Укук коргоочу Турсунбек Акун экс-президент Алмазбек Атамбаевди сотко берет. Бул тууралуу ал жарналисттерге өзү билдирди.
Анын айтымында, азыркы учурда юристтер Атамбаевди сотко берүу үчун документтерди даярдашууда.
«Атамбаев мени Батукаевди бошотуу үчун акча алган деп күнөөлөдү. Бул карандай калп, жалган жалаа. Мындай олуттуу күнөөлөрду далилил жок койбош керек”,- деди ал.
Экс-президент Турсунбек Акун 8-июндагы митингде Азиз Батукаевди бошотууда акча алганын айткан. Ал акчалар жасалма болуп чыкканы коомчулукта айтылып жүрөт.
Эскерте кетсек, 6 жыл мурун кримтөбөл Азиз Батукаевге «рак оорусу менен ооруйт» деген диагноз коюлуп, соттун чечими менен абактан эрте бошотулган. Ал ошол эле күнү Кыргызстандан чыгып кеткен. Ошол кезде коюлган диагноз бүгүнкү күнгө дал келбей, кримтөбөл учурда тирүү.
Сүрөт интернеттен алынды