Ноокен жана Таш-Көмүрдө рейд өтүп, 5 күндөн бери дайынсыз болгон өспүрүм табылды
Ноокен РИИБнин жана Таш-Көмүр ШИИБдин кызматкерлери тарабынан, балдарды социалдык коргоо боюнча комиссия менен биргеликте, тейлеген аймагында жайгашкан базарларда, коомдук жайларда, жол жээгинде мыйзамсыз кайырчылык-тилемчилик менен алектенген жаш өспүрүмдөр арасында «Тилемчи» аталышындагы атайын алдын-алуу ыкчам иш-чаралары өткөрүлүп жатат.
2020-ж. 14-августунда Ноокен РИИБнө Жалал-Абад шаарынын тургуну 1986-ж.т.Ю.М. кызы 2004-ж.т. Ю.А. тай атасы жашаган Ноокен районунун Бирлик айылындагы үйүнөн чыгып кетип, дайынсыз жоголгондугун билдирип кайрылган. Рейддин жүрүшүндө, жаш оспурум Ю.А. курбу кыздары менен жүргөн жеринен табылып, апасына өткөрүп берилген.
Иш-чаранын негизинде аныкталган ар бир жаш өспүрүмгө жана алардын ата-энелерине, мыйзамдуу өкүлдөрүнө, өспүрүмдөр арасында кылмыштуулуктун алдын алуу, селсаяктык, тилемчилик менен алектенишкендигин болтурбоо жана балдардын ден соолугуна, психикалык, руханий жана адептик өнүгүүсүнө зыян келтирбөө максатында түшүндүрүү иштери жүргүзүлүүдө.

Жалал-Абад ОИИБдин басма сөз кызматы

Жаңы жылды ким кандай тосту? Баяндаманы Би-Би-Си сүрөт аркылуу айтып берген.

Бишкек

Бишкектин борбордук Ала-Тоо аянтында өткөн майрамдык салатанат асманга атылган фейерверк менен жыйынтыкталды. Бишкектеги абанын кескин булганып кетишине байланыштуу көпчүлүк активисттер фейерверк атуудан баш тартууга чакырган эле. Бишкек мэриясы кантсе дагы тургундарга майрамдык маанай тартуулоону чечкен. Мэрия Жаңы жылдык майрамдан кийин аянттан үч тонна таштанды чыгарылганы билдирди. Ошондой эле майрамдык салтанат учурунда 12 бала ата-энесинен адашып кетип, кайра табылган.

Москва: салют жана концерт

Москвада майрамды кары жок тосушту. Шаардагы көпчүлүк сейил бактарында концерттер болуп, Кызыл аянтта театралдаштырылган чоң салтанат өттү.

Австралия өрткө карабастан…

Австралиядагы токой өртү өтө күчөп кеткенине байланыштуу башында майрамды белгилөөдөн баш тартуу демилгеси болгон эле. Шейшембиде өрт Корбарго шаарына чейин жетип келген. Өрттөн жүз миңдеген жаныбарлар өлдү. Ошондуктан ушундай кырдаалда майрамдоонун кажети жок дегендер болду. Бирок шаардын мэри Кловер Мур майрам кишилерге үмүт берет деп билдирүү жасады.

Ошентип майрам болду. Сиднейдин асманына фейерверктер атылып, майрамдык иш-чаралар өттү.

Гонконг: каршылык акциялардын фонунда

Жарым жылдан бери массалык каршылык акциялары жана кагылышуулар токтобой жаткан өлкөдө бул жолу майрамдык фейерверктен баш тартууну чечишти. Шаардын бийлиги азыркы кырдаалда бул кооптуу болот деп тапты.

Мунун ордуна Коулун булуңунда өзгөчө шоу өткөрүштү. Шаар тургундары жана алты айдан бери бел чечпей акцияларды өткөрүп жаткан демонстранттар майрамдык салатанатка келип, желек жана плакаттарды кармап турушту. Алар демократияны коргоп калуу чакырыгы менен чыгууда.

Айрым райондордо камакка алуулар болду деп кабарлайт Hong Kong Free Press сайты. 2020-жыл кирип келгенден бир нече минутадан кийин полиция көздөн жаш агыза турган газ колдонду.

Дубай: на Бурж-Халифтеги лайт-шоу

Бириккен Араб Эмираттында жаңы жылдык салтанаттар салтуу түрдө дүйнөдөгү эң бийик имаратта өтүп келүүдө.

Өткөн жылы 828 метр имаратта фейерверктердин кызыл оту чачылган эле. Бул жылы деле андан кем калбаган салтанат болду.

