Бүгүн, 23-июлда “Сибирь” авиакомпаниясынын “Новосибирск – Бишкек” багыты боюнча чартердик каттамы менен 208 мекендешибиз кайтып келди. Бул тууралу ТИМдин басма сөз кызматы билдирет.
Бул каттамдын тизмесине Новосибирсктин ЖОЖдорунда окуган студенттер, төрөтү жакындап калган кош бойлуулар жана жаш балдары бар аялдар, ошондой эле мекенине чукул түрдө кайтышы керек болгон себеби бар жарандар киргизилген. Сибирь аймагында эмгектенген мигранттар 700 миң рубль өлчөмүндөгү медициналык каражаттар жана дары-дармектерди берип жиберишкен.
Ошондой эле Бишкекке коронавирус менен күрөшүүгө 8 ыктыярчы медкызматкер учуп келди.