? Менимче Сиз мыйзам тараптасыз?…

-Ооба, мыйзам жолу улук да. Менин да Мекеним деген патриоттук сезимим бар, мен коомдун сакчысы, коомдук тартиптин сакталышы, кылмыштуулукка каршы күрөшүү багытында отуз жылдай иштеген ири системанын өкүлү катары мындай акцияларды өткөрүүнү каалабаймын. Ага-тууган, Эл журтумду, менин позициямды колдогондорду чогултуп алып пикет же каршылык акцияларын өткөрүүнүн кажети жок деп эсептеймин. Ар кандай провакацияларга алдырбашыбыз керек. Бирок, мамлекеттик бийлик да өз мыйзамдарын бузбаш керек, туура эмес кабыл алынган чечимдер элдик толкундоолорго алып келет.
Элдин коопсуздугу жана тынчтыгы мен үчүн абдан жогору, бардыгы мыйзам талаасында, чындыктын таразасында адилет чечилиши керек деген ойдомун.
Мен мамлекеттин жоокеримин, мага Кыргыз Республикасынын жарандарынын коопсуздугу маанилүү, кыргыз улутунун жүзүн жогору көтөрүү, аны эркиндиги менен коопсуздугун сактоо, анын ишенимдери менен мыйзамдарын сыйлоо жана ошондой эле мамлекеттик башкаруу системасынын акыйкат жана таза иштешине өз салымымды кошуу менин милдетим. Кайсы гана система болбосун, ишеним артса, мага ишенсе, мен дагы сөзгө туруп иштеп келгем жана иштей беремин. Мен Кыргыз элинин миңдеген патриот уулдарынын биримин деп эсептеймин.

“Ачык саясат” гезити

ИИМ: 4 жылдан бери эл аралык издөөдө жүргөн Россия Федерациясынын жараны кармалды

Elgezit.kg — Mon, 07 Dec 2020 10:40:54 +0000

Бул тууралуу ИИМдин Басма сөз кызматы билдирди.2020-жылдын 4-декабрь күнү Кыргыз Республикасынын ИИМдин Интерпол улуттук борбордук бюросунун жана Нарын ОИИБдин Криминалдык милиция кызматынын кызматкерлери эл аралык издөөдө жүргөн Россия Федерациясынын жаранын кармашты. Россия Федерациясынын жараны 41 жаштагы М.В. карата 2016-жылдан бери Россия Федерациясынын Кылмыш-жаза кодексинин 228.1-беренесинин 2-бөлүмүндө (Баңгизаттарды сатуу жана сактоо) көрсөтүлгөн кылмыштарды жасагандыгы үчүн укук ...

Сообщение ИИМ: 4 жылдан бери эл аралык издөөдө жүргөн Россия Федерациясынын жараны кармалды появились сначала на ELGEZIT.

ИИМдин Ички аскерлеринин Колбашчысы Республикалык спорт федерацияларынын жетекчилери менен жолугушту

Elgezit.kg — Wed, 02 Dec 2020 13:52:06 +0000

Бүгүн, 2-декабрда ИИМдин Ички аскерлеринин командачылыгында Ички аскерлеринин Колбашчысы полковник Кенжекулов Исламбек менен Кыргыз Республикасынын мамлекеттик олимпиадалык комитетинин Генералдык катчысы Эргешов Саламат, “9х19” спорттук аттуу комплексинин Генералдык директору Тарасов Артем жана Кыргыз Республикасынын текбол федерациясынын Президенти Чолпонбек Джумашукуров жолугушту.
Эки жак ар тараптуу жана натыйжалуу кызматташууну түзүүнү талкуулашты. Келечекте эл аралык ок атуу жана текбол боюнча мелдештерге катышуу үчүн Ички аскерлеринин аскер кызматкерлеринин ичинен профессионалдуу спорт чеберлерин даярдоо пландалууда.
Жолугушуунун соңунда текбол федерациясынын Президенти Чолпонбек Джумашукуров Ички аскерлеринин аскер кызматкерлери текбол оюунун ойноо үчүн 2 текбол оюнунун столун белекке тапшырды.

