Россиянын Владимир Путиндин администрация мүчөсү коронавирус жугузуп алганын Кремль билдирди. Бирок ал орус лидери менен түз байланышта болбогонун Путиндин басма сөз катчысы Дмитрий Песков 27-мартта айтты. Бирок, пресс-секретарь илдетке кабылган адамдын аты-жөнүн ачыкка чыгарган жок.
«Коронавирустун жайылышын ооздукташ үчүн бардык тийиштүү санитардык жана эпидемиологиялык чаралар көрүлдү. Ооруп калган адам президент менен байланышта болгон эмес», — деди Песков.
Россияда коронавируска кабылган адамдардын саны миңден ашканын билдирди. Үч адам бул оорудан каза тапты.