Бүгүн, 2-майда Жогорку Кеңештин жалпы жыйынында парламент депутаттары Кыргызстан калкынын радиациялык коопсуздугун камсыз кылуу чаралары жана Кызыл-Омпол уран кенинин айланасындагы маселелер жөнүндө өкмөттүн маалыматын угат. Бул тууралуу Жогорку Кеңештин басма сөз кызматы билдирди.
Эске салсак, Ысык-Көлдүн Тоң районундагы Кызыл-Омпол кенинде уран чалгындоого каршы нааразылык акциялары бир нече күндөн бери уланып жатат. Белгилей кетчек, 22-апрелде кендин иши убактылуу токтотулган.
25-апрелде эл менен жолугушууда биринчи вице-премьер-министр Кубатбек Боронов аталган кен боюнча «Кыргызстандагы ЮрАзия» компаниясына берилген лицензия кайтарып алынып, кенди иштетүүгө тыюу салынганын айткан.
Сүрөт интернеттен алынды