Бул боюнча президенттин аппараты комментарий бере элек. Жакында эле Жээнбековдун «Инстаграм» баракчасы верификациядан өтүп, расмий макамда иштей баштаган.

Учурда Жээнбековдун @sooronbai_zheenbekov_official деп аталган баракчасында 259 миң катталуучу бар.

Ал эми өзү басма сөз катчысы Толгонай Стамалиева менен мурдагы президент Алмазбек Атамбаевдики деген аккаунттарды гана окуйт. Баракчасы расмий жолугушуулардагы, жыйындардагы сүрөттөр жана маалыматтар менен толукталып турат.

Президенттин басма сөз кызматы кабарлагандай, ал Жети-Өгүз районунун жашоочулары менен жолугушат.

Мындан тышкары, экспортко багытталган ишканалардын ишмердиги менен таанышып, таза суу, ирригация жана айыл чарба объектилерин көрүп чыгат.

Кыргызстандын социалдык-экономикалык, интеллектуалдык жана маданий потенциалын өнүктүрүүгө олуттуу салым кошкондугу, кесиптик ишиндеги чоң жетишкендиктери үчүн мамлекеттик сыйлыктар менен сыйлоо жөнүндө Жарлыкка өлкөнүн Көз карандысыздыгынын күнүнө карата кол коюлган.

Көрүнүктүү мамлекеттик ишмерлер Султан Ибраимов жана Төрөбай Кулатовго «Ак-Шумкар» өзгөчө белгисин тапшыруу менен «Кыргыз Республикасынын Баатыры» эң жогорку артыкчылык даражасы ыйгарылган. Сыйлыктарды тапшыруу аземине алардын балдары катышат.

Мамлекеттик сыйлыктар медициналык кызматкерлерге, билим берүү, маданият, адабият, айыл чарба, курулуш жана башка тармагынын өкүлдөрүнө, аскер кызматкерлерине тапшырылат. Сыйлык алуучулардын арасында бир катар чет элдик жарандар дагы бар.

«Комуз — улуттук сыймык» аттуу залкар комузчулардын көргөзмөсү Кыргыз улуттук филармонияда болот. Иш-чаралар “Таңшы комуз” аттуу концерт менен жыйынтыкталат. Кыргызстанда Комуз күнү биринчи ирет белгиленүүдө. Бул күндү утурлай башка облустарда дагы иш-чаралар уюштурулду. Оштогу Алымбек Датка этнографиялык комплексинде 500 комузчу «Маш ботой» күүсүн чертишти.

Мамлекет башчы Сооронбай Жээнбеков быйыл июлда кол койгон жарлыкка ылайык, «9-сентябрь — Кыргызстанда Комуз күнү» — деп белгиленген.

Кыргызстандык комузчулар Эламан жана Айбек Каныбековдор Өзбекстандын Самарканд шаарында өткөн XII эл аралык музыка фестивалында 1-орунду алышты.

Сүрөт интернеттен алынды

Өлкөнүн социалдык-экономикалык өнүгүүсү, социалдык-экономикалык, инфраструктуралык долбоорлорду ишке ашыруу боюнча чаралар жөнүндө пикир алмашуу болду.

Мамлекет башчысы өкмөттүн социалдык оң жана терс көрүнүштөргө, күнүмдүк жашоодогу ар кыл чакырыктарга тез реакция кылып, тиешелүү чараларды ыкчам көрүшү зарылдыгын белгиледи.

Президент өкмөттүн негизги милдети — экономиканы өнүктүрүү, элдин жашоосун жакшыртуу ишине тоскоол болчу факторлор дээрлик жок экенин баса белгиледи.

«Өкмөттүн иштөөсү үчүн өлкөдө бардык мүмкүнчүлүктөр бар. Аткаруу, мыйзам чыгаруу, сот бийлиги өз ара конструктивдүү иштеп жатышат. Ошондуктан Өкмөт иштеш гана керек. Башка талап жок», — деп баса белгиледи президент Сооронбай Жээнбеков.

Премьер-министр Мухаммедкалый Абылгазиев экономиканын тармактарын өнүктүрүү, аймактык өнүктүрүү боюнча актуалдуу чаралар, өлкөнү санариптештирүү, инфраструктуралык жана агроөнөржай долбоорлорун ишке ашыруу боюнча аткаруучу бийлик органдарынын азыркы ишмердиги жөнүндө айтып берди.

Сүрөт интернеттен алынды

Кайрылууну жазгандар Алмазбек Атамбаевди өз каалоосу менен колдоп чыгышканын, 7-8-августта желим окту күч кызматкерлери биринчи атышканын, атайын бөлүктүн жоокери каза болуп калганы орду толгус кайгы экенин, бирок бул мурдагы президенттин үйүнө чабуул уюштургандардын күнөөсү экенин белгилешкен.