Маалымдоо үчүн: Текбол-бул жалгыз оюунда эки оюнчу жана түгөйлүү үч же төрт оюнчу катышат. Оюн стол үстүндөгү теннис оюнун элестетет. Оюнга ийилген стол жана топ колдонулат, топту колдон башка дененин бүткүл жагы менен соккуга алса болот. Эл аралык деңгээлде оюнду (FITEQ) Эл аралык текбол Федерациясы сунуштаган. Азыркы күндө бул оюндун түрүнө олимпиадалык статус берүү каралууда. Текбол 2014-жылы Венгрияда эки футбол сүйүүчүлөрү тарабынан ойлонуп табылган, алар муруңку профессионалдуу футболчу Габор Боршани жана программалоочу Виктор Хусар.

ИИМ: Эл аралык маанидеги жолдорунда “Жол кыймылынын эрежелерин сактаңыз!” аттуу челендж өткөрдү

Elgezit.kg — Wed, 02 Dec 2020 03:56:57 +0000

Бул тууралуу ИИМдин ЖКККББнын Басма сөз кызматы Еlgezit.kg порталына маалымдады. Унаа жолу жогорулатылган коркунучтун булагы болуп саналат. Жол кырсыгы жол кыймылынын катышуучуларынын тажрыйбанын жетишсиздигинен, байкабастыктан, билбестиктен жана негизги эрежелерди сактабагандыктан келип чыгып, адамдардын өмүрүн жана ден соолугун алып, жашоосун талкалоодо.
Оор жол-транспорт кырсыктарынын санын азайтуу жана болтурбоо үчүн жол кыймылынын коопсуздугу көйгөйүнө жол кыймылынын катышуучуларынын көңүлүн буруу жана жолдордо коопсуз жүрүм-турумду кеңири жайылтуу максатында, ИИМдин Жол кыймылынын коопсуздугун камсыздоо башкы башкармалыгы, Чүй ОИИББ боюнча ЖКККБ кызматкерлери менен биргеликте “Жол кыймылынын эрежелерин сактаңыз!” аттуу челенджин өткөрүштү.
Уюштуруучулар мындай иш-чаралар жол кыймылынын коопсуздугу көйгөйүнө жол кыймылынын катышуучуларынын көңүлүн бурат деп ишенишет.
ИИМдин ЖКККББ өмүр жана ден соолук эң жогорку баалуулук экендигин эскертет. Ал эми жол кыймылынын эрежелерин сактоо — ар бирибиздин коопсуздугубуздун кепилдиги!

ВИДЕО: “Нурлан” аттуу жарандын дагы башка алдамчылык фактыларына тиешеси бардыгы аныкталууда

Elgezit.kg — Thu, 12 Nov 2020 04:12:19 +0000

ИИМ КМК: Кармалган жарандын башка алдамчылык фактыларына дагы тиешеси бардыгы аныкталууда

Башында Бишкек шаарынын Свердлов РИИБге арыз менен жаран кайрылып, “Нурлан” аттуу жаранга карата тиешелүү чараларды көрүп берүүлөрүн суранган. Ал 2020-жылдын октябрь айында алдоо жолу менен транспорт каражатын оңдоп берем деген шылтоо менен жабырлануучунун «Тойота Камри» үлгүсүндөгү автоунаасын ээлеп алып, андан соң изин жашырып качып кеткен. Кийин 5500 АКШ долларына башка бирөөгө сатып жибергендиги белгилүү болгон.
Аталган факты КЖБРге катталып, Кыргыз Республикасынын Жазык кодексинин 204-беренесинин 2-бөлүмүндө (Алдамчылык) көрсөтүлгөн кылмыш курамы боюнча сотко чейинки иликтөөлөрүн баштаган. Сотко чейинки текшерүүнү жана иликтөөнү жүргүзүү максатында шектүүнүн өздүгүн, кайда жүргөндүгүн, чөйрөсүн тактоо боюнча иштер жүргүзүлгөн.
Шектүүнүн жогорудагы кылмыш ишинен башка мыйзамсыз аракеттерге тиешеси бар болгондуктан ыкчам-иликтөө иш-чараларын тыкыр иликтөөгө Кыргыз Республикасынын ИИМдин КМКнын Мүлктүк кылмыштар менен күрөшүүнү уюштуруу боюнча бөлүмүнүн кызматкерлери киришкен. ИИМдин КМКнын кызматкерлеринин күч-аракети менен жакында бир нече алдамчылык иш-аракеттерин жасоого шектелип жаткан жаран 1987-жылы туулган Дастанбеков Нурлан кармалды.
Андан сырткары, ИИМдин Криминалдык милиция кызматынын ыкчам кызматкерлеринин карамагында Дастанбеков Нурлан башка автоунаанын ээсинин ишенимине кирип, өз кызматын сунуштап, акча каражаттарын көрсөтүп жаткандыгы жөнүндө видео бар.
Жогорудагы жаран региондордо көп сандаган ири мүйүздүү малдарды алдоо жолу менен ээлеп алууга шектелүүдө.
ИИМдин Криминалдык милиция кызматы жарандарга кайрылат, бул жарандан жабыр тарткандар же укукка каршы иш-аракеттери жөнүндө кандайдыр-бир маалыматтарды билген болсоңуздар төмөнкү телефон номурланына кайрылууңуздарды суранабыз: 0507200075, 0700303804 жана ИИМдин КМКнын нөөмөт бөлүгү -266261.

