Мекеменин маалыматына караганда, алар «Хизб ут-Тахрир» уюмунун аялдар канатынын активдүү мүчөлөрү экени аныкталган.

«Жашаган жерлерин тинтүү учурунда экстремисттик мүнөздөгү китеп, «Хизб ут-Тахрирди» пропагандалоого багытталган материалдарды камтыган планшет, ноутбуктар, телефон сим-карталары жана жазуусу бар күндөлүктөр табылды. Ал материалдар атайын экспертизага жөнөтүлдү», — деп айтылат маалыматта.

Кылмышка шектүүлөр Нарындагы №24 убактылуу кармоочу жайына киргизилди. Факт сотко чейинки териштирүүгө Жазык кодексинин “Экстремисттик уюмду түзүү” беренесинин негизинде алынды.

Белгилей кетсек, «Хизб ут-Тахрир» уюму Кыргызстандын Жогорку сотунун токтому менен 2003-жылы экстремисттик деп таанылып, анын ишмердүүлүгүнө өлкө аймагында расмий түрдө тыюу салынган.

«Дарыгерлер тарабынан обсервацияда жаткандарга «чыгасыңар» деп айтылып калып, алар ооруканадан чыгып кетишиптир. Бирок медициналык алгоритм боюнча эч ким чыгарылбашы керек болчу. Себеби, алар экинчи ПЦР анализин күтүп жатышкан. Ооруканадан чыгып кеткендер блокпосттордон тосулуп алып келинип кайра жаткырылды», — деген Назгүл Мүсүралиева.

Ал бул окуя боюнча териштирүү иштери жүрүп жатканын, юридикалык баа берилерин кошумчалаган.

Белгилей кетсек, 27-майга карата Кыргызстанда дагы 52 адамдан коронавирус аныкталды, анын ичинен 17си Нарын облусунан.

271 миң адам жашаган аймакта бүгүнгү күнгө карата илдеттин 297 учуру катталган. Он миң адамга эсептегенде өпкөнү сезгенткен ооруга кабылгандардын көрсөткүчү 10,9 барабар. Бул деген республикалык көрсөткүчтөн 4.5 эсе көп дегенди билдирет .

Ага ылайык, оору жуктургандардын сегизи — жаңы төрөгөн аялдар, бирөө — медицина кызматкери, алтоо — туугандары менен байланышта болгондор.

«Бардык бейтаптар учурда Нарын облустук бириккен ооруканасына жаткырылды. Бардыгынын абалы канааттандыраарлык», -деп айтылат маалыматта.

Нарын облустук бириккен ооруканасынын төрөт бөлүмүндө жаңы төрөгөн 8 аял ымыркайлары менен, 7 кош бойлуу аял көзөмөлдө. Оорукана толук дезинфекцияланып, персоналдар алмаштырылды жана Бишкектен 2 акушер-гинеколог жардамга жөнөтүлдү.

Төрөт бөлүмүндө бардыгы болуп 11 медициналык кызматкер (акушерлер, медайымдар, санитардык кызматкерлер) коронавирус илдети менен ооруган.

«NABU реабилитациялык борборунун кызматкерлери ак илбирсти карап жатышат. Кечээ кечинде ал бир аз эт жеди. Эртең менен тамагын жебей койду. Алдын ала айтсак, ал ак илбирс картаң, алсыз экен. Ага ветеринардык жардам керек», — деп айтылат маалыматта.

Эскерте кетсек, 3-май күнү Нарын районунун тургуну Тескей Торпок ашуусунда музоону жеп жаткан ак илбирсти кармап алган. Ошол эле күнү ветеринарлар ак илбирсти текшеришкен. Ал картайган эркек ак илбирстин көзү начар көрөт экен.

Учурда ак илбирс Ысык-Көлдөгү «NABU» реабилитациялык борборуна алынып келген.

Анын айтымында, кармалган ак илбирс картаң болушу мүмкүн.

