Кечээ, 22-майда, Бишкек шаарынын Биринчи май райондук сотунда Factcheck. kg порталынын башкы редактору Болот Темировго кол салуу боюнча биринчи сот отуруму өттү.
Анда шектүүлөрдүн кепилдик менен үй камагына чыгаруу өтүнүчү канаттандырылган жок. Кийинки соттук отурум 18-июнга жылдырылды.
Эске сала кетсек, быйыл 9-январда Factcheck. kg порталынын башкы редактору Болот Темировду сабап кетишкен. Темиров бул кол салууну кесиби менен байланыштуу деп эсептейт.
Журналистке кол салуу фактысы боюнча төрт жаран кармалгандыгын Ички иштер министрлиги билдирген.
Factheck.kg басылмасы бир катар резонанстуу журналисттик иликтөөлөрү менен белгилүү.