ИИМдин Басма сөз кызматы

Кыргыз милициясынын түзүлгөндүгүнүн 96 жылдыгы белгиленүүдө

Elgezit.kg — Mon, 02 Nov 2020 13:31:59 +0000

2020-жылы Кыргыз милициясынын түзүлгөндүгүнүн 96 жылдыгы белгиленүүдө. Өздөрүнүн кесиптик майрамына карата ички иштер органдарынын өздүк курамы жакшы жыйынтыктарга ээ болушту. Ушул жылы милициянын бардык күч-аракети коомдук коопсуздукту камсыздоого, кылмыштуулук менен күрөшүүгө, укук бузууларды алдын алууга, уюшкан кылмыштуулукка каршы аракеттенүүгө жумшалды. Уюшкан кылмыштуу топторго тиешеси бар бир нече топтор кармалды. Бишкекте банктарды тоногон кылмыштуу топ кармалды. Баңгизатты таратуучулар кармалып, ири көлөмдөгү баңгизаттар табылып алынган. Андан сырткары республика боюнча миңдеген кылмыштардын бети ачылды. Бардыгыбыз үчүн жана анын ичинде милиция үчүн 2020-жыл жетишерлик оор болду. Коронавирус илдети ички иштер органдарынын бөлүктөрүн уюштуруулук ишине жана жумушунун режимине өзгөртүүлөрдү киргизди. Өлкөдө киргизилген өзгөчө абал менен өзгөчө кырдаал маалында Кыргыз Республикасынын Ички иштер министрлиги башка мамлекеттик уюмдар менен биргеликте ынтымакта иштешип, биздин жарандардын ден соолугун жана өмүрүн, коопсуздугун сактоого, коронавирус илдетинин жайылышына каршы күрөшүүгө өз салымдарын кошушту.
ИИМдин Басма сөз кызматы

ИИМдин ардагерлеринин кадыр-баркы акыркы революцияда даана билинди

Elgezit.kg — Wed, 28 Oct 2020 05:07:33 +0000

1-ноябрь-Кыргыз милициясынын күнүнө карата

Өсүш үчүн не керек?

Туура жолду ким билет?

Ушуга көңүл бөлөлү, акылдаша жүрөлү.

Туура жолду бир билсе, аксакалдар билишээр.

Ортого салып акылын, кеңешин айтып беришээр.

Бүгүн сиздерге ИИМдин ардагери, Кыргыз милициясынын көйгөйлөрүн жакындан билген милициянын ардагер полковниги, ИИМдин Ардагерлер кеңешинин төрагасы Султанбек Жоошбаев менен болгон маегибизге көнүлүңүздөрдү бурабыз.

-Султанбек Жоошбаевич, бүгүн биздин эл Кудайдын кудурети, жаштардын аракети менен дагы бир ирет төнкөрүш жасап, бүткүл дүйнөгө багынбаган, эркиндикти сүйгөн эл жашаган өлкө делип таанылып турабыз. Ушундай абалда биз ИИМдин кызматкерлери эмне кылышыбыз керек деген маселе турат?

