Бүгүн, 27-февралда Сооронбай Жээнбековдун Россияга болгон иш сапары Москва шаарынын Кремль дубалынын жанындагы Белгисиз жоокердин эстелигине гүл коюу менен башталды. Бул тууралуу президенттин аппаратынын маалыматтык саясат бөлүмү билдирет.
Мамлекет башчысы Улуу Ата Мекендик согушта курман болгондорду бир мүнөт унчукпай туруп эскерди.
Иш-чарага Кыргыз Республикасынын расмий делегациясынын мүчөлөрү катышты.
