Тышкы иштер министрлиги Алматы шаарында кырсыкка учураган учактын ичинде кыргызстандыктардын бар-жогун тактап жатат.
Маалыматка ылайык, Кыргызстандын Алматы шаарындагы башкы консулдугу коңшу өлкөнүн тиешелүү органдары менен байланышууда.
Тышкы саясий ведомстводон билдиришкендей, азырынчы эч кандай кабар жок.
Эскерте кетсек, бүгүн, 27-декабрь күнү болжол менен саат 07:22де «Бэк Эйр» авиакомпаниясынын Алматы — Нур-Султан багыты боюнча учууга даярданган учагы абага көтөрүлгөндө бийиктигин жоготуп, аэропорттун бетон тосмосун сүзүп калган. Учурда каза болгондордун саны 9 адамга жеткендиги айтылды. Алдын ала маалыматтар боюнча, учактын ичинде 95 жүргүнчү жана экипаждын беш мүчөсү болгон.