Коопсуздук кеңешинин катчылыгы бул багытта тартылган күч органдарынын, жергиликтүү бийлик органдарынын ишин координациялап жатат.

Чек арадагы кырдаал көзөмөлдө, тартылган мамлекеттик органдар абалды күнү-түнү байкап турушат.

Чек арадагы кырдаал боюнча жарандардан келип жаткан көптөгөн кайрылууларга байланыштуу, Коопсуздук кеңешинин катчылыгы учурда тынчсызданууга негиз жок экендигин баса белгилейт.

Түзүлгөн кырдаалды бир гана тынчтык жана сүйлөшүү жолу менен чечүү боюнча иш-аракеттер улантылууда. 

5-июнь күнү Бишкектин көчөлөрүндө маршруттук таксилер жүрө баштады. Бирок алар жол кирени 15 сомдон алышууда. Буга шаардык бийлик чара көрө албай жатат.

Эске салсак, 2-июнда борбор калаанын машруткалары жол киренин баасын жогорулатуу максатында иш ташташкан.

Сүрөт интернеттен алынды

Жогорку Кеңештин депутаты Иса Өмүркулов узак мөөнөткө, чет өлкөгө даарыланганы чыгып кетүүгө даярданууда. Айрым маалымат булактар, ал буга чейин эле өлкөдөн качып чыгып кетти дешет.

Өмүркулов парламенттеги КСДП фракциясынын лидеринин ыйгарым укуктарын Өмүрбек Бакировго тапшырып берген. Маалыматты Жогорку Кеңештин вице-спикери Аида Касымалиева «Акипресс» маалыматтык агенттигине тастыктаган.

Ошондой эле парламенттеги көпчүлүк коалициясынын лидеринин ыйгарым укуктарын «Республика—Ата-Журт» фракциясынын депутаты Жыргалбек Турускуловго тапшырган.

Маалыматка ылайык, маршрут айдоочулары иш таштагандыгына байланыштуу, борбор калаада шаардыктарды бекер ташыган автобустар ишин улантууда. Борбордун муниципалдык коомдук транспорту дагы күчөтүлгөн режимде иштеп жатат.

Жыйырма автобусту Айгуль Жапарова атындагы фонд бергени айтылды. «Умут булагы» атындагы коом автобустарды борбор калаага берген. «20 автобус берилип, учурда анын 10у иштеп жатат, дагы ону эми сапка чыга баштайт», деп билдиришти мэриядан.

«Ички иштер министрлиги жана Коргоо министрлиги тарабынан берилген автобустар №100- маршрут каттамы менен иштейт. «Алга» футболдук клубунан 18 орундуу автобус жана «Оптима» банкы берген унаалар №214- маршрут боюнча жүргүнчүлөрдү ташууда. №240 каттам боюнча Батыш автобекетинен 2, «Мадина» базарынан 2 автобус убактылуу каттап жатышат. Биздин шаар тургунубуз берген автобус №211- маршрутту менен катоодо. Ахунбаев, Байтик Баатыр көчөлөрү, Чүй жана Манас проспектилери боюнча, борбор калаанын активисттери тарабынан берилген 4 автобус шаар тургундарына жеткирүүдө»,-деп берилет маалыматта.

Эске салсак, 2-июндан тарта борбор калаада маршруттук таксилердин айдоочулары жол кире акысын көтөрүп берүү талабы менен иш ташташкан.

Сүрөт интернеттен алынды

Маалыматка ылайык, 2-июнда маршруттук таксилер линияга чыккан жок. Иш таштоо төртүнчү күнгө созулууда. Айдоочулар жол кирени көтөрүүнү талап кылышкан.

«Иш таштоонун аяктагандыгы жөнүндө айтуу эрте, бирок иш башка нукка бурулду. Акырындык менен айдоочулар сапка чыга баштады. Бирок сапка чыккан айдоочулардын так санын айта албайбыз»-деп берилет маалыматта.

Эскерте кетсек, буга чейин январь айында маршруттук таксилер  иш ташташкан. Андан кийин жол кирени алгач 15 сомго, андан кийин 19-20 сомго чейин көтөрүүнү талап кылышкан. Муниципалдык автобустар менен троллейбустардын тарифин 10 сомго чейин көтөрүүнү сунушташкан.

