8-март – Аялдардын эл аралык күнү белгиленет. Бишкекте бул күнү «Аялдардын шериктештик маршы» өтүп жатат. Анда аялдардын укуктары, гендердик теңдик жөнүндө маалыматтар айтылууда.
Жүрүш саат 12:00дө Жеңиш аянтынан башталган. Бирок белгисиз кишилер келип уюштуруучулардын баракчаларын айрып, чыр чыгарышкан. Андан соң милиция уюштуруучуларды кармай баштаган.
Эске сала кетсек, 2019-жылы үй-бүлөлүк, анын ичинен физикалык, психологиялык, сексуалдык зомбулукка кабылгандардын саны 5 миңден ашкан.