Кыргызстандагы эпидемиологиялык кырдаалдан улам Улуттук банк айрым чектөөлөрдү киргизди.
Ведомствонун сайтында кабарлангандай, алтын куймаларын сатуу жана эски акчаларды алмаштыруу токтотулду.
«COVID-19дун таралуусун азайтуу максатында Улуттук банк эскирип калган акчаларды алмаштырууну жана алтын куймалары менен нумизматикалык баалуулуктарды сатууну убактылуу токтотот. Бул иштер өлкөдө эпидемиологиялык абал жакшыргандан кийин кайра улантылат», — деп айтылат маалыматта.
Белгилей кетсек, азыркы тапта өлкөдө коронавирус жуктурган учурлардын саны 8486га жетти. Алардын ичинен 1287си медицина кызматкери. Илдеттен 2983 жаран айыкса, коронавирус жуктурган 112 адам каза болду.