Бишкекте абанын булгануу деңгээли жогору бойдон калууда. Бул тууралуу Кыргызгидрометтин атмосфераны байкоо бөлүмүнүн башчысы Мээрим Асанбай кызы билдирди.
Борбордун ыкчам маалыматтарына ылайык, бүгүн эртең мененки саат 8:00гө карата оксид углероддун концентрациясы м3га 23,97 мгды түзгөн. Ал эми норма бир м3га 5 мгны түзөт. “Ал эми башка булгануулар боюнча концентрациянын деңгээли норманын тегерегинде”, — деп айтылат маалыматта.
AirVisual тиркемесинде кабарлангандай, Бишкек шаарынын абасы азыркы учурда өтө сезимтал адамдар үчүн абдан оор. Булгануу 141AQI түзөт. Бул көрсөткүч өтө сезимтал адамдардын ден соолугунда көйгөйлөрдү жаратышы мүмкүн.