Индия

Мумбайда фейерверктер «Индия дарбазасынын» фонунда атылды. Бул укмуштуудай дарбазаны өлкө эгемендик алгандан кийин 13 жыл курушкан. Ушул жер аркылуу акыркы британдык аскер чыгып кеткен эле.

Булак: Би-Би-Си\Кыргыз кызматы

Залкардын көзү өтсө да, ал тарткан фильмдер муундан муунга көрүчүүлөрдүн эсинде түбөлүк сакталып калат. Ал өз өмүрүн кинематографияга арнап, атактуу тасмаларды жарата алды. Алардын катарында»Караш-Караш окуясы», «Ысык-Көлдүн кызгалдактары», «Ак кеме», «Сүйүү жаңырыгы», «Эрте келген турналар» жана башка көркөм тасмалар. 

Улуу кинорежиссердун жаркын элесине арнап, анын сүрөттө калган көз ирмемдерин сунуштайбыз.

Жылдызы жарык кыз Эльдана Бишкектен болот. Ал Малайзияда окуган. Кыргызстандагы эң белгилүү блогерлердин бири. Instagram баракчасына кыска жана кызыктуу видеолорду жайгаштыруу менен, белгилүү болгон. YouTube каналы да бар.

Жибек Алиева, @imjika

Жайдары кыз Жибек — актриса жана бийчи. Америка Кошмо штаттарынын Лос-Анжелес шаарында жашайт. Instagram-аккаунттында спорт менен машыгып жаткан видеолорун жайгаштырат.

Элина Турдубекова, @turdubekova_

Нарындык кыз Элина — блогер жана жеке ишкер. 20 жашында Москва шаарында бир топ долбоорлорду ийгиликтүү ишке ашырган. Алар: сулуулук салондору, кийимдердин бренди жана тилди үйрөнүү курстары.

Айжамал Мухтарова, @jamkin_donuts

Ажарлуу Айжамал Мухтарова — бьюти-блогер жана визажист. Учурда Майамиде жашайт. Сулуулук жана косметика боюнча видеолорду тартып, Instagram- баракчасына жайгаштырат.

Галина Томас, @galinathomas

Фэшн-блогер Галина Бишкекте төрөлгөн, бирок учурда Улуу Британиянын Бирмингем шаарында жашайт. Мода жөнүндө блогду алып барат.

Алина Зарипова, @alinka_zaripova

Суйкайган Бишкектик кыз Алина 2013-жылы АКШнын Нью-Йорк шаарына келген. Fashion институтунун дизайнер адистигинде окуйт. Мода жана күнүмдүк жашоосу жөнүндө блогду алып барат.

Чолпон Улукбекова, @chopkaa

Ажарлуу кыз Чолпон ата-теги Бишкектен болот. Ал Малайзияда окууган. Учурда Түштүк Африкада жашайт. Instagram баракчасына күнүмдүк жашоосундагы кызыктуу окуялар боюнча бөлүшүп турат.

Булак: weproject.media

«Манас» эл аралык аэропортунда Россия Федерациясынын Президенти Владимир Путинди Кыргыз Республикасынын Президенти Сооронбай Жээнбеков тосуп алды.

Расмий жолугушуу аземи «Ала-Арча» Мамлекеттик резиденциясында болот.

Эки мамлекеттин башчыларынын сүйлөшүүсү алгач чакан форматта болуп, эки тараптуу сүйлөшүүлөр андан кийин кеңири курамда эки өлкөнүн делегация мүчөлөрүнүн катышуусунда уланат.

Сүйлөшүүлөрдүн жыйынтыгында биргелешкен документтерге кол коюлат.

Кыргызстандын жана Россиянын Президенттери басма сөз өкүлдөрүнө биргелешкен билдирүү жасашат.

Ошондой эле мамлекет башчылардын сегизинчи Кыргызстан-Россия региондор аралык конференцияга катышуусу жана Ч.Айтматовдун  үй-музейине баруусу күтүлүүдө.

Маалыматка караганда, журналист, фотограф жана Дүйнө корпусунун ыктыярчысы Тоби өзүнүн сүрөтүндө унаанын арткы отургучунда отуруп алып жылмайып кетип бара жаткан бөбөктөрдү тартып алган.

«Аталган сүрөт «Адамзаттын портрети» аталышындагы сүрөт сынагына жиберген эмгектеримдин бири болчу. Бул сүрөттө бактылуу бөбөктөр чагылдырылган», — деп билдирген Тоби.

«Адамзат портрети» — British Journal of Photography басылмасы негиздеген эл аралык сүрөт сынагы.