Мурдагы саламаттыкты сактоо министри Космосбек Чолпонбаев жүрөк тамырларын текшерүүдөн өткөрдү. Ага стент орнотууга операция керек. Бул тууралуу Улуттук кардиология жана терапия борборунун директору Акпай Сарыбаев Kaktus.media редакциясына билдирди.
Экс-министр коронардык ангиографиядан өткөн. Буга чейин ал мындан өтө алган эмес, анткени Чолпонбаевдин кан кетүү коркунучу жогору болгон.
“Ал стенттөөгө муктаж. Бул бекер эмес. Эгерде ал бүгүн же эртең каржы маселесин чечпесе, анда биз аны кайра жөнөтөбүз. Чолпонбаев каржы маселесин шейшемби күнгө чейин чечерин айтты. Бирок, бүгүн жумуш күн эмес, эртең ал чечим кабыл албаса, анда аны кайтарып берүү керек (СИЗОго). Биз оорулууну оор абалдан чыгардык”, – деди Сарыбаев.
Эске салсак, Мамлекеттик экономикалык кылмыштарга каршы күрөшүү кызматынын кызматкерлери тарабынан Чолпонбаев 15-сентябрда кармалган. Экс-министр 15-ноябрга чейин Бишкектеги СИЗОго отургузулган. Ага шалаакылык жана кызмат абалынан кыянаттык менен пайдаланган деген айып тагылган.
Cүрөт www