Экс-президент Алмазбек Атамбаевди кайтарган мамлекеттик күзөт кызматкерлеринин штаты кыскартылды. Бул тууралуу Атамбаев төрагалык кылган Кыргызстан социал-демократиялык партиясынын (КСДП) өкүлү Кундуз Жолдубаева билдирди.
Жолдубаева жансакчылар «бир топ эле кыскартылганын» айтып, андан башка маалымат берген жок.
Экс-президенттердин коопсуздугун камсыз кылуу, аларды кайтаруу милдети жүктөлгөн Улуттук коопсуздук боюнча мамлекеттик комитет (УКМК) буга азырынча комментарий бере элек.