— Абдил Сегизбаев өзү «Белизден атайын документтер келди» деп айтып келген. Бирок бул туура эмес, жалган болуп чыкты. Ошондуктан УКМКнын мурдагы төрагасынын аракеттерине укуктук баа берилиши керек эсептейм, — деди Турдукулов.

Жарандык активист бул боюнча кайрылууну Башкы прокуратурага тапшырганын жана кандай мыйзамдык аракеттер көрүлөрүн күтөрүн кошумчалады.

Бул боюнча Абдил Сегизбаев жана Башкы прокуратура эч кандай комментарий бере элек.

2016-жылы УКМКнын ошол кездеги жетекчиси Абдил Сегизбаев айрым депутаттар 2012-жылы «Альфа Телекомдун» мамлекетке өткөрүлбөгөн 50% акциясын сатууга аракет кылгандыгы Белиз өлкөсүнөн келген документтерде көрсөтүлгөнүн айтып чыккан.

Ал сөз болуп жаткан документтерде саясатчылар Өмүрбек Текебаевдин, Аида Салянованын жана Алмамбет Шыкмаматовдун аты-жөнү жазылганын кабарлаган.

Кийин документтин түп нускасы УКМКда жок экени белгилүү болгон.

Сүрөт интернеттен алынды

Улуттук коопсуздук боюнча мамлекеттик комитетте (УКМК) кылмыш ишинен «жашыруун» деген грифти алып салуу боюнча комиссия түзүлүп иштеп жатканын мекеменин басма сөз кызматы 4-декабрда кабарлаган. Анын жыйынтыгы чыгарылгандан кийин материалдар Башкы прокуратурага жиберилиши керек болчу.

УКМКдан маалымат алуу мүмкүн болгон жок.

Башкы прокуратура саясатчылардын аты аралашкан кылмыш иши жашыруун иликтенчү материалдардын катарына киргендиктен комментарий берүүгө маалымат жетишсиз болуп жатканын билдирген. Ошондуктан андагы “жашыруун” грифин алып салуу сунушталганы айтылган.

Мыйзам боюнча, аталган грифти алып салыш үчүн УКМК комиссия түзүп, чечим кабыл алышы зарыл.

27-ноябрда Жогорку Кеңештин тармактык комитетинде өткөн жабык жыйында депутаттар маселе көтөрүп, эки жума ичинде “Белизгейт” ишинин материалдарынан «жашыруун» деген грифти алып, ачык иликтенчү иштердин катарына кошууну суранышкан. Депутат Исхак Масалиев «Сегизбаев парламентке келип туура эмес маалымат бергени үчүн тез арада жоопко тартылышы керек» деген оюн билдирген.

2016-жылы УКМКнын ошол кездеги жетекчиси Абдил Сегизбаев айрым депутаттар 2012-жылы “Альфа Телекомдун” мамлекетке өткөрүлбөгөн 50% акциясын сатууга аракет кылгандыгы Белиз өлкөсүнөн келген документтерде көрсөтүлгөнүн айтып чыккан. Ал сөз болуп жаткан документтерге Өмүрбек Текебаев, Аида Салянова, Алмамбет Шыкмаматовдун аты-жөнү жазылганын кабарлаган. Кийин документтин түп нускасы УКМКда жок экени белгилүү болгон.

Башкы прокуратура токтоп калган териштирүүнү улантып, укуктук баа берүүнү көздөп жатканын маалымдаган.

Гриф* — жашыруун маалыматтардын системалык классификациясы.

«Белизгейт» боюнча маселени күн тартибине киргизип, башкы прокурорду, УКМКнын төрагасын чакырып маалымат алалы. «Белизгейт» чырына чекит коёлу. Мындай окуя болбош керек», — деди Шыкмаматов.

Шыкмаматовдун сунушун кесиптеши Каныбек Иманалиев менен Жанар Акаев да колдоду.

«Убагында Сегизбаев баш болгон УКМК, айрым күч органдары калпты мамлекеттик деңгээлде айтышкан. Биз азыр анын жазасын берип койбосок бул кийин норма болуп калат. Мен, эсиңерде болсо, “кара ниеттиктин, кара пиардын өмүрү кыска болот” деп айткам. Мына, бир жылга жеткен жок! Кыска болду. Азыр эми алар мактанып, оңду-солду интервью берип жатышат. Алар мамлекеттин жетекчисин, парламентти, 6 миллион элди алдаганы үчүн көчөдө баса албай, үйүнөн чыга албай калышы керек. Эмне үчүн УКМК, прокуратура мамлекеттик деңгээлдеги ири калпычыларга кылмыш ишин козгобой, карап турасыңар?! Козгогула, кийинкилерге сабак болсун!», — деди Жанар Акаев.

Депутаттардын сунушу колдоо таап, маселе бүгүн каралмай болду. Түштөн кийин саат 14:00дө УКМКнын төрагасы жана башкы прокурор парламентке чакырылды.

Эки жыл мурун УКМКнын ошол кездеги төрагасы Абдил Сегизбаев парламентке келип, “Ата Мекен” фракциясынын депутаттары Өмүрбек Текебаев, Алмамбет Шыкмаматов жана Аида Салянова «Мегаком» деген аталыш менен белгилүү “Альфа Телекомдун” 50% акциясын сатууну көздөгөнүн, бул Борбордук Америкадагы Белиз өлкөсүнөн алынган документтер менен ырасталганын жарыялаган.

Быйыл апрель айында кызматтан кеткен Сегизбаев “Азаттык” менен болгон эксклюзивдүү маегинде «ыкчам булактар» аркылуу алынды делген документтин чын-бышыгы тастыкталбай калганын мойнуна алды.