Бишкек шаарындагы Эски аянт мындан ары Турдакун Усубалиевдин ысымынан аталат. Бишкек шаардык кеңеши 2019-жылдын 23-октябрында кабыл алган «Турдакун Усубалиевдин ысымын Бишкектеги Эски аянтка ыйгаруу жөнүндөгү» токтому бар.
Токтом 2020-жылдын октябрынан тарта күчүнө кирет деп көрсөтүлгөн. Бул чечим күчүнө киргенин Бишкек шаардык кеңеши тастыктады.
Мындан ары Орозбеков менен Раззаков көчөлөрү менен чектешкен аймак (өкмөт үйүнүн имаратынын каршысы) Турдакун Усубалиев атындагы аянт деп аталат.
Сүрөт интернеттен алынды