«Жырткычты музоого кол салган жерден кармашкан. Анын эки көзү начар көрөт экен. Тиштери начар. Илбирс Ысык-Көлдөгү реабилитациялык борборго жөнөтүлдү», — деди адис.

Маалыматка ылайык, облус аймагында COVID-19 илдетин жуктургандардын саны көбөйө баштагандан улам, аталган лаборатория облустук санитардык-эпидемиологиялык көзөмөлдөө борборуна жайгаштырылып, 23-апрелден баштап иштей баштады.

Штабдан кошумчалашкандай, учурда ал жерде 4 адис иштеп жатат, үчөө Бишкек шаарынан келген. Бул лабораторияда күнүнө 100 ПЧР-анализ чыгарганга мүмкүнчүлүк бар.

Белгилей кетсек, 26-апрелге карата Кыргызстанда коронавирус жуккан жаңы 17 учур аныкталып, ооругандардын саны 682ге жетти. Алардын ичинен 180ни медицина кызматкерлери. Стационарда 304 адам жатат, алардын ичинен алтоо реанимацияда. Ал эми 370 бейтап айыгып, ооруканадан чыгарылды. Сегиз адам каза болду.

Сейсмология институтунун маалыматына ылайык, жер титирөө Нарын районунун Достук айылында 3 балл, Куланак, Жан-Булак айылдарында 2,5 балл, Ылайлы-Суу, Шоро айылдарында 2 баллга чейин сезилген.

Жер титирөөдөн жабыркагандар жана кыйроолор катталган эмес.

«Дааватчылардын ичинен коронавирусту жуктургандардын саны беш адамды түзөт. Пакистандан келген бир, Индиядан келген эки жана ички дааваттан эки жаран болууда», — дейт ал.

Аалиев маалымдагандай, дааватка төрт айга кетип, үй-бүлөсүн карабай койгон фактылар катталып жатат.

«Нарындан башка облустарга 340 жаран дааватка чыкса, Нарынга 480 жаран келген. Ошондой эле кичи ажылыкка 37 жаран, башка өлкөлөргө дааватка 31 жаран барып келген. Үй-бүлөсүн карабай койгондор да бар. Мындан улам бул боюнча мыйзамга толуктоо жана чектөө боюнча сунуштама берип жатабыз», — деп белгиледи комендант.

Белгилей кетсек, Кыргызстанда коронавирусту жуктуруп алгандардын саны 568ге жетти. Алардын ичинен 140ы медицина кызматкери. Коронавирустан 201 жаран айыкса, каза болгондордун саны 7 адамды түзөт.

Коронавируска байланыштуу Кыргызстандын Бишкек, Ош, Жалал-Абад шаары жана Ноокат, Кара-Суу, Сузак райондорунда киргизилген өзгөчө абалдын режими 30-апрелге чейин узартылды. Ошондой эле ал убакытка чейин өзгөчө абал тартиби Нарын шаары жана Ат-Башы районунда киргизилди.

Алардын ичинен Бишкекте 5, Ош облусунда 1, Нарын облусунда 11 адам бар. Ошол эле учурда бир суткада 13 бейтап айыгып чыкты.

Ошентип, жалпысынан 16-апрелге карата Кыргызстанда коронавирус 466 адамдан табылды, алардын бешөө каза тапты, 91 адам айыгып чыкты.

Оору жуккан 466 адамдын аймактар боюнча көрсөткүчү төмөнкүдөй:

Ош облусунда – 131

Жалал-Абад облусунда – 93

Бишкек шаарында – 87

Ош шаарында – 71

Нарын облусунда – 45

Чүй облусунда – 28

Ысык-Көл облусунда – 6

Баткен облусунда – 5 киши.

Коронавирус коркунучунан улам 25-марттан 15-апрелге чейин Бишкек, Ош жана Жалал-Абад шаарларынын, Ош облусунун Ноокат, Кара-Суу райондорунун, Жалал-Абад облусунун Сузак районунун аймактарына өзгөчө абал киргизилген.

