Ош шаарында 5-ноябрдан тарта жылуулук бериле баштайт. Бул тууралуу Ош шаарынын мэриясынын басма сөз кызматы билдирди.
«Аба-ырайынын кескин өзгөрүп, суук түшкөндүгүнө байланыштуу Ош шаарында 5-ноябрдан баштап жылуулук бериле баштайт. Тиешелүү буйрукка Ош шаарынын мэри Таалайбек Сарыбашов кол койду», — деп айтылат маалыматта.
Биринчи кезекте, жылуулук оорукана, мектеп, бала бакча жана турак үйлөргө берилет.