-Кырыгыз элинин каада-салты менен, кылымдардан бери келе жаткан үрп-адаты менен эсептешпей коюуга болбойт. Бирок мен Сиздин биздин мамлекет жаңыдан бутуна туруп жаткан жаш баладай дегениңизге кошула албайм. Фактыларга кайрылсак мындай: ИИМдин түзүлгөнүнө 96 жыл болуп атса, ИИМдин Ардагерлер кеңешинин түзүлгөнүнө 60 жыл болуп атса Сиз кайсы жаш баладай абалды көрүп атканынызды билбейм. Кыргыз малекетти эгемендикке жетишкенин анын жаштыгы катары эмес, жаңылануусу катары караган туура болот деп ойлойм. Чынында эле Кыргыз малекетинин пайда болуусу жөнүндө маалыматтарга таянсак биздин заманга чейинки 4-5 — кылымдарга чейин кеткен тарыхыбыз бар экен. Анан дагы жашты жаш дешет, багелеги каткыча тебелешет дегениңизге да кошула албайм. Жаштарга насаатчы болгон,аларды жанылыштыктардан сактап колтуктап жүрргөн аталар бар. Аларда 96 жылдык тажрыйба бар. Ошол тажрыйбаны муундан муунга жеткизип, жаштарга жол көргөзөн ИИМдин Ардагерлер кеңеши десем болот. Кыскартып сиздин сурооңузга мындайча жооп берейин: кары дебей жаш дебей мыйзамды сыйлап, мыйзам менен жашаганга жетишибиз керек.

Чынында эле биз өз көзүбүз менен көрүп жүргөн нерсе бул ИИМдин Ардагерлер кеңешинин иши. Себеби кандай кана иш чара болбосун ИИМдин ардагерлер кеңеши ачык маанайда, баарына жеткиликтүү кылып өткөрөт.

Жалпыга маалымдоо каражатары менен тыгыз байланышта. Сиз Ардагерлер кеңешинин 60 жылдык мааракеси жөнүндө кыйытып айта кеттиңиз. Ушул маселеге толугураак токтоло кетсеңиз?

-Быйыл, тагыраак айтсам, үстүбүздөгү жылдын 24-октябрында ИИМдин Ардегерлер кенешинин түзүлгөнүнө 60 жыл болду. Тээ илгери-илгери 1960-жылы 24-октябрда ИИМдин Ардагерлер кеңеши түзүлүп, ошондон бери ийгиликтүү иштеп келет. Азыр ардагерлер кеншинин катарында 17 миңден ашык ардагер бар. Менимче бул сан эч качан кыскарбай турган, арчадай узак өмүрү бар сан. Себеби бир ардагер кетсе, ордуна эки ардагер келип толукталып турабыз. Ал эми ардагерлер Кеңешинин күнүн белгилөө салты 2018-жылдан бери ИИМдин ошол кездеги министри Джунушалиевдин буйругу менен белгиленип келет. Өлкөбүздөгү айрым бир ардагерлер кеңештеринин өмүрү кыска экенин билебиз, анткени аларды катары толукталбай, жылдан жылга азайып олтуруп жыйынтыгында, аттары тарыхта, өздөрү мүрзөлөрдө кала берет. Айтсак: Таба эмес тобо, Афгандык, Баткендик согуштардын ардагерлер кеңештери.

-Сиз айткандай 60 жылдан бери иштеп, эки жылдан бери өздөрүнүн күнүн белгилеп келе жаткан ИИМдин Ардагерлер кеңештеринин иштери жөнүндө кеп кылсак.

-Эми мындай иним. Биздин ар бир ишибиз 17 миң ардагердин сыноосунда турат. Алар биз эмне кылып атканыбызды, эмнелерди кылбай атканыбызды көрүп турат. Жасалган иштердин баарын айтып отурсак “Бетме-беттин” бети жетпей калат. Ошондуктан кыскача айта кетейин. Жакынкы иштерибиздин (3 жылдан бери) бири: жыл сайын 24-октябрда “Бешик бооңуз бек болсун!”-деп ушул күнү төрөлгөн наристелерге белек бечек, энелерине гүл көтөрүп барып жүрөбүз. Максат эл менен болгон байланышты чыңдоо. Ар жыл сайын милициянын ардагерлер күнүндө ардагерлерибизди кыдырып, ал жайы менен таанышып, белек бечек, жөлөк пул берип келебиз. Майрамда томсоруп калышыпасын деп милиция күнүндө атайын уюшулган топ ИИМдин госпиталында жаткан ардагерлерге жолугуп, жылуу сөздөрүн айтып, жөлөк пулун берип келишет. Анан да ардагерлердин жубайларын кубанттуу максатында. “Ардагердин жубайы деген” төш белги берилип, милициянын зайыптары сыймыктанган жакшы салтка айланды.

-Сиз ИИМдин кадыр—барктуу аксакалы катары, өздүк курамга эмне калоо айтаар элеңиз?

