Бишкекте дары-дармектерди кымбат баада саткан алып сатарлар кармалды. Бул тууралуу Экономикалык кылмыштар менен күрөшүү мамлекеттик кызматынан (Финансы полициясы) билдиришти.
Ведомстводон билдиришкендей, эл арасында суроо-талап көп болуп жаткан “Клексан” жана “Гепарин” дарыларын 2-3 эсе кымбат сатып жаткандар колго түшкөн.
“Аталган жарандарга карата (алып сатарларга) сотко чейинки өндүрүш иши жүргүзүлүүдө, алардын иш-аракетине тиешелүү укуктук баа берилет. Дары-дармектерди кымбат баада сатып алып сатарлык кылган жарандарды учурдагы кырдаалдардан пайдаланып, адамдардын өмүрүнүн аркасы менен пайда табуудан алыс болууну эскертебиз. Кызыл кулактык кылган фактыларга бөгөт коюлат”, — деп билдирет Финпол.