Сүрөт интернеттен алынды

Орхан Инандыны ыкчам издөө иш-чаралары Кыргызстандын бардык аймагында күчөтүлгөн тартипте жүргүзүлүп, масштабдуу иштер уланууда.
Жогорудагы факт боюнча ИИМнен, Бишкек ШИИББнен, Октябрь РИИБнен тажырыйбалуу ыкчам кызматкерлери менен тергөөчүлөрүнөн түзүлгөн ыкчам-иликтөө тобу издөө ишине байланыштуу ыкчам түрдө мүмкүн болгон күбөлөрдү аныктап, сурак иштерин жүргүзүүдө.
Ички иштер министри, милициянын генерал-майору Улана Ниязбековдун тапшырмасы боюнча жоголгон жаранды издөө иштери жалпы республика боюнча жүрүп жатат. Активдүү издөө иштери тоо этектериндеги аймактарда, дарыялардын нугунда жана каналдарда, талааларда жана айыл чарба жерлеринде, таштанды төгүлүүчү жайларда жүргүзүлүүдө. Курулуш аянтчалары, гараж кооперативдери, унаа токтотуучу жайлар, кароосуз калган имараттар, заводдор жана фабрикалар, токой тилкелери жана парк зоналары текшерүүгө алынууда.

ИИМдин Басма сөз кызматы

Маалыматка ылайык,  Бишкек шаарынын 36 жаштагы тургуну К.Э. арыз менен кайрылган. Ал өз арызында 2021-жылдын 2-июнунда саат 15:40 чамасында өзү менен бирге турист катары Ош шаарынан Нарын облусуна бара жаткан  Германия мамлекеттинин жараны Гётц С.Г. Токтогул шаарындагы май куючу жайга токтогон учурда, өзүнүн жанындагы кол баштыгын ичиндеги акчалары менен унутуп кетип калгандыгын, ал баштыгын табууга жардам берүүнү суранган.

Бул факты боюнча топтолгон материалдар ар тараптуу жана объективдүү иликтөө максатында Токтогул РИИБдин КЖБРне КРнын Жазык Кодексинин 200-беренеси (Уурдоо) менен катталып, сотко чейинки өндүрүш иши башталган.

Иликтөө иштеринин натыйжасында, Германия мамлекетинин жараны унутуп калтырып кеткен кол баштыгын алган жаран аныкталган. Ал Баткен облусунун тургуну 2004-ж.т. И.С. экендиги такталып, ал Ош шаарында жүргөндүгү аныкталып, милиция кызматкерлери аны ошол жерден табышкан. Алдын ала алынган маалымат боюнча аталган жаран жолдо кетип баратып токтоп, ээсиз калган буюмду таап алган. Баштыктын ичиндеги акчаларды короткон эмес. Алынган баштык, акчалар толугу менен Германия мамлекетинин жаранына өткөрүлүп берилди.

Эскерте кетсек, Германия мамлекеттинин жаранынын кол баштыгында 800 АКШ доллары, 800 евро акчасы, 2000 сом жана банк карточкасы болгон. Анын банк карточкасында болжол менен 40миң евро акчасы бар экендиги белгиленген.

Сүрөт интернеттен алынды

Маалыматка ылайык, 102 кызматына кечээ, 4-июнда саат 13:40та Бишкектеги Улуттук хирургия борборунун жанынан 22 жаштагы кызды Toyota үлгүсүндөгү автоунаага салып кетишкендиги тууралуу кабар түшкөн.

Аталган факт Кылмыштардын жана жоруктардын бирдиктүү реестрине каттоого алынып, ыкчам издөө иштери башталган.

Ыкчам иликтөөнүн алкагында Бишкек — Нарын — Торугарт айланма унаа жолунун 33-37-чакырымынан Toyota Kuraun автоунаасын кармашкан. Анын ичинде уурдалды делген кыз жана беш эркек киши болгон. Алардын бири 24 жаштагы болжолдуу үйлөнөм деген жигит. Алар окуянын чоо-жайын иликтөө үчүн алгач Чүй облустук милициясына алып келинип, андан соң Бишкектин Ленин райондук тергөө кызматына өткөрүп берилди.

Белгилей кетчү жагдай, кармалгандардын бардыгы Ысык-Көл облусунун тургундары. Милиция алдын ала маалыматтарга таянып билдиргенине караганда, кыз менен жигит буга чейин сүйлөшүп жүргөн.

Сүрөт интернеттен алынды

Алдын ала маалыматтар боюнча, мамлекет башчысы жана ал отурган унаа жабыркаган эмес. Кортеж унааларынын бири жеңил унаа менен сүзүшкөн. Экинчи унаада жабыркагандар бар экендиги айтылууда. 

«Президент жабыркаган унааны таштап, жолун улаган. Учурда унаа жолу толугу менен милиция кызматкерлери тарабынан тосулуп турат. Окуя болгон жерде ыкчам тергөө тобу иштеп жатат», — деп жазды редакция.

Жол кырсыктын кесепетинен 3 адам жабыркаса, УКМКнын 9-кызматынын кызматкери каза болду.