14-апрелде өзгөчө абалдын мөөнөтү 30-апрелге чейин узартылып, жогорудагы аймактардын катарына Нарын шаары жана Нарын облусунун Ат-Башы району да кошулду.

Саламаттык сактоо министрлиги Кыргызстанда илдеттин жайылышынын туу чокусуна жете турган мөөнөттү 20-24-апрель деп божомолдоп жатат.

Интернет булактарында Нарын шаарынын тургуну О.М. коронавируска чалдыкпагандыктан, дарылануудан баш тартып жатканы жана үй-бүлө мүчөлөрү медициналык каражаттарды ичкендигинин натыйжасында  ден-соолуктары начарлап жаткандыгы жөнүндөгү видеокайрылуусу  жарыяланган.

Бирок бул маалымат чындыкка дал келбегенин белгилөө менен, ИИМ окуянын чоо-жайын түшүндүрдү.

2020-жылдын 2-апрель күнү ооруларды алдын алуу жана мамлекеттик санитардык-эпидемиологиялык көзөмөлдөө борбору милицияга кайрылган. Анда 2019-жылдын ноябрь айында Пакистан мамлекетине дааватка кетип, кайра 2020-жылдын 15-мартында Лахор-Ташкент,  Ташкент-Бишкек каттамы менен Кыргызстанга кайтып келген Нарын  шаарынын тургуну О.М. аттуу жарандан коронавирус аныкталгандыгы айтылган. Ал жаран өзүнө коюлган чектөөлөрдү бузгандыгы үчүн  мыйзам чегинде чара көрүү өтүнүчү келтирилген.

Анткени, О.М. менен  байланышта болду деген себеп менен дарыланып жаткан Нарын шаарынын 3  тургунунда 2020-жылдын 30-мартында коронавирус оорусунун белгилери  аныкталган.

Жогорудагы билдирүүдө КР Жазык кодексинин  280-беренесинде (санитардык-эпидемиологиялык эрежелерди бузуу)  көрсөтүлгөн кылмыштын белгилери бар экендигине байланыштуу 2020-жылдын  3-апрелинде Нарын ШИИБси тарабынан сотко чейинки өндүрүш иши башталып,  О.М.аттуу жаран изоляцияда болгондугуна байланыштуу аны менен түздөн түз тергөө аракеттери ал сакайгандан кийин жүргүзүлөт.

Азыркы учурда тиешелүү жерлерге суроо каттар жиберилип, ыкчам тергөө амалдары жүргүзүлүүдө.

Маалыматка караганда, бейтап өткөн жылдын 15-ноябрында Пакистанга кеткен. 15-мартта саат ондо Лахол-Ташкент-Бишкек рейси менен “Манас” аэропортуна учуп келген. Ташкентте Бишкекке рейсти 5-6 саат күтүшкөн.

«“Манас” аэропортунан үйдөн чыкпай отуруу, эч ким менен байланышпоо, дене табы көтөрүлсө, тез жардамга кайрылуу боюнча түшүндүрүү иштери жүргүзүлгөн. Бирок бул адам Бишкек шаарында уулунун үйүндө төрт күн болгон. 19-март күнү Бишкек шаарынан Нарынга саат 15-16лар чамасында 7 киши менен чогуу бир таксиде келген. 22-март күнү 18.30 чамасында Нарын облустук бириктирилген ооруканасына обсервацияга жаткырылып, анализ алынган. 28-мартта анализинен вирус табылган. Азыркы учурда изоляцияда. Абалы канааттандырарлык. Эч кандай даттануусу жок», -деп айтылат маалыматта.

Бейтаптын үй-бүлө мүчөлөрү обсервацияга жаткырылды. Биринчи категориядагы контакт болгон 15 адамдан анализ алынган.

Экинчи категориядагы контакт болгон 127 адамга үйүнөн чыкпоо боюнча түшүндүрүү иштери жүргүзүлдү.

