Россияда Камчатка аймагында курулуш тармагында иштеп жаткан кыргыз мигрантынын каза болгонуна жана экинчиси жараат алганына байланыштуу кылмыш иши козголду. Бул тууралуу чет элдик басылмалар жазды.
Маалыматта айтылгандай, кырсык 25-майда Петропавловск-Камчатский шаарында болгон. Көп кабат үйдүн чатырын оңдоого эки кыргыз жараны тартылган. Иш учурунда алар чатырдан кулап кетишкен.
Укук тартибин коргоо органдары алар менен эмгек келишими түзүлбөгөнүн, коопсуздук чаралары сакталбагандыктан кырсык болгонун билдирди.