Сутка ичинде республиканын аймагында 12 өрт кырсыгы катталып, өрттү өчүрүүгө 13 бөлүм тартылган. Куткаруу кызматтары тарабынан 3 чыгуу болгон. Бул тууралуу Өзгөчө кырдаалдар министрлигинен билдиришти.
Ош облусунун Араван районунун Калинин көчөсүндөгү мал сарайдын 105 чарчы метр чатыры балдардын от менен болгон шоктугунан күйгөн.
Ал эми Ноокат районунун Жаңы-Ноокат айыл аймагындагы эски дүкөн күйгөн. Аны менен бирге 3 диван, 10 килем өрттөнгөн. Баткен облусунун Лейлек районунун Ж.Мамытов көчөсүндөгү сарай электр зымдарынын кыска туташуусунан күйгөн.
Калган учурларда куураган чөп өрттөнгөн.