Үй-бүлөдөгү зомбулук боюнча аялдарга 393 коргоо ордери берилген. Бул тууралуу ИИМ коомдук коопсуздук кызматы бөлүмүнүн башчысы Улан Рысбеков билдирди.
Рысбеков белгилегендей, коргоо ордери зомбулук көрсөткөн адамга берилет. Былтыр үй-бүлөдөгү зомбулук боюнча 6 миң 145 коргоо ордери берилсе, анын 5 миң 752си аялдарына зомбулук көрсөткөн эркектерге берилген. Ал эми аялдарга 393 коргоо ордери берилген.
«Аялдар тарабынан зомбулук көрсөтүү да болууда. Күйөөсүнө кол көтөргөндөр, кайын ата же кайын энесин эшикке чыгарып койгондор болгон», — деди ал.
