Интернет айдыңына Кыргызстанда жана коңшу өлкөлөрдө белгилүү ырчы Мирбек Атабековдун “Манас” Эл аралык аэропортунун авиациялык коопсуздук жана режим дирекциясынын башчысы Данияр Абдыкаров менен ырдаган видеосу тараган.
Аталган мекеменин маалымат катчысы Алия Курбанова интернетте тараган видео боюнча маалымат берди.
“Авиация күнүнө арналган кечеге Эл аралык Манас аэропорту ААКтын бюджетинен бир тыйын акча сарпталган эмес. Майрамга карата уюштурулган кече кызматкерлердин өз чөнтөгүнөн каржыланган. “Эйр Манас” компаниясынын учактары өз убагында учпай калгандыгына аэропорттун эч кандай тиешеси жок” ,-деп билдирди Алия Курбанова.