Евробиримдик элүүдөн ашык өлкөгө аймагына кирүүгө уруксат берди. Бул тууралуу маалыматты Euronews агенттиги жарыялады.
Маалыматка караганда, уруксат берилген өлкөлөрдүн тизмеси 25-июнда Брюсселде уюмдун өкүлдөрүнүн жыйынында талкууланган.
Кыргызстан, жакынкы кошуна республикалардан айырмаланып, 1-июлдан тартып Европа Биримдигинин аймагына кирүүгө уруксат берилүүчү өлкөлөрдүн баштапкы тизмесине кирген жок.
Уруксат берилгени жаткан өлкөлөрдүн тизмесинде 50дөн ашуун мамлекет бар. Кыргызстандын аймактагы кошуналары – Казакстан, Тажикстан, Түркмөнстан жана Өзбекстан бул тизмеге кирди.
Тизме ар бир өлкөдөгү коронавирус боюнча эпидемиологиялык абалды эске алуу менен түзүлгөн.
Дүйнөдөгү коронавирус пандемиясына байланыштуу Европа Биримдигине кирген өлкөлөр чек арасын жаап, бардык каттамдарды токтоткон. Бул чектөөлөр азыр акырындап алынууда.