«Эгер биринчи категориядагы 15 адамдан вирус табылса, экинчи категориядагы адамдардан да анализ алынып, алар менен контактта болгондор иликтенип, иш алып барылат», — деп кошумчалашты өкүлчүлүктө.

Бүгүндөн тарта Нарын шаарына кирип чыгууга толугу менен чек коюлду.

Эске салсак, буга чейин Пакистанда коронавирус илдетин жугузуп алгандардын арасында 1963-жылкы кыргыз жараны бар экендиги айтылган. Аталган жаран менен чогуу төрт кыргызстандык (1960-ж.,1978-ж, 1960 жана 1996 ж.) Пакистанда даават кылып жүрүшкөн.

Азыркы учурда коронавирус табылган жаран PIMS (Pakistan Institute of Medical Sciences) Исламабад госпиталына жаткырылган, ал эми калган төрт кыргызстандык карантинге алынган.

29-мартка карата Кыргызстанда дагы 26 адамдан коронавирус инфекциясы аныкталып, вирус менен катталгандардын жалпы саны 84кө жетти.

Коронавирус боюнча аймактардагы жалпы көрсөткүч:

• Ош облусунда – 33 учур;
• Жалал-Абад облусунда – 39 учур;
• Бишкекте – 7 учур;
• Чүй облусунда – 3 учур;
• Баткен облусунда – 1 учур;
• Нарын облусунда – 1 учур.

Кыргызстанда коронавирус боюнча алгачкы жагдай 18-мартта катталган.

Маалыматка ылайык, бүгүн Нарын шаарында болжол менен саат 12:50дө «Тойота-Пассо» жана «Лексус 570» үлгүлөрүндөгү унаалардын катышуусунда жол кырсыгы болгон. Кырсыктын кесепетинен эки айдоочунун ортосунда чыр чыгып, бир айдоочу экинчисине бычак сайган.

Андан соң 1995-жылы туулган Ш.М. аттуу айдоочу милициянын имаратына келип, адам өлтүрүп алгандыгы тууралуу билдирген.

Бул факт Кылмыш жана жоруктардын бирдиктүү реестрине катталып, сотко чейинки өндүрүш иши башталды.

Ал эми айрым массалык маалымат каражаттары жазгандай, шектелүүчү Ш.М. – 1998-жылы өлтүрүлгөн Имаш Шамиевдин уулу Талгат Шамиев. Ал Сулайманов өлтүргөн атасы үчүн өч алган.

Бүгүн, 20-мартта Нарын облустук бириктирилген ооруканасынын кайра жандандыруу бөлүмүнүн эмгек жамааты флешмоб менен элдерди сабырдуулукка, ынтымакка чакырып, бейтаптарга жардам көрсөтүүгө даяр экенин билдиришкен.

Эскерте кетсек, 18-март күнү Кыргызстанда коронавирус жуктурган алгачкы 3 учур Сузак районунда (Жалал-Абад облусу) катталган. Алар 12-мартта Кыргызстанга Сауд Арабиясынан учуп келишкен. Коронавирус аныкталгандан кийин Сузак районунда өзгөчө кырдаал киргизилген.

Ошондой эле бүгүн, 20-март күнү өкмөт үйүндө өткөн маалымат жыйында саламаттык сактоо министри Космосбек Чолпонбаев Ноокат районунда коронавирусту жуктурган дагы үч учур катталганын билдирген. Алар Сауд Арабиясынан кичи ажылыктан учуп келишкен. Мындан улам Ноокатта өзгөчө кырдаал режими киргизилди.

Учурда Кыргызстанда коронавирусту жуктургандардын саны алтыга жетти.

Малыматка караганда, Чолок-Кайың айылынын тургуну 14-мартта Токио—Москва—Бишкек каттамы аркылуу Кыргызстанга учуп келип, 15-март күнү аталган айылга келген. Ал үйүндө дарыгерлердин көзөмөлүндө турган.

