Бишкек шаары 30-марттан тартып күчөтүлгөн көзөмөлгө өтуп жатат. Бул тууралуу борбор калаанын коменданты Алмазбек Орозалиев билдирди.
Орозалиевдин айтымында, борбор калаанын көчөлөрүнө кошумча 400дөй патрулдук кызматкер чыгат.
“Кайгуул кызматкерлери санитардык-карантиндик эрежелерди бузгандарга карата чара көрүшөт”, – деди ал.
Орозалиев, жарандарды үйдө болууга, сыртка үч себеп менен гана – дүкөндөн азык-түлүк, дарыканадан дары-дармек сатып алуу жана ооруканага баруу үчүн гана чыгууга чакырды.
Эске салсак, 29-мартка карата Кыргызстанда коронавирус жуктурган 26 адам аныкталган. Учурда өлкөдө коронавирус жуктургандардын саны 84кө жетет.