Кыргызстандын өкмөтү гуманитардык жардам көрсөтүү өтүнүчү менен Кытайга кайрылды. Бул тууралуу Тышкы иштер министрлигинин маалымат кызматы билдирди.
Кыргыз тарап Кытайдан тест-системаларды, реагенттерди, тиешелүү медициналык жабдууларды, медкызматкерлердин коопсуздугун камсыздаган кийимдерди жана санитардык-дезинфекциялык каражаттарды сурап кайрылгандыгы маалымдалды.
«Ошондой эле коронавирус инфекциясы менен күрөшүүдө тажрыйба алмашуу үчүн кытайлык медициналык эксперттерди Кыргызстанга жөнөтүү жөнүндө өтүнүч билдирилди», — деп айтылат маалыматта.