Талас Облусундагы № 39- жатак абагынын жетекчиси кызматтан алынды. Бул тууралуу ЖАМКнын маалымат кызматы билдирди.
Маалыматка ылайык, кыйноолордун алдын алуу боюнча улуттук борбордун Талас облусунда өкүлчүлүгүнүн кызматкерлери №29 жатак абагына барышкан. Алар аталган жерде жаза мөөнөтүн өтөп жаткан З.Е. аттуу кишинин адам жашагыс шартта кармалып турганын аныктаган.
Буга байланыштуу Жаза аткаруу боюнча мамлекеттик кызмат кызматтык иликтөө жүргүзгөн. Жыйынтыгында №39 мекеменин жетекчиси Таалай Момбеков кызматтан алынган.
№29 абак жоюлуп кеткендиктен, ал жатак абагы №39 мекемеге караштуу болуп калган.
Учурда ЖАМКтын төрагасынын орун басары Аскат Эгембердиев №39 мекеменин ишин текшерип, Талас облусунда жүргөндүгү кабарланды.