Дональд Трамп президенттик шайлоону жылдыруу маселесин көтөрдү. Бул тууралуу ал “Твиттердеги” баракчасына жазды.
«Электрондук почта аркылуу добуш берүү менен быйылкы президенттик шайлоо – Американын тарыхындагы эң бурмаланган шайлоо болот. Бул АКШ үчүн аябай осол нерсе. Балким шайлоону эл мурдагыдай коопсуз жана тынч добуш бере ала турган убакка чейин жылдыруу керектир?»_ деп жазган АКШнын президенти.
Эскерте кетсек, Американын президентин шайлоо быйыл 3-ноябрга белгиленген. Шайлоо өнөктүгү федералдык мыйзам аркылуу тескелет.
Добуш берүү күнүн Конгресс аныктайт. Учурда Конгресстин төмөнкү палатасын президентке оппозиция – Демократиялык партия жетектейт.
«The New York Times» басылмасы Ак үйдүн шайлоону жылдырууга укугу жок экенин белгилөөдө.