-Милиция кызматы элдин коопсуздугун, мамлекеттин тынчтыгын коргой турган абдан жоопту кызмат болгондуктан, биздин ар бир кадамыбыз элдин сынында болот. Ошондуктан кесиптештериме келе жаткан майрамдары менен чын дилимден куттуктап аларга жогорку жоопкерчиликти, булактай тазалыкты, жеткелең маданиятты, анан кайыштай чыдамкайлыкты, алмаздай бекем ден соолукту каалайм.

-Маегиңизге ырахмат, өзүңүзгө да үй-бүлөлүк бакыт, узун өмүр каалайбыз. Дагы бир ирет майрамыңыздар кут болсун!

ИИМдин Басма сөз кызматы

ИИМ: Республиканын аймагында абал туруктуу жана толук көзөмөлдө

Elgezit.kg — Mon, 26 Oct 2020 03:45:09 +0000

Кыргыз Республикасынын аймагында абал туруктуу жана укук коргоо органдарынын кызматкерлери тарабынан толук көзөмөлдөнүп жатат. Ал эми, өлкөдө түзүлгөн кырдаалга байланыштуу ички иштер органдарынын кызматкерлери башка укук коргоо органдары менен бирге кылмыштарды аныктоо, бөгөт коюу жана бетин ачуу боюнча иштерди жүргүзүп жатышат.
Республика боюнча 2020-жылдын 25-октябрына карата Кылмыштардын жана жоруктардын бирдиктүү реестрине 125 кылмыш, 130 жоруктар каттоого алынган. Кылмыштарды жана жоруктарды тыкыр иликтөө үчүн тиешелүү ыкчам-тергөө иш-чаралары жүрүп жатат. Ошондой эле, ички иштер органдарынын кызматкерлери жергиликтүү бийлик өкүлдөрү, ыктыярдуу элдик коошундар менен биргеликте коомдук тартипти сактоону камсыздоо боюнча алдын алуу иш-чараларын жүргүзүүдө

ИИМдин Басма сөз кызматы

ИИМ: 2020-жылдын 9 ай ичинде окуя болгон жерге 16 миң кароо жүргүзүлдү

Elgezit.kg — Fri, 23 Oct 2020 10:45:34 +0000

Азыркы учурда кылмыштарды иликтөө жана бетин ачуу эксперттик-криминалисттик изилдөөлөрдү пайдаланууну талап кылат. Кыргыз Республикасынын ИИМдин Эксперттик-криминалисттик борборунун кызматкерлери дактилоскопиялык, трасалогиялык, кол жазманы таануу, баллистикалык экспертизаларды жана баңгизат, спирт камтыган каражаттарды химиялык изилдөөлөрдү жүргүзүшөт.

Адистер кылмыштуулук менен күрөшүүгө өз салымдарын кошушууда. Ушул жылдын 9 ай ичинде 15992 окуя болгон жерлерге кароо жүргүзүүгө, 4294 ыкчам-иликтөө иш-чараларына, 1958 тергөө амалдарына катышкан. Автоматташтырылган идентификациялык издөө тутумун пайдалануу менен ыкчам анализди талдоо аркылуу 231 кылмыш ишинин бети ачылып, 217 адам кармалган. Жалпысынан 3373 экспертиза жүргүзүлдү: 1745 дактилоскопиялык, 96 трасологиялык, 247 ар кандай куралдарды изилдөө, 507 баллистикалык, 139 техника-криминалисттик, 208 кол жазма таануу, 429 баңгизаттарды изилдөө, 2 жарылуучу каражаттарды техникалык изилдөө боюнча экспертизалар жүргүзүлгөн. Андан сырткары, 703 профессионалдык изилдөө жүргүзүлгөн. 171 өздүгү таанылбаган адамдын өлүгү идентификацияланган. “СОНДА” автоматташтырылган маалымат базасына 9497 дактилокарта менен 2280 колдун издери киргизилген. Кыргыз Республикасынын ИИМдин Криминалисттик борборунда “ТАИС” автоматташтырылган баллистикалык идентификациялык тутум иштөөдө. Аталган тутум куралдар жөнүндө маалыматтарды издөө жана сактоо үчүн арналып, экспертизага келип түшкөн гильзаларды жана окторду кыска убакыттын ичинде текшерүүгө мүмкүнчүлүк берет. 2020-жылдын 9 ай ичинде маалымат тутумуна 602 катталган ок атуучу куралдар үлгүлөрү, октор жана гильзалар, 465 жаракаттандыруучу тапанча, 3576 криминалдык обьектилер киргизилген.