Постройте нам пожалуйста большой концертный зал.
Расцвет страны, начинается с культуры.
Культурная страна — развитая страна!
Сделаем же вклад в культурное развитие Кыргызстана!
Белгилүү композитор, Кыргыз Республикасынын эмгек сиңирген артисти Жамиля Муратова март аягынын этегинде президентке маданиятка көбүрөөк көңүл буруу керектиги жана концерттик зал салып берүү өтүнүчү менен өзүнүн Фейсбук баракчасынан кайрылган болчу. Бул боюнча Еlgezit.kg Жамиля Муратовага маек куруп берүү максатында кайрылдык.
-Жамиля айым, адегенде чыгармачылыгыңыз тууралуу учкай айтып берсеңиз?
— Чыгармачылык өз нугу менен өтүп жатат. «Ар бир кесип ардактуу» дегендей, ар бир кесиптин өзүнүн түйшүгү болот. Аракеттин артында сөзсүз береке болот, ошондуктан аракет кыла бериш керек.
-Келечектен эмнени күтөсүз?
— Келечекти ким билсин. Бүгүнкү күндүн суусун ичип, ыраазы бололу деп ойлойм.
-Президентке кайрылганыңызда жооп болдубу?
-Президент жооп бере элек. Эгерде Президент окуган болсо, эсине түйүп койоор деген каалоо.
-Учурда ырчылардын саны көбөйүп кетти. Бул тууралуу сиздин оюңуз кандай?
— Саны бар сапаты жок ырчылар чынында эле көбөйүүдө. Бирок, жашоонун шары ушундай көрүнгөнсүйт.
-Учурда эмне иш менен алексиз?
-Азыр да музыка жазып, окуучуларыма да ырларды жазып, чыгармачылык уланууда.
-Чыгармачылыгыңызга албан ийгиликтерди каалайбыз. Ишиңиз илгери болсун!
-Рахмат. Ишиңерге ийгилик.
Маектешкен Жазгүл Урмамбетова — атайын Еlgezit.kg үчүн
Редакция макала үчүн жоопкерчилик албайт, автордун пикири редакциянын көз карашын билдирбейт.
Сүрөттөр Жамиля Муратованын жеке баракчасынан жана интернеттен алынды.