Гонконгдо коронавируска каршы вакцина ойлоп табышты

Аалам, Окуялар тизмеги 29 Янв 2020 12:31
0 ой-пикир

Гонконгдо окумуштуулар коронавируска каршы вакцина ойлоп табышты. Бул тууралуу South China Morning Post басылмасы жазат.

Бирок аны клиникалык сыноолордон кийин гана колдоно баштоого болот.

Окумуштуулардын айтымында, вакцинаны жаныбарларга сыноо бир нече айды алышы мүмкүн. Ал эми аны адамдарга сыноону кийинки жылдан тарта баштап, андан кийин гана аны менен эмдөөгө өтсө болот.

Коронавируска каршы вакцинаны ойлоп табуу үчүн Кытай, АКШ жана Россияда аракеттер көрүлүүдө.

Эскерте кетсек, коронавирустун жаңы түрү Кытайдын Ухань шаарында 2019-жылдын аягында чыккан. Кытайдан тышкары илдетти жуктуруп алгандар Гонконг, Макао, Тайван, Таиланд, Япония, Түштүк Корея, АКШ, Канада, Вьетнам, Сингапур, Непал, Франция, Австралия жана Малайзияда болгон.

Ой-пикир калтыруу

Ваш e-mail не будет опубликован.

Конул бурунуз: Сиздин пикириниз сайттын администраторунун модерациясынан кийин жайгаштырылат.