Премьер-министр Улукбек Марипов кыргыз-тажик чек арасындагы кырдаал боюнча кечээки билдирүүсү боюнча кеңири маалымат бериши керек.
Бул тууралуу депутат Тазабек Икрамов Жогорку Кеңештин жыйынында билдирди.
Белгилей кетсек, кечээ эл өкүлдөрүнүн алдында өкмөттүн башчылыгына талапкерлигин талкуулап жатып, Улукбек Марипов Төрткүл суу сактагычы толтурулган каналдын бир бөлүгү Тажикстанга өткөндүгүн айтты.
«Бул өтө шашылыш билдирүү. Маселе жабык жыйында талкууланышы керек. Премьер-министр бизге баарын түшүндүрүшү керек», — деп Тазабек Икрамов талап кылды. Төрткүл суу сактагычы Баткен аймагында жападан жалгыз. Ошондой эле жакынкы алты айылдын жана Баткендин жашоочулары үчүн таза суу булагы болуп саналат. Жергиликтүү тургундар аны аймактын бермети деп аташат. Суу сактагычтын аянты 6,6 чарчы чакырым, көлөмү 90 миллион кубометр суу. Суу сактагыч негизинен эриген кардын жана башка булактардын эсебинен толтурулат.
Сугат мезгилинде жыл сайын болжол менен 60 миллион кубометр суу колдонулат, ал эми 30 миллион кубометр суу резервде калат. Критикалык көлөмү 15 миллион кубометр суу.
Төрткүл суу сактагычы уникалдуу курулуш. Анын түбү атайын пленка менен капталган. Жергиликтүү бактар менен жүзүмзарлар ушул суу сактагычтын аркасында өсөт.
Сүрөт интернеттен алынды