Сүрөт интернеттен алынды

Маалыматка ылайык, саат 19:30га карата Ош облусунун Чоң-Алай районуна караштуу Кара-Мык, Жекенди, Кара-Тейит, Шибе жана Чулук айылынын тургундары эвакуация болууда. Чоң-Алай райондук мамлекеттик администрациясы ӨКМ менен биргеликте жергиликтүү тургундарды коопсуз аймака көчүрүп жатышат.

Өзгөчө кырдаалдар министрлигинин басма сөз кызматынан билдиришкендей, ӨКМ башчысы Бообек Ажикеев эвакуацияны уюштуруу иштерин жеке көзөмөлүнө алып жүргүзүүдө.

Аталган беш айылдын тургундары Дароот-Коргон айылындагы А. Сайит атындагы орто мектептин, А.Мурзакулов атындагы орто мектептин, №44 кесиптик лицейдин, борбордук мечиттин имаратына жайгаштырылууда.

Эвакуация иштерине КР ӨКМдин райондук бөлүмү, Чоң-Алай районунун жетекчилик курамы, көчүрүү комиссиясы жана жарандык коргонуу комиссиясы толук тартылды.

Cүрөт интернеттен алынды

Аталган билдирүү Нарын ШИИБнүн каттоосуна алынып, ыкчам- иликтөө иштеринин жүрүшүндө шектүүлөрдүн өздүгү аныкталып, алар Нарын шаарынын тургундары 2005-жылы туулган А.Р жана 2002-жылы туулган Т.Н. экендиги такталып бөлүмгө алынып келинген.

Шектүүлөр ошол эле күнү башка да дүкөндөргө ууруга киргендиги аныкталып, жалпы 5 уурулук фактыларын жасагандыгы боюнча Нарын ШИИБү тарабынан Кыргыз Республикасынын Жазык кодексинин 200-беренеси (уурулук ) менен сотко чейинки өндүрүш башталган.

Азыркы учурда башка да кылмыштарга катыштыгы боюнча тергөө амалдары жүргүзүлүп жатат.

Нарын ОИИБнин басма сөз кызматы

Бул маалыматты ИИМ Басма сөз кызматы билдирди.

ИИМдин КМКнын Аймактар аралык башкармалыгынын кызматкерлери Ош облусунун аймагында белгисиз жарандар евро жасалма акча каражатын мыйзамсыз сактап, аларды сатууну көздөп жүргөндүгү тууралуу маалымат алышкан.
Бул факты боюнча чогултулган маалымат Кыргыз Республикасынын Жазык Кодексинин 225-беренесинин 2-бөлүгү (Акчаны же баалуу кагазды жасалма жасоо) менен Кылмыштардын жана жоруктардын бирдиктүү реестрине катталып, ИИМдин Тергөө кызматынын өзгөчө маанилүү иштерди тергөө боюнча бөлүмү (Ош ш.) тарабынан сотко чейинки өндүрүш иши ачылган.
Аймактар аралык башкармалыгынын (ААБ) кызматкерлери тарабынан жүргүзүлгөн ыкчам-иликтөө иш-чараларынын натыйжасында кылмышка шектүү жарандар аныкталган.
2021-жылдын 29-май күнү болжол менен саат 20:05 чамасында Кара-Суу районунун аймагында жасалма евро акчасын 600 000 миң сомго баалап алмаштырып, анын ичинен 470 миң сом жана калган акчага ВАЗ-2107 үлгүсүндөгү автоунаасын алып жаткан учурда Ош облусунун тургундары (аял киши) кармалды. Тинтүү учурунда алардан 10 миң евро акча каражаты табылып алынган.
Кармалгандар 1971-жылы туулган Б.М., 1980-жылы туулган жана 1991-жылы туулган У.М. (аялдар). Бардыгы Ош облусунун тургундары болушат.
Андан тышкары ИИМдин Криминалдык милиция кыщматы ЖАМКнын кызматкерлери менен биргеликте Ош шаарында жайгашкан мекемесинде соттолуучу болуп отурушкан, жогорудагы кылмышка тиешеси бар деп шектелген, 1992-жылы туулган М.Ф. жана 1991-жылы туулган Б.Б. отурушкан камералары тинтүүгө алынды. Тинтүү убагында мыйзамсыз колдонулуп жүргөн 3 даана уюлдук телефондор табылып алынды.
Азыркы кезде жасалма акча сатуу фактысы боюнча сотко чейинки өндүрүш толук жүргүзүлүүдө.