Алар учурда ошол окуяга катышкандар куугунтукка кабылып, кылмыш иштери ачылып жатканын айтып, бул каргашалуу окуяда эки тарап тең күнөөлүү деп эсептешет. Алар бийликке кайрылып, жогорудагы айтылгандар токтотулбаса, коомдо ажырым тереңдеп кетиши мүмкүн экенин эскертишти.

Бул кайрылууга азырынча расмий жооп боло элек.

Мурдагы президент Алмазбек Атамбаев күбө катары Ички иштер министрлигине үч жолу чакырылып, барган эмес. 7-8-августта аны Кой-Таштагы үйүнөн алып кетишкен. Операцияга күч түзүмдөрү тартылган.

Кармоо операциясында бир офицер каза таап, 130дан ашуун адам жараат алган. Дагы бирөөнүн абалы оор бойдон калууда.

Сүрөт интернеттен алынды

21-22-августта Нарынга сапарынын алкагында президент калкты таза суу менен камсыз кылуу, ирригация системаларын калыбына келтирүү долбоорлорун ишке ашыруунун жүрүшү менен таанышат. Аймактын инфраструктуралык жана социалдык-экономикалык мааниси бар объектилерине барат.

Ошондой эле Жээнбеков Ак-Талаа районунун тургундары менен жолугушат.

Стамалиева белгилегендей, президент өлкөнүн аймактарына иш сапарларын улантууда.

Сүрөт интернеттен алынды

Сл үрөт Президенттин сайтынан алынды

Мамлекет башчы аксайлыктар менен Тажикстандын Исфара шаарына бара жатып жолугушту. Президент укук коргоо органдарына, Куралдуу күчтөргө, бардык министрликтердин жана ведомстволордун жетекчилерине тийиштүү тапшырмалар берилгенин айтты.

«Тажик тарап менен биргеликте көрүлгөн чаралардын жыйынтыгында кырдаал турукташты. Баткен облусунун чек ара аймагына Ички иштер органдарынын жана Мамлекеттик чек ара кызматынын кошумча күчтөрү жиберилди. Өткөндө силер менен жолугушуудан кийин бул иш ыкчам түрдө аткарылганын өзүңүздөр көрүп турасыздар. Эми чек ара аймактарын көзөмөлдөгөн патрулдук иш туруктуу негизде жүргүзүлөт. Чек ара толугу менен биздин көзөмөлдө турат», — деди Сооронбай Жээнбеков.

Ал аскер кызматчыларынын жана укук коргоо органдарынын кызматкерлеринин саны чек арага жакын айылдардын аймагында бир кыйла көбөйтүлгөнүн белгилеп, элдин коопсуздугу жана өлкөнүн кызыкчылыктары биринчи планда болорун билдирди.

«Мен, өкмөттүн жетекчилери — Тажикстандын жетекчилери менен туруктуу сүйлөшүүлөрдү жүргүзүп жатабыз. Кечээ эле Жогорку Кеңештин төрагасы, премьер-министр жана айрым мамлекеттик органдардын жетекчилери катышкан жумушчу кеңешме өткөрдүм. Кеңешменин жыйынтыгында жакынкы убакта социалдык жана инфраструктуралык объектилердин курулушун баштоо боюнча чечим кабыл алынды».

Ал ушул жылдын август айында өрт жана куткаруу кызматтарын жайгаштыруу үчүн имараттардын курулушу аяктап, эки адистештирилген транспорт берилерин жана эки жуманын ичинде чек арага жакын жайгашкан аймактардын жашоочулары «Тез жардамдын» жаңы автомашинасы менен камсыз болорун белгиледи.

Сооронбай Жээнбеков Ак-Сай айылында жергиликтүү тургундар менен жолугушуудан кийин Тажикстандын Исфара шаарына Тажикстандын президенти Эмомали Рахмон менен жолугушууга жөнөп кетти. Эмомали Рахман Сооронбай Жээнбековду өзү чакырган.

Сүрөт интернеттен алынды

Судьяларды тандоо кеңеши Жогорку сотко бир, Жалал-Абад облустук сотуна — бир, Ош облустук сотуна — үч, Нарын облустук сотуна — эки, Талас облустук сотуна — беш жана Бишкек шаардык сотуна — эки талапкерди судьялык кызмат ордуна дайындоо боюнча сунуш киргизген.

Президент 19-июлда талапкерлердин айрымдары менен аңгемелешип, жыйынтыгында кошумча берилген материалдарды эске алуу менен жети талапкер боюнча Судьяларды тандоо кеңешинин сунушуна макул болгон.

