Коронавирус инфекциясына чалдыккандардын арасынан алты адам реанимацияга жаткырылды. Бул тууралуу 26-мартта республикалык штабдын басма сөз жыйынында Саламаттык сактоо министрлигинин өкүлү Айнура Акматова билдирди.
“10 адамдын абалы орточо оор, алты адамдын абалы оор болуп реанимацияда жатат”, — деди Акматова.
2020-жылдын 26-мартында саат 09:00гө карата Кыргызстанда коронавирус инфекциясын жуктуруунун жаӊы учуру катталган жок.
Бүгүнкү күндө өлкө боюнча COVID-19ду жуктурган 44 учур аныкталган, алардын ичинен Ош облусунда – 20 учур, Жалал-Абад облусунда – 19 учур, Бишкек шаарынан – үч учур, Чүй облусунда – бир учур катталган.