Футбол боюнча Италиянын кубогунун финалында «Ювентус» менен «Наполи» командалары оюн өткөрдү. Беттеш Рим шаарында «Олимпико» стадионунда өттү.
Оюндун негизги убактысында эсеп 0:0 боюнча аяктады. Оюнга кошумча убакыт берилбей, 11 метр аралыктан пенальти сериясы дайындалды. Анда «Наполи» командасы чеберчилигин көрсөтүп, 4:2 эсебинде атаандашын жеңип алды.
«Ювентус» 13 ирет кубоктун жеңүүчүсү болсо, «Наполи» командасы алтынчи ирет жеңишке ээ болду.