Ошентип, Жалал-Абад облустук сотуна Токтосун Жоробеков, Ош облустук сотуна Тарифа Масабирова, Каныбек Пирматов, Талас облустук сотуна Азамат Алдашов, Айнура Иманалиева, Жекшеналы Курманбаев дайындалды. Ал эми Бишкек шаардык сотуна Айнура Маматалиева дайындалды. Жарлыктар кол коюлган күндөн тарта күчүнө кирет.

Сүрөт интернеттен алынды

Мамлекет башчысы чек ара коопсуздугун камсыз кылуу, кошуна өлкөлөр менен кызматташтыкты өркүндөтүү, чек ара боюндагы райондордо жашаган өлкө жарандарынын жашоосу үчүн максималдуу ыңгайлуу шарттарды түзүү мамлекеттик саясаттын эң башкы артыкчылыктарынын бири бойдон каларын белгиледи.

«Бул маселелерди чечүү бийликтин бардык бутактарынын, аткаруу бийлигинин түзүмдөрүнүн жана жергиликтүү өз алдынча башкаруу органдарынын катышуусун талап кылган комплекстүү милдет болуп саналат. Ошону менен катар алдын алуу чараларын, жергиликтүү калк арасында түшүндүрүү иштерин күчөтүү керек», — деди Жээнбеков.

Президент чек ара боюндагы айылдардын жана райондордун инфраструктуралык абалын жакшыртуу жана социалдык-экономикалык маселелерди чечүү зарылдыгына көңүл бурду.

Кеңешмеге Жогорку Кеңештин төрагасы Дастанбек Жумабеков, премьер-министр Мухаммедкалый Абылгазиев, Куралдуу күчтөрдүн Башкы штабынын башчысы Райимберди Дүйшенбиев, башкы прокурор Өткүрбек Жамшитов, тийиштүү министрликтер менен ведомстволордун жетекчилери катышты.

Рубаев «Говорит Москва» радиосуна берген түшүндүрмөсүндө Бердымухамедов эс алуу учурунда каза тапканын айткан. Ал мындай маалыматты атайын кызматтардагы ишенимдүү булактардан өлкөнүн ишкерлери алганын билдирген.

Айрым ЖМКлар Рубаевге таянуу менен Бердымухамедов каза болгонун жазышкан.

Кийин саясат таануучу кабар тастыкталбаганын маалымдаган.

«Президенттин туугандарынан жана жакындарынан, ошондой эле Түркмөнстан калкынан кечирим сурайм», — деп Рубаев Facebook баракчасына жазган.

Рубаев Түркмөнстандын президенти каза болду деген маалымат анын көптөн бери эл алдына чыкпай калганынан улам чыгышы ыктымалдыгын айтты.

Булак: Спутник

Сүрөт интернеттен алынды

Өлкө башчысынын маалымат кызматынын билдирүүсүндө, лидерлер Россия президентинин Кыргызстанга болгон мамлекеттик визитинин жыйынтыгында жетишилген макулдашууларды ишке ашыруу, анын ичинде эки өлкөдө 2020-жылды кайчылаш жыл деп жарыялоонун алкагында иш-чараларды уюштуруу жана өткөрүү боюнча пикир алмашышты.

Соода-экономикалык жана маданий-гуманитардык тармактарда эки тараптуу актуалдуу маселелер жана ошондой эле Жамааттык коопсуздук жөнүндө келишим уюмунун Кеңешинин алдыда боло турчу сессиясына даярдыктар талкууланды.

ЖККУ Саммити Бишкек шаарында 2019-жылдын 28-ноябрында өтөт.

Сүрөт, видео интернеттен алынды

Булак: 24kg

Маалыматка ылайык, Жээнбековду Швейцариянын президенти Ули Маурер расмий визит менен чакырган.

Сапардын алкагында Жээнбеков Швейцариянын президенти Ули Маурер, Федералдык жыйындын Улуттук кеңешинин төрагасы Марина Кароббио Гушетти жана Швейцариянын Улуттук банкынын төрагасы Томас Йордан менен жолугушат. Анда соода-экономикалык, банк чөйрөлөрүнө, Кыргызстандын экономикасынын перспективдүү секторлоруна инвестиция тартууга, парламенттик демократияны курууга басым жасоо менен эки тараптуу кыргыз-швейцариялык мамилелерди илгерилетүү маселелерин талкуулоо пландалууда.
Экономика, финансы, туризм, региондорду таза суу менен камсыз кылуу жана башка чөйрөлөрдөгү документтерге кол коюу күтүлүп жатат.

Мамлекет башчысы ошондой эле Швейцариянын ири бизнес өкүлдөрү менен жолугат, ага Кыргызстандан барган ишкерлер катышат.

