«Мекенчил» партиясынын Кара-Суу шаарынын борбордук аянтында эл менен 21-сентябрга белгиленген жолугушуусуна мэрия уруксат берген жок. Бул тууралуу партиянын өкүлү Төлөгөн Келдибаев билдирди:
«Биз алдын-ала маалымдама жөнөткөнбүз. Бирок уруксат бербей коюшту. Прокуратурага кайрылдык. Бир канча талаш-тартыштан кийин шаардык паркта жыйын курууга уруксат беришти».
Келдибаевдин айтымында, мэрия борбордук аянтка курулуш техникасын алып келип койгон.
Шаар мэри Адыл Лолобаев партиядан маалымдама 18-сентябрда келгенин бышыктап, аянтта жер астындагы суу куурларын оңдоо иштери пландалгандыктан, жыйынды башка жакта өткөрүү сунушу айтылганын билдирди.