ИИМ Басма сөз кызматы

ИИМдин Басма сөз кызматы

Алардын маалыматына ылайык, Тажикстандын Кыргызстандагы элчисине тажик аскерлеринин жана аскердик техникаларынын Ош облусунун Чоң-Алай районуна караштуу Унжу-Булак жергесинде Кыргызстандын аймагына кирип келишине карата КР ТИМинин нааразычылык нотасы тапшырылды.

«Тажикстандын дипломатиялык өкүлчүлүгүнүн жетекчилигине тажик тарап тараптардын чек араны делимитациялоо жана демаркациялоо маселеси боюнча өкмөттөр аралык делегацияларынын деңгээлинде жетишилген келишимдерди, андан тышкары КР менен ТРнын 2021-жылы 1-майдагы коргоо министрликтеринин өкүлдөрүнүн жумушчу жолугушуусунун протоколун бузуу менен эки өлкөнүн чек араларындагы абалды курчутууга алып келүүчү кезектеги чагымчылдык аракеттерди көрүп жатканы көрсөтүлдү»,-деп айтылат маалыматта.

Сүрөт интернеттен алынды

«Бүгүн Ош облусунун Ноокат районунда КРнын Куралдуу Күчтөрүнүн Абадан кол салуудан коргонуу күчтөрүнүн МИ-8 МТ тик учагы конууга аргасыз болду. Учакта 10го жакын адам болгон, алдын ала маалыматтарга караганда, үч адам жеңил жаракат алган. Аларга зарыл болгон медициналык жардамдар көрсөтүлдү», — деп айтылат маалыматта.

Буга чейин айрым ММКлар булактарына таянып, учак кулап, адамдар жаракат алганын кабарлаган.

Сүрөт интернеттен алынды

Малыматка ылайык, министрлик кырсыкка байланыштуу Ош облусунун Ноокат районунун Кичи-Алай аймагынан чакыруу түшкөнүн маалымдады.

Ноокат райондук Жалпы дарыгердик практика борборунун директорунун орун басары Эртабылды Көккөзов маалымат түшөрү менен үч тез жардам бригадасы жөнөтүлгөнүн айткан. Алар ооруканага жеткирилгенден кийин кошумча маалымат берилет.

Белгилей кетсек, коргоо министрлиги МИ-8 МТ аскердик тик учагы авариялык абалда конууга аргасыз болгонун тастыктады. Бортто 10го чукул адам болгон. Алдын ала маалымат боюнча үч киши жеңил жаракат алган, алар медициналык жардамдан баш тартканы айтылат.

Сүрөт интернеттен алынды

«Президент баарын көзөмөлгө алып турат. Тажикстандын Улуттук коопсуздук комитетинин башчысы жолугуп, тынчтык жолу менен чечкенге аракет кылабыз бул жакка келе жатат. Келсе жолугуп, тынчтык жолу менен чечкенге аракет кылабыз”, — деди Ташиев.

Кыргызстандын Чек ара кызматы 4-июнда таңга маал тажик аскерлери Ош облусунун Чоң-Алай районундагы Унжу-Булак деген жердеги тактала элек жерге контейнер орното баштаганын жана Кыргызстандын аймагына 1000 метр ичкери кирип келгенин кабарлаган. Ошол жерде тажик аскерлери, автомашиналар жана жеңил брондолгон техника топтоло баштаганы байкалган.

Чек ара кызматы тажикстандыктар чек аранын тактала элек тилкесине орноткон контейнерин калтырып, өзү тарапка кайра 600 метр ары кайканын билдирди.

Ташиев 4-июнда эртең менен Чоң-Алай районуна чукул учуп барган.

«Бишкек менин туулуп өскөн жерим, мени өстүрүп, мага өзүмдү көрсөтүүгө мүмкүнчүлүк берди, эми ушул оор күндөрдө шаарга жана анын жарандарына жардам беришим керек экендигин түшүндүм. Биргелешип, биз ар кандай кыйынчылыктарды жеңе алабыз! Эң башкысы, мүмкүн болушунча позитивдүү болушубуз керек, анткени ар бирибиз борборго керек жана кымбат! » — деп жазган Өмүрзаков өзүнүн социалдык тармактарында.

Ошондой эле Данияр Өмүрзаков өз баракчасында бишкектиктер жана борбор калаанын коноктору мүмкүн болушунча коомдук транспортто жүрүшү үчүн автобустар жөнүндө билдирүү таратууну суранды.

«Эгерде сиз менин кайрылуумду окуган болсоңуз, анда Whatsapp аркылуу 5 досуңузга жазыңыз:» Саламатсызбы, Бишкек шаарынын тургуну! Шаарда бекер автобустар жүрөт. Бул билдирүүнү 5 досуңуз менен бөлүшүңүз жана эсиңизде болсун — Капитал сизге керек, сизге Капитал керек! Биз мыктыбыз! » — деп жазган.