Өзбекстан Кыргызстанга жаңы элчи дайындады.Бул тууралуу «Озодлик» сайты жазды.
Маалыматка ылайык, Хуршид Мирзахидов Өзбекстандын Кыргызстандагы ыйгарым укуктуу элчиси болуп дайындалды жана жаңы элчи Бишкекке 30-майда келди.
Хуршид Мирзахидов 49 жашта. Ал дипломатиялык кызматка чейин өлкөнүн Улуттук телерадиокомпаниясынын башчысы, Маалыматтык технологиялар жана байланыш министри болуп иштеген.
Эскерте кетсек, мурдагы элчи Камил Рашидовдун дипломатиялык миссиясы 2019-жылы августта аяктаган. Ал Кыргызстанда 2012-жылдан баштап иштеген.