Иранда калып кеткен кыргызстандык айдоочулардын мекенине кайтарып келүү чаралары көрүлүүдө. Бул тууралуу Тышкы иштер министрлиги билдирди.
Маалыматка караганда, Түркмөнстан, Азербайжан жана Орусиянын дипломатиялык миссияларынын башчыларына нота тапшырылды.
2-4-мартта жолугушуу болуп, Ирандагы кыргызстандык айдоочулардын Кыргызстанга Түркмөнстан менен Азербайжандын аймагы аркылуу транзит менен өтүү маселеси каралган.
Ирандын аймагындагы жүк ташыган кыргызстандык айдоочулар коронавируска байланыштуу Иранда калууга аргасыз болуп жатышат.
6-мартка карата иран-азербайжан жана иран-түркмөн чек арасында 70 ге жакын кыргызстандык айдоочу бар. Алар 18-февралдан бери Иран менен Түркмөнстандын чек арасында карантинде турушат.
Жүк ташуучу автоунаалардын көпчүлүгүнө жер-жемиш жана тиричилик техникалары жүктөлгөн. Алар Түркмөнстан, Өзбекстан аркылуу Кыргызстанга келмек.