Жогорку соттун Конституциялык палатасынын соттук коллегиясы бүгүн, 24-октябрда мурдагы президент Алмазбек Атамбаевден экс-президент деген макамды алуунун Баш мыйзамга ылайыктыгын кароону улантып жатат.
Атамбаевдин адвокаты Нурбек Токтакунов менен Кыргызстан социал-демократиялык партиясынын (КСДП) төрайымынын милдетин аткаруучу, Жогорку Кеңештин депутаты Асел Кодуранова сөз сүйлөдү. Андан кийин соттук коллегия чечим кабыл алыш үчүн кеңешүү бөлмөсүнө чыгып кетти.
Эске сала кетсек, ишти кароо 23-октябрда башталган. Жыйынтыганда Эркинбек Мамыров мурдагы президент Алмазбек Атамбаевден экс-президент деген макамды алуунун Баш мыйзамга ылайыктуулугун караган соттук коллегиянын курамынан чыгарылган.
Иш күнү аяктаганына байланыштуу ишти кароо бүгүнкүгө калтырылган.