Бүгүн, 4-апрелде Бишкектеги Республикалык клиникалык инфекциялык ооруканасынан жана Аксы аймактык ооруканасынан 3 бейтап коронавирустан айыгып, ооруканадан чыгарылды. Бул тууралуу Республикалык штабдан билдирди.
Алар 24-25 жаштагы эки эркек жана 45 жаштагы аял.
Бейтаптардын абалы канааттандырарлык деп бааланууда, кайрадан алынган ПЧР анализи коронавирустун жок экенин көрсөткөн.
Учурда Кыргызстанда коронавирус жуктургандардын саны 144кө жетти. Алардын ичинен 9 адам айыгып, бирөө каза болду.