Кыргызстанда быйыл жалпы республикалык тестирлөө 26-февралда башталган. Ал 9-апрелге чейин жүрөт. Бул тууралуу маалыматты Кыргызстандын Билим берүү жана илим министрлигинин өкүлү Марат Үсөналиев маалымат жыйында билдирди.
Тестке катышуу үчүн 2-мартка карата 58 миңден ашык абитуриент катталган.
Каттоодон өтүү үчүн керек болгон документтер:
-Паспорт (паспорт ала элек болсо, туулгандыгы тууралуу күбөлүк);
-ЖРТга каттоо акысы төлөнгөндүгүн тастыктаган квитанция;
-Орто билими жөнүндөгү аттестат;
-Талаптарга ылайык келген электрондук фотосүрөт.
Каттоо акысы ар бир абитуриент үчүн негизги тестке жана ар бир предметтик тестке 370 сомду түзөт. Жалпы республикалык тестирлөө алдын ала маалымат боюнча, быйыл 17-майдан 23-майга чейин өткөрүлөт. Өлкө боюнча 120га жакын тест борбору уюштурулат. Тестке каттоо онлайн түрүндө болот. Абитуриенттер окуган жеринен катталат, мурдагы бүтүрүүчүлөр райондук билим берүү бөлүмдөрүнөн катталат.
Катталуу онлайн өтөт, тестирлөө өзү кадимки режимде болот.
Кыргызстанда жалпы республикалык тестирлөө 20 жылдан бери өткөрүлүп келет.
Сүрөт интернеттен алынды