Бирок 19-мартта дене табы көтөрүлүп, тамагы кызарып калгандыктан тез жардам унаасы аркылуу райондук жугуштуу оорулар бөлүмүнө жеткирилип, 14 күндүк карантинге алынган.

Андан сырткары 2019-жылдын 12-декабрынан 2020-жылдын 16-мартына чейин Жалал-Абад облусунун Сузак районундагы Барпы айылында дааватта болушкан Кызыл-Белес айылынын 4 тургуну жугуштуу оорулар бөлүмүнө жаткырылып, 14 күнгө карантинге алынды.

5 тургунду айылдан алып келген унаалар жана райондук оорукананын айланасы дезинфециялоодон өткөрүлдү.

«Илдетке байланыштуу алынып келген 5 жарандан дароо кан алынып, облустук лабораторияга жиберилди. Анализ чыгып келмейинче бул жарандар 14 күн дарыгерлердин көзөмөлүндө болот», — деди аймактык оорукананын башкы дарыгери Гүлзуура Чолпонбаева.

20-март күнү өкмөт үйүндө өткөн маалымат жыйында саламаттык сактоо министри Космосбек Чолпонбаев Ноокат районунда коронавирусту жуктурган үч учур катталганын билдирген. Алар Сауд Арабиясынан кичи ажылыктан учуп келишкен.

Учурда Кыргызстанда коронавирусту жуктургандардын саны алтыга жетти.

Маалыматка ылайык, кырсык күн мурун, 3-февралда саат 15:20 чамасында болгон.

«Фольксваген-Вента» унаанын 34 жаштагы У.М., аттуу айдоочусу чыгыштан батыш тарапка бара жаткан жолдо 10 жаштагы Ы. кызы Д., атуу кызды сүзүп кеткен. Кыз ооруканага келгенден кийин каза болуп калган.

Унаа айып кароого токтотулган. Аталган факты Кылмыштар жана жоруктардын бирдиктүү реестринде каттоого алынып, териштирүү иштери жүрүүдө.

Белгилей кетсек, 9-январь күнү Таластын Көк-Ой айылында жарадар болгон ак илбирс табылган. Кийинчерээк жаныбар Бишкекке алынып келген. Бишкекте ал рентгенге түшүрүлүп, рентген сүрөтү көрсөткөндөй анын баш бөлүгүндө 70 майда ок болгон. Ага операция жасалып, жалпы 18 чачма ок алынган.

Ал ак илбирске Чыңгыз Айтматовдун «Тоолор кулаганда» романында айтылган ак илбирс – Жаабарстын аты коюлган.

Ошондой эле 11-январь күнү Нарында да бир ак илбирс кармалган. Германиянын жаратылышты коргоо бирикмесинин (НАБУ) ветеринары Бакыт Ажыбековдун айтымында, Нарында кармалган ургаачы ак илбирстин жашы 11-12ге келип, картайгандыктан өзүнө жем кармай албай калган.

«Ал өзүнө тамак таап жей албай калгандан сарайга түшкөн. Ал сарайга бир эмес эки жолу келиптир», — деди ал.

Учурда ал ак илбирс Германиянын жаратылышты коргоо бирикмесинин (НАБУ) Ысык-Көл облусунун Ананьев айылындагы реабилитациялык борборуна жеткирилген. Ага Акмөөр деп ат коюшкан.

Окуя Нарын облусунун Кочкор районунун Жаңы-Жол айылында болгон. 1986-жылы туулган А.У. аттуу жаран 1983-жылы туулган С.Ж. аттуу келинчеги менен акчанын айынан уруша кетип, сабап жатып өлтүргөн. Бул тууралу Нарын облустук милициясынын басма сөз кызматы билдирет.

Бул факты кылмыштардын жана жоруктардын бирдиктүү реестрине жазык кодексинин 130-беренесинин 1-бөлүмү менен каттоого алынып, сотко чейинки өндүрүш иши башталган.

Жубайлардын ортосунда бир уул, бир кызы болгон.