Бүгүн, 5-июлда Кыргызстанда медицина кызматкерлеринин кесиптик майрамы белгеленүүдө. Өлкө боюнча бардык кыргызстандыктар ак халатчандарга таазим кылып, куттуктоолорун айтышууда.
Алардын арасында шоу-бизнес өкүлдөрү тагыраагы, ырчылар Айдана Дека, Аваз Акимов, Анжелика кыздары менен, Канат Деркембаев, Нурмат Садыров, Данияр Эрматов, Толгонай Арзыкеева, Милана Сариева, Тамга жана Актан Рыскелдиев, Эрмек Таалайбековдор баш болгон актёр, шоумен, тамашоучулар бар.
«Бардык дарыгерлерге жана укук коргоо органдарына терең ыраазычылык билдиребиз. Сиздин ишиңиз жана бизди коргогонуңуз үчүн, биз үчүн уктабаган ар бир түн үчүн, элдин саламаттыгы үчүн күрөшкөнүңүз үчүн, адамдардын ден соолугуна кам көргөнүңүз үчүн, “элим, жерим, мекеним” деп кызмат кылганыңыз үчүн, берген убадаңызды, антыңызды аткарганыңыз үчүн, патриоттуулук үчүн, жардам бергениңиз үчүн, чыдамдуулук жана мыйзамга баш ийгендигиңиз үчүн, элибиздин тынчтыгы жана аманчылы үчүн талыкпай эмгектенип жатканыңыздар үчүн терең таазим!
Кыргызстан күчтүү эл, андыктан баарыбыз бириксек бардык кыйынчылыктарды жана жаман илдеттерди жеңебиз»- дешет шоу жыллдыздары.