Муниципалитетке айып пул салынды. Бул тууралуу Мамэкотехинспекциянын басма сөз кызматы билдирди.
“18-январда Пригородное айылынын айылдык кеңешинин администрациясы Мамэкотехинспекциянын Аламүдүн жана Ысык –Ата райондору боюнча аймактар аралык башкармалыгына арыз менен кайрылган. Айтылган фактыны текшерүү учурунда, испекторлор айылдык кеңештин аймагында Бишкек мэриясынын капиталдык курулуш башкармалыгы тарабынан 17 бактын мыйзамсыз кыйылгандыгын аныкташкан”,-деп билдиришти мекемеден.
Келтирилген зыяндын ордун толтуруу үчүн муниципалитетке 36 миң 67 сом айып пул салынгандыгы белгиленди.