Ошондой эле мамлекет башчысын бул расмий иш-сапарда төмөнкү топ коштоп жүрөрү белгилүү болду:

• Тышкы иштер министри Чыңгыз Айдарбеков;
• Президенттин аппаратынын тышкы саясат бөлүмүнүн башчысы Данияр Сыдыков;
• Кыргызстандын Швейцариядагы Атайын жана ыйгарым укуктуу Элчиси Данияр Мукашев;
• Жогорку Кеңештин вице-спикери Мирлан Бакиров;
• Жогорку Кеңештин депутаты Аида Исмаилова;
• Жогорку Кеңештин депутаты Абтандил Кулбараков;
• Экономика министри Санжар Муканбетов;
• Финансы министри Бактыгүл Жеенбаева;
• Улуттук банктын төрагасы Толкунбек Абдыгулов.

Сооронбай Жээнбеков Баткенге февраль айында барып, Кадамжай районунун жана Кызыл-Кыя шаарынын жашоочулары менен жолуккан. Мындан сырткары Кадамжайдагы «Факел» чек ара тозотунун жаңы курулган имаратынын ачылышына катышып, Ош-Баткен-Исфана автожолун реконструкциялоо жумуштарынын жүрүшү менен таанышкан.

Ошондой эле Баткендеги учурдагы кырдаал менен да таанышмакчы.

Сүрөт интернеттен алынды

Анын энеси Римма Петрушевская менен жубайы Татьянанын видеокайрылуусу президент Сооронбай Жээнбековго, премьер-министр Мухаммедкалый Абылгазиевге, Жаза аткаруу кызматынын башчысы Мелис Турганбаевге, акыйкатчы Токон Мамытовго багытталган. Анда алар Петрушевскийдин ден соолугу начарлап экенин, буга чейин бир нече операцияны баштан кечиргенин айтып, сотко чейин жашашы үчүн абактын ооруканасына которууну өтүнүшкөн.

Быйыл 6-июнда «Кызмат абалынан кыянаттык менен пайдаланган» деген негизде кармалган Алексей Петрушевский Биринчи май райондук сотунун чечими менен эки күндөн кийин үй камагына чыгарылган. Бирок 27-июнда Бишкек шаардык соту аны кайра 6-августка чейин тергөө абагына которду. Актоочу тарап соттун чечимине макул эместигин билдирүүдө.

Мартта ал кызматынан бошотулган. Анын алдында мэрияда атайын түзүлгөн комиссия Петрушевский жетектеген борбордо «тарбиялангандардын саны аз, аларга бюджеттен бөлүнгөн акча бекер эле коромжу болуп жатат» деген негизде имаратты бала бакчага айлантуу боюнча демилге көтөргөн. Петрушевский бул жерде «жеке кызыкчылыктар бар» деген оюн билдирип келет.

Кароосуз калган балдар тарбияланган борбордо азыр 21 бала жашайт. Мекемеге мэриянын бюджетинен жыл сайын 13 миллион сом бөлүнөт.

Cүрөт интернеттен алынды

«Урматтуу агалар! Сиздер биз үчүн үлгү болуп, жол көрсөтө турчу инсансынар! Бириң экс ажо болсоң, бириң учурдагы эл башчысысын. Силерди карап түзөнүп, силерди карап үлгү алабыз. Экөөңүздөрдөн суранаарым эски таарынычтарды кечиришип, анча-мынча кемчиликтериңерге көз жумуп, элдешүүңөрдү өтүнөбүз. Элибиздин үмүтү өчүп, чет өлкөгө кетсекпи деп турганда силердин бул кылган кадамыңар отко май чачкандай эле болуп турат. Элибизге, мамлекетибизге тынчтыктан кымбат эч нерсе жок. Сиздердин тирешүүңүздөр  аркылуу түндүк-түштүк жарасы ырбап жаткандай элес калтырууда. Бир иниңер, уулуңар катары суранаарым, өлкөбүздүн келечеги үчүн биригип, бизге үлгүлүү жетекчи болгула. Бир кыргыз уулу катары мамлекетибизге кандай кызмат кыла алабыз деп ар бирибиз ар тараптан тырмалаңдап жүрөбүз. Ушундай учурда силер ынтымакта болуп бизге жол көрсөтүүчү болсоңор деген тилегим.» — деп жазган өзүнүн фейсбук баракчасына.

Сүрөт интернеттен алынды

Мамлекет башчысы Кыргызстанга келген Салижан Шарипов менен жылуу учурашып, атактуу мекендешин ар дайым кубаныч менен тосуп алууга даяр экенин белгиледи.

Сүрөт интернеттен алынды